పెయిన్ కిల్లర్స్ ఎక్కడో కాదు మీ వంటింట్లోనే ఉన్నాయి.. ఏంటేంటంటే?

తలనొప్పి, కడుపు నొప్పి, కీళ్ల నొప్పులు వంటి ప్రతీ నొప్పికి పెయిన్ కిల్లర్స్ ట్యాబ్లెట్లను వేసుకునే వారు చాలా మందే ఉన్నారు. నిజానికి పెయిన్ కిల్లర్స్ మెడికల్ షాపుల్లో కాదు మీ వంటింట్లోనే ఉన్నాయి తెలుసా?   

నొప్పి.. గాయం, అనారోగ్యం లేదా మంట వంటి అనేక కారకాల వల్ల కలుగుతుంది. అయితే చాలా మంది నొప్పి కలిగిన ప్రతి సారీ ఇబుప్రోఫెన్ లేదా ఎసిటమినోఫెన్ వంటి నొప్పి నివారణలను  ఉపయోగిస్తారు.  
కానీ మన వంటింటల్లో నేచురల్ పెయిన్ కిల్లర్స్ కూడా ఉన్నాయి తెలుసా? ఇవి నొప్పిని తగ్గించడానికి ఎఫెక్టీవ్ గా సహాయపడతాయి. అవేంటో ఇప్పుడు తెలుసుకుందాం..

పసుపు

పసుపులో దివ్య ఔషదాలు దాగున్నాయి. దీనిలో శోథ నిరోధక లక్షణాలు కూడా ఉన్నాయి. ఇది శరీరంలో మంటను తగ్గించడానికి ఎంతగానో సహాయపడుతుంది. అంతేకాదు నొప్పులను తగ్గించడానికి ఉపయోగించే సహజ నొప్పి నివారిణిగా కూడా పనిచేస్తుంది. పసుపులో అనేక యాంటీసెప్టిక్, యాంటీబయాటిక్ లక్షణాలు కూడా ఉన్నాయి. ఇది గాయాలు, ఇతర చర్మ వ్యాధులను తగ్గించడానికి ఎంతో సహాయపడుతుంది. అంతేకాదు పసుపు ఫ్లూ వల్ల కలిగే సమస్యలను, నోటి పూతను కూడా తగ్గించడానికి సహాయపడుతుంది. 

Image: Getty Images

అల్లం

అల్లం మీ కండరాలు, కీళ్లలో నొప్పిని తగ్గించడానికి సహాయపడుతుంది. ఇది నొప్పి హార్మోన్లను ఉత్పత్తి చేయకుండా, వాటిని విడుదల చేయకుండా ఆపగల రసాయనాలను కలిగి ఉంటుంది. మీకు అనారోగ్యం లేదా వికారంగా అనిపిస్తే అల్లాన్ని తీసుకోండి. పెగ్నెన్సీ వికారాన్ని కూడా అల్లం తగ్గిస్తుంది. అల్లం దగ్గు, జలుబును కూడా తగ్గిస్తుంది. 

తులసి 

తులసిలో ఎన్నో ఔషదగుణాలు దాగున్నాయి. సాంప్రదాయ వైద్యంలో దీన్ని చాలా కాలంగా ఉపయోగిస్తున్నారు. ఇది మంట, నొప్పిని తగ్గించడంతో సహా శరీరానికి అనేక ప్రయోజనాలను కలిగిస్తుంది. ఇది శరీరంలోని హానికరమైన పదార్థాలను బయటకు పంపడానికి సహాయపడుతుంది. కోవిడ్-19 వంటి అనారోగ్యాలకు వ్యతిరేకంగా పోరాడటానికి కూడా తులసి సహాయపడుతుంది. శరీరంలో కొన్ని హార్మోన్ల విడుదలను నియంత్రిస్తుంది. ముఖ్యంగా కార్డిసాల్ . ఈ కార్డిసాల్ ఒత్తిడిని కలిగించే హార్మోన్. తులసి ఒత్తిడిని తగ్గించడానికి ఎంతగానో సహాయపడుతుంది.