ఇదొక్కటి పెట్టినా.. పసుపు పచ్చని పళ్లు తెల్లగా అవుతాయి

కొంతమంది పళ్లను చాలా సేపు తోముతుంటారు. అయినా పళ్లు మాత్రం పసుపు పచ్చగానే ఉంటాయి. దంతాలు తెల్లగా కావాలని ఎన్నో ప్రయోగాలు చేస్తుంటారు. అయినా కావు. కానీ మీరు ఒకటి పెడితే మాత్రం ఖచ్చితంగా పచ్చ పళ్లు తెల్లగా తలతలలాడుతాయి.

yellow teeth

ఆడవాళ్లకైనా, మగవారికైనా తెల్లనే దంతాలే అందం. మనం నవ్వుతుంటే మన ముఖంలో ముందుగా కనిపించేది దంతాలే. కాబట్టి ఇవి తెల్లగా ఉండాలని చాలా మంది కోరుకుంటారు. కానీ చాలా మంది దంతాలు పసుపు పచ్చగా, దంతాలపై మరకలు ఉంటాయి. ఇది వారిని మనస్ఫూర్తిగా నవ్వకుండా చేస్తుంది.

yellow teeth

దంతాలను సరిగ్గా తోమకపోవడం, కొన్ని వస్తువులు తినడం వల్ల దంతాలపై మురికి పేరుకుపోతుంది. దీంతో దంతాలు పసుపురంగులోకి మారడం, పసుపు పచ్చగా మారుతుంటాయి.

ఇక పచ్చని పళ్లు తెల్లగా కావాలని చాలా మంది మార్కెట్ లో దొరికే రకరకాల టూత్ పేస్ట్ లను, టూత్ పౌడర్లను వాడుతుంటారు. కానీ వీటివల్ల కూడా ఎలాంటి ప్రయోజనం ఉండదు. కానీ కొన్నింటిని వాడితే మీ పళ్లు ఖచ్చితంగా తెల్లగా తలతలలాడుతాయి. అవేంటో ఇప్పుడు తెలుసుకుందాం పదండి. 

నిమ్మరసం, ఉప్పు

నిమ్మరసాన్ని చాలా మంది బరువు తగ్గడానికి బాగా తాగుతుంటారు. అలాగే ఇది మీ ఇమ్యూనిటీ పవర్ ను కూడా పెంచుతుంది. అంతేకాదు నిమ్మరసంతో పసుపు పచ్చ పళ్లను తెల్లగా చేయొచ్చు.

ఇందుకోసం మీరు  మార్నింగ్ బ్రష్ చేసుకున్న తర్వాత నిమ్మరసంలో కొద్దిగా ఉప్పు కలిపి దంతాలపై బాగా రుద్దండి. తర్వాత గోరువెచ్చని నీళ్లలో నిమ్మరసం కలిపి పుక్కిలించండి. దీనివలల నోట్లోని బ్యాక్టీరియా తగ్గుతుంది.

white teeth

త్రిఫల చూర్ణం

త్రిఫల చూర్ణం మనకు ఎన్నో విధాలుగా ప్రయోజనకరంగా ఉంటుంది. ఇది దేశంలో ఏ చోటైనా దొరుకుతుంది. త్రిఫల చూర్ణం ఉదర సంబంధిత సమస్యలను తగ్గించడంలో చాలా ఎఫెక్టీవ్ గా పనిచేస్తుంది.

అంతేకాదు ఇది దంత సమస్యలను తగ్గించడానికి కూడా బాగా సహాయపడుతుందని డాక్టర్లు చెబుతున్నారు. మీ పళ్లు పసుపు పచ్చగా ఉంటే.. దీనితో పళ్లు తోముకోండి. ఇది మీ పళ్లను తెల్లగా చేస్తుంది. 

బొగ్గు

ఒకప్పుడు ఈ టూత్ పేస్ట్ లు, టూత్ పౌడర్ లు లేనేలేవు. కానీ మన పూర్వికుల దంతాలు మాత్రం తలతలా తెల్లగా మెరిసేవి. మన తాతలు, నానమ్మలు ఈ కాలంలో కూడా ముఖ్యంగా గ్రామాల్లో ఉన్నవారు టూత్ పేస్ట్ ను అస్సలు వాడరు.

కానీ వారి పళ్లు మాత్రం తెల్లగా ఉంటాయి. దీని సీక్రేట్ బొగ్గు. అవును బొగ్గు దంతాలను తెల్లగా చేస్తుంది. అలాగే బలంగా కూడా ఉంటాయి. కాబట్టి మీరు పసుపు పచ్చ పళ్లు తెల్లగా కావాలంటే బొగ్గును ఉపయోగించండి. దీనివల్ల ఎలాంటి సైడ్ ఎఫెక్ట్స్ రావు. 

నువ్వుల నూనె

దంతాలపై ఉన్న పసుపు పచ్చ మరకలు పోవాలంటే మీరు ప్రతిరోజూ ఉదయాన్నే నువ్వుల నూనెతో పుక్కిలించండి. ఇది మీ  దంతాలు దృఢంగా కూడా చేస్తుంది. అలాగే తిన్న తర్వాత రాత్రిపూట ఖచ్చితంగా బ్రష్ చేయాలి. మీరు రోజుకు రెండు సార్లు అంటే ఉదయం, రాత్రిపూట పళ్లను తోముకుంటే మీ దంతాలు బలంగా ఉంటాయి. తెల్లగా కూడా ఉంటాయి. 

అయితే పై పద్ధతులను ఉపయోగించి పసుపు పచ్చ దంతాలను తెల్లగా చేయడానికి ప్రయత్నించేవారు చాలా జాగ్రత్తగా ఉండాలి. దంతాలు తెల్లగా ఉండాలని మీరు ఎక్కువ సేపు బ్రష్ చేసినా, ఎక్కువసేపు ఆయిల్ పుల్లింగ్ చేసినా మీ దంతాలు దెబ్బతింటాయి.