Home Decor: రూ.500 ఉంటే చాలు..మీ ఇంటికి కొత్తందం తెచ్చిపెడుతుంది

ఇంటికి అందమైన, లగ్జరీ లుక్ రావాలంటే భారీ బడ్జెట్ అక్కర్లేదు. కొంచెం ఆలోచిస్తే రూ.500 కంటే తక్కువ ఖర్చుతోనే మీ పాత ఇంటిని కొత్తగా, స్టైలిష్‌గా మార్చుకోవచ్చు.  అదిరిపోద్ది కూడా.

ఎంబ్రాయిడరీ, జ్యామెట్రిక్ లేదా బోహో ప్రింట్స్ ఉన్న కుషన్ కవర్లు పాత సోఫాకు కూడా కొత్త లుక్ ఇస్తాయి. రూ.200 నుంచి రూ.500 లోపు 2 నుంచి 4 కుషన్ కవర్లు వస్తాయి.

ఫెయిరీ లైట్స్ పండుగలకు మాత్రమే కాదు.. బెడ్ హెడ్‌బోర్డ్, బాల్కనీ, వాల్ షెల్ఫ్‌పై అలంకరించవచ్చు. హ్యాంగింగ్ లైట్స్ ఆప్షన్ ఎంచుకోవచ్చు. రూ.100-రూ.250లోనే ఇది మంచి డెకార్ అప్‌గ్రేడ్.

మొక్కల సంరక్షణకు టైం లేకపోతే, చిన్న ఫాక్స్ ప్లాంట్స్ , ఆర్టిఫిషియల్ సక్యూలెంట్స్‌ను షెల్ఫ్, సెంటర్ టేబుల్ లేదా టీవీ యూనిట్‌పై పెట్టండి. రూ.150 -రూ.400 లో దొరుకుతాయి.

అందమైన ట్రేలో చిన్న షోపీస్, కొవ్వొత్తి లేదా మినీ ప్లాంట్ పెట్టండి. ఇది హోటల్స్, లగ్జరీ ఇళ్లలో ఉన్నట్లుగా లుక్ ఇస్తుంది. రూ.300 -రూ.500 లో దొరుకుతుంది.

గోడ వెలిసిపోయినట్లు ఉంటే, సెల్ఫ్-అడెసివ్ వాల్‌పేపర్ ఒక అద్భుతమైన DIY ఆప్షన్. మార్బుల్, వుడెన్  టెక్స్చర్డ్ డిజైన్ వాల్‌పేపర్లు తక్కువ ధరలో ఉన్నాయి. ప్రీమియం ఫీల్ ఇస్తాయి.