ఆరోగ్యానికి మంచివని పాలను ఎక్కువగా తాగితే ఈ రోగాలొస్తయ్ జాగ్రత్త..

పాలు ఒక్క ఎముకలకే కాదు మన మొత్తం శరీరానికి ఎంతో ప్రయోజనకరంగా ఉంటాయి. అందుకే ఆరోగ్య నిపుణులు పాలను రెగ్యులర్ డైట్ లో చేర్చుకోవాలని సిఫార్సు చేస్తుంటారు. పాలను తాగడం వల్ల శరీర బలం పెరుగుతుంది. ఎన్నో రోగాల ముప్పు కూడా తగ్గుతుంది. కానీ పాలను మరీ ఎక్కువగా తాగితే కూడా ఎన్నో అనారోగ్య సమస్యలు వస్తాయి తెలుసా?   

Image: Getty

గుడ్లనే కాదు పాలను కూడా సంపూర్ణ ఆహారంగా పరిగణిస్తారు. అందుకే పిల్లల నుంచి వృద్ధుల వరకు ప్రతి ఒక్కరూ రోజూ పాలను తాగాలని డాక్టర్లు, ఆరోగ్య నిపుణులు చెబుతుంటారు. పాలు పోషకాలకు మంచి వనరు. ఈ పాలు మన శరీరానికి అవసరమైన పోషణను అందించడానికి సహాయపడతాయి. పాలలో కాల్షియం, ప్రోటీన్,  విటమిన్ ఎ, ఫాస్పరస్, విటమిన్-డి వంటి పోషకాలు పుష్కలంగా ఉంటాయి. ఇవి మనల్ని ఎన్నో వ్యాధుల నుంచి కాపాడుతాయి. కొంతమంది ఉదయం బ్రేక్ ఫాస్ట్ లో పాలను తాగితే.. ఇంకొంత మంది మాత్రం నైట్ పడుకునే ముందు తాగుతారు. పాలతో మనకు ఎన్నో ఆరోగ్య ప్రయోజనాలు కలుగుతాయి. అందుకే వీటిని ఎంతైనా తాగొచ్చని చాలా మంది అనుకుంటారు. కానీ నిజమేంటంటే.. అన్నింటిలాగే పాలు కూడా మనకు ఎన్నో అనారోగ్య సమస్యలు వచ్చేలా చేస్తాయి. అసలు పాలను ఎక్కువగా తాగడం వల్ల ఎలాంటి సమస్యలు వస్తాయో ఇప్పుడు తెలుసుకుందాం.. 

జీర్ణ సమస్యలు 

చాలా మందికి పాల అలెర్జీ కూడా ఉంటుంది. ఇలాంటి వారు కొన్ని పాలను తాగితే పొట్టకు సంబంధించిన సమస్యలు ఎదుర్కోవాల్సి వస్తుంది. పాలను మరీ ఎక్కువగా తాగడం వల్ల కడుపు ఉబ్బరం, తిమ్మిరి, విరేచనాలు వంటి జీర్ణ సమస్యలు వస్తాయి. అందుకే పాలను మోతాదులోనే తాగాలి.

బరువు పెరగడం 

పాలు ప్రోటీన్ కు మంచి వనరు. అయితే పాలలో కూడా కేలరీలు ఎక్కువగా ఉంటాయి. అందుకే బరువు తగ్గాలనుకునే వారు పాలను మోతాదులోనే తాగాలి. ఒకవేళ పాలను ఎక్కువగా తాగడం వల్ల బరువు తగ్గడానికి బదులుగా బాగా పెరుగుతారు. 

మొటిమల సమస్య

పాలను ఎక్కువగా తాగితే  కూడా మొటిమలు అయ్యే అవకాశం ఉంది. పాలను ఎక్కువగా తాగడం వల్ల హార్మోన్ల అసమతుల్యత ఏర్పడుతుంది. దీనివల్ల చర్మం సున్నితంగా ఉన్నవారికి మొటిమలు అయ్యే అవకాశం ఉంది. 

ప్రోస్టేట్ క్యాన్సర్ ప్రమాదం

అవసరానికి మించి పాలను మరీ ఎక్కువగా తాగడం వల్ల ప్రోస్టేట్ క్యాన్సర్ వచ్చే ప్రమాదం పెరుగుతుందని నిపుణులు అంటున్నారు. అందుకే పాలను మోతాదుకు మించి అస్సలు తాగకండి. 

milk

కొవ్వు కాలేయం

మీకు కొవ్వు కాలేయం సమస్య ఉన్నట్టైతే మీరు పాలను మొత్తమే తాగడం మానుకోవాలి. ఎందుకంటే పాలలో ఉండే కొవ్వు కాలేయంలో వాపు సమస్యను పెంచుతుంది. అందుకే మీరు పాలను కొన్ని కూడా తాగకూడదు.