Valentines day In Hyderabad: హైదరాబాద్ లో బెస్ట్ రొమాంటిక్ ప్లేసులు ఇవే..!

హైదరాబాద్ లో రొమాంటిక్ డిన్నర్ కి వెళ్లాలన్నా, డిఫరెంట్ గా ఏదైనా అడ్వెంచర్ చేయాలని అనుకున్నా.. చాలా ఆప్షన్స్ ఉన్నాయి. మరి, అవేంటో ఓ లుక్కేద్దామా...  

ప్రేమికుల రోజు వచ్చేస్తోంది. ఈ  వాలంటైన్స్ డే రోజున తాము ప్రేమించిన వారితో సరదాగా గడపాలి అనే కోరిక చాలా మందిలో ఉంటుంది. మీరు కూడా హైదరాబాద్ లో ఉండి... మీరు ప్రేమించిన వారితో ఈ రోజున  చాలా డిఫరెంట్ గా.. చాలా రొమాంటిక్ గా గడపాలి అనుకుంటున్నారా? అయితే.. మీకు బోలెడన్ని అవకాశాలు ఉన్నాయి. హైదరాబాద్ లో రొమాంటిక్ డిన్నర్ కి వెళ్లాలన్నా, డిఫరెంట్ గా ఏదైనా అడ్వెంచర్ చేయాలని అనుకున్నా.. చాలా ఆప్షన్స్ ఉన్నాయి. మరి, అవేంటో ఓ లుక్కేద్దామా...

1.రొమాంటిక్ డిన్నర్ చేయాలా..?

రొమాంటిక్ గా డిన్నర్ చేయాలంటే మీరు ఫలక్ నుమా ప్యాలెస్ వెళ్లాల్సిందే. చాలా లగ్జరీయస్ గా ఉండే ఈ రెస్టారెంట్ లో రాచరికాన్ని రుచి చూస్తూ మంచి భోజనం రుచి చూడవచ్చు. ఇక్కడ బిల్లు మాత్రం కాస్త ఎక్కువగా అయ్యే అవకాశం అయితే ఉంది. ఆ విషయం గుర్తుపెట్టుకోవాలి.

మీరు రొమాంటిక్ డిన్నర్ చేయడానికి మరో అద్భుతమైన ప్లేస్ ఆలివ్ బిస్ట్రో. ఇక్కడ మనోహరమైన వాతావరణం చాలా రొమాంటిక్ గా అనిపిస్తుంది.
నిజాం జ్యువెల్ - ది మినార్ (ది గోల్కొండ రిసార్ట్): విశాల దృశ్యాలు , ప్రామాణికమైన హైదరాబాదీ వంటకాలతో కూడిన సొగసైన, టవర్-శైలి రెస్టారెంట్.. ఇక్కడి నుంచి చూస్తే హైదరాబాద్ చాలా వరకు కనపడుతుంది.
 ప్రీగో (ది వెస్టిన్): రొమాంటిక్ అవుట్‌డోర్ సీటింగ్ ప్రాంతం, వెచ్చని వాతావరణంతో కూడిన హాయిగా ఉండే ఇటాలియన్ రెస్టారెంట్.
 వాటర్‌ఫ్రంట్ రెస్టారెంట్: హుస్సేన్ సాగర్ దగ్గరలో ఉండే ఈ రెస్టారెంట్ కూడా రొమాంటిక్ గా డిన్నర్, లంచ్ చేయడానికి అనువుగా ఉంటుంది.

Sunrise

2.సన్ రైజ్, సన్ సెట్ చూడాలా..?
ఈ వాలంటైన్స్ డే రోజున మీరు ప్రేమించిన వారితో అందమైన సన్ రైజ్, సన్ సెట్ చూడాలి అనుకుంటే దానికి కూడా మన హైదరాబాద్ నగరంలో బెస్ట్ ప్లేసులు ఉన్నాయి.
హుస్సేన్ సాగర్ సరస్సు: నెక్లెస్ రోడ్ దగ్గర రొమాంటిక్ గా ఒకరి చెయ్యి మరొకరు పట్టుకొని నడవండి. సన్ రైజ్, సన్ సెట్ రెండూ చూడొచ్చు. తర్వాత బోట్ రైడ్ కి కూడా వెళ్లొచ్చు. 
 గోల్కొండ కోట: చరిత్ర తెలుసుకోవడంతో పాటు.. సాయంత్రం వేళ గొల్కొండ కోట పై నుంచి సూర్యాస్తమయ దృశ్యాన్ని చూడండి.

park

3.పార్క్ కి వెళ్లాలంటే... 
• లుంబిని పార్క్: లుంబినీ పార్క్ లో చాలా ప్రశాంతంగా ఉంటుంది. అక్కడ సరస్సు ఒడ్డున ప్రశాంతమైన వాతావరణాన్ని ఆస్వాదించండి.
• బొటానికల్ గార్డెన్స్: విభిన్న మొక్కలు చూడొచ్చు. ప్రశాంతంగా గడపడానికి బాగుంటుంది.

4. స్పెషల్ గా ఉండాలంటే... 
• రామోజీ ఫిల్మ్ సిటీ: సినిమా మాయా ప్రపంచాన్ని చూడటానికి రామోజీ ఫిల్మ్ సిటీకి వెళ్లొచ్చు. అక్కడ రోజంతా గడపొచ్చు.
• చౌమహల్లా ప్యాలెస్: కాలంలోకి తిరిగి అడుగుపెట్టి నిజాంల వైభవాన్ని అనుభవించండి.

5.అడ్వెంచర్ చేయాలంంటే...
• మౌలా అలీ వద్ద రాక్ క్లైంబింగ్: అడ్వెంచర్ గా ఉండటంతో పాటు సరదాగా కూడా ఉంటుంది. 
రన్‌వే 9 వద్ద గో-కార్టింగ్: ఫన్ తో పాటు.. మీరు రొమాంటిక్ గా గడపడానికి బాగుంటుంది.