కెరీర్లో ఉన్నత శిఖరాలను అధిరోహించాలని ప్రతీ ఒక్కరూ కోరుకుంటారు. అందుకు అనుగుణంగానే కృషి చేస్తుంటారు. అయితే తెలిసో, తెలియకో మనం చేసే కొన్ని తప్పులు మనల్ని వెనక్కిలాగుతుంటాయి. ముఖ్యంగా వృత్తిపరంగా సక్సెస్ కావాలనుకునే వారు కచ్చితంగా కొన్ని రకాల తప్పులకు దూరంగా ఉండాలని నిపుణులు సూచిస్తున్నారు. అవేంటో ఇప్పుడు తెలుసుకుందాం..
మీ అలవాట్లు మీ కెరీర్ని నిర్ణయిస్తాయి. కొన్ని అలవాట్లు మీకు మంచి చేస్తే, మరికొన్ని మీ కెరీర్ని నాశనం చేస్తాయి. మీ కెరీర్ని నాశనం చేసే 6 చెడు అలవాట్లు ఏంటో ఇప్పుడు తెలుసుకుందాం..
27
1. పనిని వాయిదా వేయడం
పనిని చివరి నిమిషం వరకు వాయిదా వేయడం వల్ల మీ ఉత్పాదకత తగ్గుతుంది, ఒత్తిడి పెరుగుతుంది. ఇది మీ సామర్థ్యాన్ని చూపించడానికి అడ్డుపడుతుంది. కాబట్టి కెరీర్ లో సక్సెస్ కావాలంటే వాయిదా వేయడాన్ని ఆపేయాలి.
37
2. నెట్వర్కింగ్ను నిర్లక్ష్యం చేయడం
వృత్తిపరమైన సంబంధాలు లేకపోవడం వల్ల కెరీర్లో ఎదగడం కష్టం అవుతుంది. మంచి నెట్వర్క్ కెరీర్కి చాలా ముఖ్యం. ఏదో మన పని మనం చేసుకు వెళ్తున్నాం కదా అన్న ధోరణిలో ఉంటే కష్టమవుతుంది, అవకాశాలను అందుకోలేకపోతారు.
47
3. ఫీడ్బ్యాక్ని తిరస్కరించడం
సూచనలను పట్టించుకోకపోవడం వల్ల మీరు ఎదగలేరు. ఫీడ్బ్యాక్ మీ నైపుణ్యాలను మెరుగుపరచుకోవడానికి సహాయపడుతుంది. కాబట్టి మీకు ప్రతికూలంగా సూచనలు వచ్చినా సరే వాటి నుంచి నేర్చుకుని ముందుకుసాగాలి.
57
4. అనుకూలత లేకపోవడం
కొన్ని సందర్భాల్లో పని ప్రదేశంలో వాతావరణం మీకు నచ్చినట్లు ఉండకపోవచ్చు. అందుకే మార్పులకు అనుగుణంగా మారాలి. లేదంటే మీరు వెనుకబడిపోతారు. అనుకూలత చాలా ముఖ్యం.
67
5. సమయ నిర్వహణ లేకపోవడం
సమయానికి పనులు పూర్తి చేయకపోవడం వల్ల మీ కెరీర్కి నష్టం జరుగుతుంది. సమయపాలన చాలా ముఖ్యం. అందుకే చేసే పని ఎంత సమర్థవంతంగా చేస్తున్నామన్నదాంతో పాటు, ఏ సమయంలో పూర్తి చేస్తున్నామన్నదాన్ని కూడా పరిగణలోకి తీసుకోవాలని నిపుణులు సూచిస్తున్నారు.
77
6. బాధ్యత తప్పించుకోవడం
కొన్నిసార్లు అనుకోని బాధ్యతలను కూడా స్వీకరించాల్సి వస్తుంది. అయితే ఇలాంటి బాధ్యతల నుంచి తప్పించుకోవడం వల్ల మీ నాయకత్వ లక్షణాలు లోపిస్తాయి. బాధ్యతలను తీసుకోవడం అలవాటు చేసుకోవాలి. అది మీ కెరీర్ ను ఉన్నత స్థానానికి తీసుకెళ్తుంది.
