ప్రధాని మోదీ దౌత్యపరమైన చర్యలతో ప్రమాదకరమైన హర్ముజ్ జలసంధి మార్గం తెరుచుకుందా..? నాలుగు విడతల చర్చల తర్వాత భారత్కు చెందిన శివాలిక్, నందాదేవి ఎల్పీజీ ట్యాంకర్లు సురక్షితంగా దాన్ని దాటాయి. దీంతో భారత్కు ఇంధన సంక్షోభం తప్పినట్లేనా.?
మధ్యప్రాచ్యంలో ఉద్రిక్తతలు పెరుగుతున్న వేళ భారత్కు ఓ శుభవార్త అందింది. షిప్పింగ్ కార్పొరేషన్ ఆఫ్ ఇండియా (SCI)కు చెందిన 'శివాలిక్', 'నందాదేవి' అనే రెండు భారీ ఎల్పీజీ ట్యాంకర్లు హర్ముజ్ జలసంధిని సురక్షితంగా దాటాయి. ప్రస్తుతం అవి భారత్ వైపు వస్తున్నాయి.
ప్రపంచంలోనే అత్యంత కీలకమైన, ఉద్రిక్తమైన సముద్ర మార్గాల్లో హర్ముజ్ ఒకటి. ఇటీవలి ఇజ్రాయెల్, అమెరికాచ ఇరాన్ మధ్య ఉద్రిక్తతల కారణంగా ఈ మార్గంలో అనేక నౌకల రాకపోకలు నిలిచిపోయాయి. దీంతో ఇండియాలో ఎల్పిజి కొరత ఏర్పడింది.
27
దౌత్య చర్చలతోనే మార్గం సుగమమైందా?
ఈ నౌకలు సురక్షితంగా ప్రయాణించడం యాదృచ్ఛికంగా జరగలేదని సమాచారం. దీని వెనుక భారత్, ఇరాన్ మధ్య పలు దఫాలుగా చర్చలు జరిగాయి. భారత విదేశాంగ మంత్రి ఎస్. జైశంకర్, ఇరాన్ విదేశాంగ మంత్రి సయ్యద్ అబ్బాస్ అరాఘ్చీతో ఫిబ్రవరి 28, మార్చి 5, 10, 12 తేదీల్లో నాలుగు సార్లు ఫోన్లో మాట్లాడారు. ఆ తర్వాత ప్రధాని నరేంద్ర మోదీ కూడా గురువారం ఇరాన్ అధ్యక్షుడు మసూద్ పెజెష్కియాన్తో నేరుగా సంభాషించారు. ఈ దౌత్యపరమైన ప్రయత్నాల వల్లే భారత నౌకలకు సురక్షిత మార్గం లభించిందని భావిస్తున్నారు.
37
'శివాలిక్', 'నందా దేవి' నౌకల ప్రత్యేకత ఏంటి?
భారత్కు వస్తున్న ఈ రెండు నౌకల్లో భారీగా గ్యాస్, ఇతర సరుకులు ఉన్నాయి. ఒక్క 'శివాలిక్' ట్యాంకర్లోనే సుమారు 40,000 మెట్రిక్ టన్నుల ఎల్పీజీ గ్యాస్ ఉంది. 'నందా దేవి' నౌక కూడా పెద్ద మొత్తంలో ఇంధన సంబంధిత వస్తువులను తీసుకుని భారత్ వైపు వస్తోంది. దేశ ఇంధన సరఫరాకు ఈ నౌకలు సురక్షితంగా చేరుకోవడం చాలా కీలకంగా మారింది.
ఇటీవల ఇరాన్పై అమెరికా, ఇజ్రాయెల్ జరిపిన దాడులతో ఈ ప్రాంతంలో ఉద్రిక్తతలు పెరిగాయి. దీనికి ప్రతిస్పందనగా, ఇరాన్ ఆ ప్రాంతంలో అనేక వ్యూహాత్మక చర్యలు తీసుకుంది. దీంతో హర్ముజ్ జలసంధి గుండా వెళ్లే వందలాది నౌకల కదలికలు నిలిచిపోయాయి. ఆ సమయంలో భారత జెండాతో ఉన్న సుమారు 28 నౌకలు కూడా అక్కడ చిక్కుకుపోయాయని రిపోర్టులు చెబుతున్నాయి.
57
ఇతర భారత నౌకల పరిస్థితి ఏంటి?
ప్రస్తుతం భారత ప్రభుత్వం ఈ ప్రాంతంలోని ఇతర భారతీయ నౌకలు సురక్షితంగా ప్రయాణించేలా చూసే పనిలో ఉంది. షిప్పింగ్ మంత్రిత్వ శాఖ ప్రత్యేక కార్యదర్శి రాజేష్ కుమార్ సిన్హా మాట్లాడుతూ, 'జగ్ ప్రకాశ్' అనే మరో భారతీయ ట్యాంకర్ ఈ వ్యూహాత్మక సముద్ర మార్గం తూర్పు భాగం గుండా కదులుతోందని చెప్పారు. ఇది భారత నౌకా రవాణా క్రమంగా సాధారణ స్థితికి వస్తుందనడానికి సంకేతం.
67
గల్ఫ్లో ఎంతమంది భారత నావికులు ఉన్నారు?
గల్ఫ్ ప్రాంతం అంతటా వాణిజ్య నౌకలు, ఓడరేవులు, సముద్ర స్థావరాల్లో సుమారు 23,000 మంది భారతీయ నావికులు పనిచేస్తున్నారు. అందువల్ల, ఈ ప్రాంతంలో పెరుగుతున్న ఉద్రిక్తతలు భారత్కు పెద్ద ఆందోళన కలిగిస్తున్నాయి.
77
భారత్కు పెను ఇంధన సంక్షోభం తప్పిందా?
హర్ముజ్ జలసంధి ఎక్కువ కాలం మూసివేసి ఉంటే, అది భారతదేశ ఇంధన సరఫరా, వాణిజ్యం రెండింటినీ దెబ్బతీసేదని నిపుణులు భావిస్తున్నారు. అందుకే, దౌత్యపరమైన చర్చల ద్వారా నౌకలు సురక్షితంగా ప్రయాణించడం భారత్కు పెద్ద ఊరటనిచ్చింది.
