Home Decor: రూ.100 ఎండుగడ్డితో అదిరిపోయే డెకరేషన్..ఈ ఐడియా మీ ఇంటి అందాన్నే మార్చేస్తుంది

Home Decor: ఒక ఐడియా జీవితాన్నే మార్చేస్తుంది. కానీ ఈ ఆలోచన మీ ఇంటి అందాన్ని రెట్టింపు చేస్తుంది. రూ.100 అంటే రూ.100 చాలు. ఇంటికి కొత్త కళను తీసుకురావొచ్చు. ఇది చూసినవాళ్లు మిమ్మల్ని మెచ్చుకోకుండా ఉండరంటే నమ్మండి. 

ఎండుగడ్డితో ఇంటికి అదిరిపోయే లుక్

సొంతిల్లు అంటే అందమైన అనుభూతి. కొందరైతే పదిలంగా కాపాడుకుంటారు. ఇంకాస్త అందంగా కనిపించాలని డిజైన్ చేయించుకోవాలనుకుంటారు. లివింగ్ రూం, బెడ్ రూం, కిచెన్ ఇలా ప్రతీ దాంట్లో కొత్తదనం ఉండేలా కోరుకుంటారు. అలాంటప్పుడు వేలకు వేలకు ఖర్చు చేయాల్సిన అవసరం లేదు.  మీ దగ్గరున్న రూ.100 తోనే అదిరిపోయే లుక్ తీసుకురావొచ్చు.  కేవలం 'పంపస్ గ్రాస్' (ఒక రకమైన ఎండిన గడ్డి). ఈ ఎండు గడ్డిని డెకరేషన్‍కు వాడుకుంటే సరిపోద్ది. 

ఇంట్లోనే DIY పంపస్ వాజ్

మీ ఇంటికి మినిమల్-ఎస్తెటిక్ లుక్ ఇవ్వాలనుకుంటే, పెద్దగా ఆలోచించకుండా ఇలాంటి రకరకాల ఫ్లవర్ వాజ్‌లు తయారు చేసుకోవచ్చు. ఇవి బెడ్‌రూమ్, హాల్ అందాన్ని పెంచుతాయి. దీనికోసం పాత గాజు సీసాలు, జార్‌లు లేదా గ్లాస్ గ్యాలన్‌లు తీసుకోవచ్చు. వాటిపై బేజ్, ఆలివ్ గ్రీన్ లేదా టెర్రాకోట వంటి మ్యాట్ చాక్ పెయింట్ వేయండి. అవి ఆరిన తర్వాత పంపస్ గడ్డితో అలంకరించండి. ఇది చాలా సులభమైన DIY ఐడియా. గాజు సీసాలకు జనపనార తాడు చుట్టి కూడా అద్భుతమైన వాజ్‌లు తయారు చేయవచ్చు. కావాలంటే ముత్యాలు లేదా బో (bow)లతో కూడా అలంకరించుకోవచ్చు.

పంపస్ వాల్ హ్యాంగింగ్

లివింగ్ రూమ్ లేదా బెడ్‌రూమ్‌లోని ఖాళీ గోడకు ఎలిగెంట్, డ్రీమీ లుక్ ఇవ్వడానికి ఈ డెకరేషన్ పర్‌ఫెక్ట్. దీన్ని చేయడానికి, ఒక కార్డ్‌బోర్డ్‌ను గుండ్రంగా కట్ చేసి, గోడకు వేలాడదీయండి. ఇప్పుడు గ్లూ గన్ సహాయంతో పంపస్ గడ్డిని బయటివైపు పొరలుపొరలుగా అతికించండి. 

పంపస్ బోహో మిర్రర్ రీత్: మీ ఇంటిలోని ఏదైనా కార్నర్‌కు ప్రీమియం లుక్ ఇవ్వాలంటే ఈ మిర్రర్ రీత్ ఎంచుకోండి. గుండ్రటి అద్దాన్ని తీసుకుని, దాని వెనుక బేస్ కోసం కార్డ్‌బోర్డ్ అతికించండి. తర్వాత అద్దం అంచు చుట్టూ పంపస్ గడ్డి, పచ్చని ఆకులను హాట్ గ్లూతో అతికించాలి. ఇది అద్దాన్ని పెద్దగా చూపించడమే కాకుండా, నేచురల్ లుక్ కూడా ఇస్తుంది.  

బెడ్‌రూమ్ డెకరేషన్ ఐడియా

మీ బెడ్‌రూమ్ చిన్నగా ఉన్నా లేదా ఫర్నిచర్‌తో నిండిపోయినా, పెద్దగా కష్టపడకుండా ఇలా అలంకరించవచ్చు. దీనికోసం, బలమైన ఇనుప జాలీ తీసుకుని, దానిలో థర్మాకోల్ కట్ చేసి అమర్చండి. ఇప్పుడు పెద్ద పంపస్ ఆకులు, ఎండిన ఆకులను వంపుగా అమర్చండి. ఇది గదికి వెచ్చని, రిలాక్సింగ్ ఫీల్‌ను ఇస్తుంది. 

ఫ్లోటింగ్ ఫ్రేమ్ ఆర్ట్: ఈ డిజైన్ బోరింగ్ గోడకు ఆర్ట్ గ్యాలరీ లాంటి ప్రీమియం లుక్ ఇస్తుంది. పాత ఫోటో ఫ్రేమ్ నుండి గ్లాస్, వెనుక భాగం తీసేసి, చెక్క ఫ్రేమ్‌ను మాత్రమే తీసుకోండి. ఇప్పుడు పంపస్ గడ్డి గుత్తిని ఫ్రేమ్ కింద నుండి గ్లూ లేదా దారంతో నిలువుగా అతికించండి. 

హూప్ ఫ్లోరల్ వాల్ డెకర్: ఎక్కువ హడావుడి వద్దనుకుంటే, ఈ వైట్-పాస్టెల్ థీమ్ డెకరేషన్ ఎంచుకోవచ్చు. రెండు క్రాఫ్ట్ రింగులు తీసుకుని, వాటికి మెటాలిక్ గోల్డ్ పెయింట్ వేయండి. తర్వాత హాట్ గ్లూతో పంపస్ గడ్డి, ఆర్టిఫిషియల్ పువ్వులను ఒకవైపు అతికించండి.