బెల్లీ ఫ్యాట్ కరగాలా? అయితే వీటిని తినండి.. తొందరగా తగ్గుతుంది

బెల్లీ ఫ్యాట్ ఎన్నో ప్రమాదకరమైన రోగాలకు దారితీస్తుంది. అందుకే బెల్లీ ఫ్యాట్ ను వీలైనంత తొందరగా తగ్గించుకోవాలి. అయితే మూడు పానీయాలను తాగినా బెల్లీ ఫ్యాట్ తగ్గుతుందని నిపుణులు అంటున్నారు. అవేంటంటే..

belly fat

ప్రస్తుతం చాలా మంది బెల్లీ ఫ్యాట్ తో బాధపడుతున్నారు. అయినా ఇది ప్రస్తుతం సర్వ సాధారణ సమస్యగా మారిపోయింది. ఈ ఫ్యాట్ ను కరిగించడానికి ఆహార ప్రణాళికలు, వ్యాయామం చేయడం వంటి ఎన్నో పద్దతులను ఫాలో అవుతుంటారు. ప్రపంచ ఆరోగ్య సంస్థ ప్రకారం.. గత మూడు దశాబ్దాలలో ఊబకాయం మూడు రెట్లు పెరిగింది. ఈ ఊబకాయం డయాబెటిస్, గుండె జబ్బులు, మూత్రపిండాల సమస్యలు వంటి అనేక ఆరోగ్య సమస్యలను కలిగిస్తుంది. ఆహార నియంత్రణ, వ్యాయామం వంటి కఠినమైన ప్రయత్నాలు చేసినప్పటికీ చాలా మంది బరువును మాత్రం తగ్గరు. 

belly fat

ఊబకాయాన్ని తగ్గించుకోవడానికి ఆహారపు అలవాట్లు, శారీరక శ్రమ స్థాయిలను మెరుగుపర్చుకోవడంపై దృష్టి పెట్టాలని నిపుణులు సూచిస్తున్నారు. అయితే కొన్ని సహజ పదార్థాలు కూడా బెల్లీ ఫ్యాట్ ను కరిగించడానికి సహాయపడతాయి. అవేంటంటే.. 

త్రిఫల

ఆయుర్వేదం ప్రకారం.. త్రిఫల ఎన్నో రోగాలను నయం చేస్తుంది. బరువు తగ్గాలనుకునే వారికి కూడా త్రిఫల ఎంతగానో ఉపయోగపడుతుంది. శరీరంలో పేరుకుపోయిన కొవ్వును, ముఖ్యంగా పిరుదులపై పేరుకుపోయిన కొవ్వును తగ్గించడంలో త్రిఫల చాలా ఎఫెక్టివ్ గా పనిచేస్తుంది. త్రిఫలాన్ని మీ డైట్ లో చేర్చుకుంటే మీరు ఫాస్ట్ గా బరువు తగ్గుతారు. త్రిఫల శరీరంలోని టాక్సిన్స్ ను తొలగించి మంటను తగ్గించడానికి సహాయపడుతుందని నిపుణులు అంటున్నారు. 

lemon juice

నిమ్మరసం

ఉదయాన్నే గోరువెచ్చని నీటిలో కొద్దిగా నిమ్మరసం కలుపుకుని తాగితే కూడా మీరు ఫాస్ట్ గా బరువు తగ్గుతారు. నిమ్మకాయలో సిట్రిక్ యాసిడ్ ఉంటుంది. ఇది కొవ్వును విచ్ఛిన్నం చేయడానికి, ఆకలిని తగ్గించడానికి సహాయపడుతుంది.

అల్లం నీళ్లు

అల్లం ఒక శక్తివంతమైన మసాలా దినుసు. అందుకే దీనిని ఎన్నో ఏండ్లుగా ఆయుర్వేద మందులలో ఉపయోగిస్తున్నారు. అల్లం టీ తాగడం వల్ల జీర్ణక్రియ మెరుగుపడుతుంది. మంట తగ్గిపోతుంది. జీవక్రియను  పెంచడానికి కూడా అల్లం సహాయపడుతుంది. అల్లంలో జింజెరోల్స్, షోగోల్స్ వంటి సమ్మేళనాలు ఉంటాయి. ఇవి శరీర జీవక్రియ రేటును పెంచి బెల్లీ ఫ్యాట్ ను కరిగించడానికి సహాయపడతాయి. 

కొవ్వు తక్కువగా ఉండే ఆహారాలు తినండి

మొత్తం ఆరోగ్యాన్ని కాపాడుకోవడంలో ఆరోగ్యకరమైన ఆహారం కీలక పాత్ర పోషిస్తుందని ఆయుర్వేదం నొక్కి చెబుతుంది. ఫైబర్, ప్రోటీన్ ఎక్కువగా ఉండి, కొవ్వు తక్కువగా ఉండే ఆహారాన్ని తినడం వల్ల బొడ్డు కొవ్వు చాలా వరకు తగ్గుతుంది. మీ ఆహారంలో పండ్లు, కూరగాయలు, తృణధాన్యాలు, సన్నని ప్రోటీన్లు, ఆరోగ్యకరమైన కొవ్వులను చేర్చండి. ప్రాసెస్ చేసిన ఆహారాలు, జంక్ ఫుడ్స్ ను తినడం తగ్గించండి. లేదా పూర్తిగా మానుకోండి. ఎందుకంటే వీటిలో అనారోగ్యకరమైన కొవ్వు ఎక్కువగా ఉంటుంది. ఇది బెల్లీ ఫ్యాట్ ను పెంచుతుంది.