మీ కాలెయాన్ని ఆరోగ్యంగా ఉంచే టిప్స్ ఇవిగో..

కాలెయం ఆహారం జీర్ణం కావడానికి అవసరమయ్యే పిత్త రసాన్ని ఉత్పతి చేయడం నుంచి మొదలుకుని రక్తం నుంచి విషపదార్థాలను బయటకు పంపడంతో పాటుగా ఎన్నో పనులను చేస్తుంది. ఒక రోజులో కాలెయం మన శరీరంలో 500 కంటే ఎక్కువ విధులనే నిర్వర్తిస్తుందన్న విషయం మీకు తెలుసా..? 

LIVER

కాలెయం మన శరీరంలో ఒక ముఖ్యమైన భాగం. ఇది రోజుకు 500 కంటే ఎక్కువ విధులను నిర్వహిస్తుంది. మనం తిన్న ఆహారం  జీర్ణం అవడానికి అవసరమయ్యే పిత్త రసాన్ని ఉత్పత్తి చేస్తుంది. అలాగే మనం రక్తంలో ఉండే విషపదార్థాలను బయటకు తొలగిస్తుంది. అంతేకాదు మనం తినే, తాగే ప్రతి పదార్థాన్ని ప్రాసెస్ చేస్తుంది. 

Liver

కాలెయం మన శరీర జీవక్రియ, సింథటిక్ విధుల్లో ప్రధాన పాత్ర పోషిస్తుంది. మానవ శరీరంలో ఇది కీలకమైన భాగం కావడం వల్ల దీన్నిమనం ఆరోగ్యంగా ఉంచుకోవాల్సిన అవసరం ఎంతో ఉంది. 

కాలెయం పనితీరులో ఏదైన అడ్డంకి వస్తే మొత్తం శరీరం యొక్క పనితీరుకు అంతరాయం కలుగుతుంది. కాలెయ ఆరోగ్యాన్ని ప్రభావితం చేసే కారకాలు కొన్ని ఉన్నాయి. అందులో మన జీవనశైలి అలవాట్లు ఒకటి. మరీ మీ కాలెయం ఆరోగ్యంగా ఉండాలంటే మాత్రం మీ జీవన విధానాన్ని ఖచ్చితంగా మార్చుకోవాలంటున్నారు ఆరోగ్య నిపుణులు. కాలెయ ఆరోగ్యాన్ని మెరుగుపరిచే చిట్కాలు ఇక్కడ ఉన్నాయి. 

రకరకాల పండ్లు, కూరగాయలు.. కాలెయం ఆరోగ్యంగా ఉండటానికి ముందుగా మనం చేయాల్సింది మంచి పోషకాహారం తీసుకోవడం. రకరకాల కూరగాయలు, పండ్లను తీసుకోవడం వల్ల ఆరోగ్యంగా ఉంటాము. ఇవి వివిధ పోషకాలను మన శరీరానికి అందిస్తాయి. వీలైనంత వరకు వివిధ రంగుల్లో ఉండే కూరగాయలను తీసుకోవడం వల్ల మన శరీరానికి ఎక్కువ మొత్తంలో పోషకాలు లభిస్తాయి. కాలెయం కూడా ఆరోగ్యంగా ఉంటుంది. అయితే శుద్ధి చేసిన ఆహారాలు, జంక్ ఫుడ్, చక్కెర, ప్రాసెస్ చేసిన ఆహారాలను తీసుకోవడం మానేయండి. 

బరువును నియంత్రించండి.. అధిక బరువు లేదా ఊబకాయం సమస్య ఉన్న వారు కాలెయ సంబంధిత  సమస్యలతో పాటుగా దీర్ఘకాలిక వ్యాధుల బారిన పడే అవకాశం ఉందని నిపుణులు చెబుతున్నారు. అధిక బరువు వల్ల అవయవంపై ఒత్తిడి పడుతుంది. ఆల్కహాలిక్ కాని కొవ్వు  వల్ల కాలెయ వ్యాధి ప్రమాదం పెరుగుతుంది. ఆరోగ్యకరమైన బరువు వల్ల కాలెయ సామర్థ్యం పెరగుతుంది. 

కాలెయ సంబంధిత సమస్యలు.. కాలెయ సంబంధిత సమస్యలున్నవారు లేదా ఎక్కువగా మద్యం సేవించడం లేదా కాలెయ సంబంధిత సమస్యలున్న కుటుంబ చరిత్ర ఉంటే మీరు కాలెయ టెస్ట్ ను తప్పక చేయించుకోవాలి. ముందుస్తుగా టెస్ట్ చేయించుకోవడం వల్ల దానిని నివారించవచ్చు.

సురక్షితమైన సెక్స్.. సురక్షితం కాని సెక్స్ మీకు హైపర్ టైటిస్ ప్రమాదాన్ని కలిగిస్తుంది. అంటే కాలయ మంటకు దారి తీసే పరిస్థితి అన్న మాట. దీన్ని ప్రారంభ దశలో గుర్తించడం కష్టం. హైపర్ టైటిస్ వైరస్ ప్రధాన కారణాలేంటంటే.. A, B, C, D మరియు E. హెపటైటిస్ B మరియు C అసురక్షితమైన సెక్స్ ద్వారా లేదా బహుళ భాగస్వాములతో సన్నిహితంగా ఉండటం ద్వారా వ్యాప్తి చెందుతాయి.

ఒకవేళ మీరు ఏదైనా అనారోగ్య సమస్య గురించి బాధపడుతున్నట్టైతే.. డాక్టర్లు సూచించిన మెడిసిన్స్ ను ఉపయోగించండి. ఎందుకంటే కొన్ని రకాల మెడిసిన్స్  దీర్ఘకాలిక కాలెయ నష్టానికి దారితీస్తుంది. మీరు మందులు వేసుకున్న తర్వాత వికారం , వాంతులు, దద్దుర్లు వంటి సమస్యలు ఎదురైతే.. వైద్యుడిని సంప్రదించడం మంచిది. 

వ్యాక్సిన్ వేయించుకోండి.. కాలెయం దెబ్బతినే ప్రమాదం తగ్గాలంటే హైపటైటిస్ ఎ, హైపటైటిస్ బి కోసం టీకాలు వేయించుకోండి. బలహీనమైన రోగ నిరోధక శక్తి కలిగున్న వారు, భవిష్యత్తులో కాలెయ సమస్యలు సోకే అవకాశం ఎక్కువగా ఉన్న వారికి వ్యాక్సిన్ చాలా ముఖ్యం.