స్లీప్ అప్నియా, నిద్రలేమి.. రెండింటి మధ్య తేడాను ఎలా గుర్తించాలంటే?

స్లీప్ అప్నియా, నిద్రలేమి వేర్వేరు లక్షణాలను కలిగి ఉంటాయి. ఈ రెండూ వేర్వేరు నిద్ర రుగ్మతలు. వీటి మధ్య తేడాలను ఎలా గుర్తించాలంటే?  

sleep

బాలీవుడ్ డిస్కో కింగ్ బప్పీ లాహిరి 69 ఏండ్ల వయసులో అబ్స్ట్రక్టివ్ స్లీప్ అప్నియాతో కన్నుమూసిన సంగతి తెలిసిందే. నిజానికి ఈ నిద్ర రుగ్మతలు మన మొత్తం ఆరోగ్యంపై ఎంతో ప్రభావాన్ని చూపుతాయి. పగటిపూట పనిచేసే మీ సామర్థ్యాన్ని కూడా ప్రభావితం చేస్తాయి. ప్రపంచవ్యాప్తంగా ఎంతో మంది స్లీప్ అప్నియా, నిద్రలేమి అనే నిద్ర రుగ్మతలతో బాధపడుతున్నారు. ఈ సమస్యలు సాధారణ నిద్ర విధానాలకు భంగం కలిగిస్తాయి. ఇది వివిధ శారీరక, మానసిక సమస్యలకు దారితీస్తుంది.  మరి ఈ రెండింటి మధ్య తేడాను ఎలా గుర్తించాలో ఇప్పుడు తెలుసుకుందాం.. 

స్లీప్ అప్నియా, నిద్రలేమి రెండూ నిద్ర రుగ్మతలు. ఇవి నిద్ర నాణ్యతను, వ్యవధిని ప్రభావితం చేస్తాయి. ఫలితంగా పగటి నిద్ర, అలసట, అభిజ్ఞా పనితీరు తగ్గుతుంది. స్లీప్ అప్నియా, నిద్రలేమి రెండూ ఎంతో మందిని ప్రభావితం చేస్తాయి. అయినప్పటికీ వీటి అంతర్లీన కారణాలు, లక్షణాలు భిన్నంగా ఉంటాయి.

స్లీప్ అప్నియా లేదా నిద్రలేమికి కారణాలు

స్లీప్ అప్నియా: ఇది ప్రధానంగా నిద్రలో ఎగువ వాయుమార్గం పాక్షికంగా లేదా పూర్తి అవరోధం వల్ల వస్తుంది. ఇది శ్వాసకు అంతరాయం కలిగిస్తుంది. అంతేకాదు ఆక్సిజన్ కొరతకు దారితీస్తుంది. నిద్రలో శ్వాస తీసుకోవడంలో ఇబ్బందిని కలిగిస్తుంది. అప్నియాస్ అని పిలువబడే శ్వాసలో విరామాలు కొన్ని సెకన్ల నుంచి నిమిషాల వరకు ఉంటాయి. రాత్రంతా ఎన్నో సార్లు ఇలా అవుతుంది. అబ్స్ట్రక్టివ్ స్లీప్ అప్నియా అనేది అత్యంత సాధారణ రకం. ఇది సాధారణంగా ఊబకాయం లేదా శరీర నిర్మాణ అసాధారణతలు వంటి శారీరక కారకాల వల్ల వస్తుంది. 

నిద్రలేమి: ఇది సాధారణంగా నిద్రపోవడంలో ఇబ్బందిని కలిగిస్తుంది. నిద్రలేమి ఒత్తిడి, ఆందోళన, నిరాశ, మందులు, అంతర్లీన అనారోగ్య సమస్యలు, పేలవమైన నిద్ర తో సహా వివిధ కారణాల వల్ల ఈ సమస్య వస్తుంది. నిద్రలేమిని రెండు వర్గాలుగా వర్గీకరించొచ్చు. తీవ్రమైన నిద్రలేమి. ఇది తక్కువ కాలం ఉంటుంది. దీర్ఘకాలిక నిద్రలేమి. ఇది మూడు నెలలు లేదా అంతకంటే ఎక్కువ కాలం ఉంటుంది. 

insomnia

స్లీప్ అప్నియా లేదా నిద్రలేమి లక్షణాలు

స్లీప్ అప్నియా: స్లీప్ అప్నియా ప్రాధమిక లక్షణాలు.. గట్టిగా, దీర్ఘకాలిక గురక. గాలి కోసం ఉక్కిరిబిక్కిరి లేదా ఊపిరాడకపోవడం. పగటి నిద్ర, ఉదయం తలనొప్పి, ఏకాగ్రతలో ఇబ్బంది.

నిద్రలేమి: నిద్రలేమి లక్షణాలు.. నిద్రపోవడంలో ఇబ్బంది, రాత్రిపూట తరచుగా మేల్కొనడం, ఉదయాన్నే మేల్కొనడం, పగటి అలసట, చిరాకు, దృష్టి పెట్టడంలో ఇబ్బంది.

స్లీప్ అప్నియా లేదా నిద్రలేమి ఆరోగ్య ప్రమాదాలు

స్లీప్ అప్నియా: చికిత్స చేయకపోతే  స్లీప్ అప్నియా అధిక రక్తపోటు, గుండె జబ్బులు, స్ట్రోక్, టైప్ 2 డయాబెటిస్, ఇతర ఆరోగ్య సమస్యల ప్రమాదాన్ని పెంచుతుంది.

నిద్రలేమి: నిద్రలేమి.. జీవన నాణ్యతను తగ్గించడం, బలహీనమైన అభిజ్ఞా పనితీరు ప్రమాదం, నిరాశ, ఆందోళన వంటి మానసిక ఆరోగ్య సమస్యలను కలిగిస్తుంది.