పీరియడ్స్ లేట్ అయ్యేలా చేయడం మంచిదేనా? నెలసరిని లేట్ చేయాలంటే?

పీరియడ్స్ లేట్ అయ్యేలా చేయడం సురక్షితమేనా? కాదా? అనేది ఇప్పటికీ చర్చనీయాంశం. అయితే పీరియడ్స్ ను ఆలస్యం చేయడానికి సురక్షితమైన మార్గాలనే ఫాలో కావాలని నిపుణులు చెబుతున్నారు.   

ఆ ఫీలింగ్ ఎలా ఉంటుందో మనందరికీ తెలిసిందే. పెళ్లి అప్పుడే, లేదా ఫంక్షన్, వెకేషన్, పండుగల రోజే  నెలసరి వస్తుందేమోనని చాలా మంది ఆడవారు భయపడిపోతుంటారు. నెలసరి ఉబ్బరం, విరేచనాలు, తిమ్మిరి, ఒంట్లో శక్తి తగ్గడం, అలసట వంటి ఎన్నో ఇతర సమస్యలను కలిగిస్తుంది. అందుకే చాలా మంది ఏదైనా స్పెషల్ డే ఉన్నప్పుడు పీరియడ్స్ లేట్ అయ్యేందుకు మందులను వాడుతుంటారు. 

పీరియడ్స్ ను ఆలస్యం చేయడం సురక్షితమేనా?

నిపుణుల ప్రకారం.. పీరియడ్స్ ను ఆలస్యం చేయడం సురక్షితం. అలాగే సర్వ సాధారణం. కానీ ఏదేమైనా పీరియడ్స్ లేట్ అయ్యేలా చేయడానికి ముందు డాక్టర్ ను సంప్రదించడం మంచిది. అయితే పీరియడ్స్  ను సురక్షితంగా ఎలా వాయిదా వేయాలో ఇప్పుడు తెలుసుకుందాం.. 

periods

సరైన మాత్రను వేసుకోండి

పీరియడ్స్ లేట్ అయ్యేందుకు ప్రొజెస్టెరాన్ మాత్రలను తీసుకోవచ్చు. ఏదేమైనా మీరు వీటిని కనీసం 3 నుంచి 7 రోజుల ముందు నుంచి తీసుకోవాలి. అయితే వీటిని వాటడం వల్ల ఎలాంటి సమస్యలు రావు. కానీ కొంతమందికి తలనొప్పి, మొటిమలు, రొమ్ము సున్నితత్వం లేదా ఉబ్బరం వంటి సమస్యలు వస్తాయని నిపుణులు చెబుతున్నారు. అప్పుడప్పుడు పీరియడ్స్ వాయిదా వేసుకోవడానికి మాత్రలు వేసుకోవడం వల్ల రుతుచక్రంలో మార్పులు ఉండవు. ఎప్పుడూ వీటిని వాడితే మాత్రం ఇర్రెగ్యులర్ పీరియడ్స్ సమస్య వస్తుంది. 

periods pain

కొన్ని సహజ మార్గాలు 

మందులతో పాటుగా పీరియడ్స్ ఆలస్యం చేయడానికి కొన్ని సహజ మార్గాలు కూడా ఉన్నాయి. అధిక వ్యాయామం లేదా రొమ్ము మసాజ్ వాటిలో కొన్ని. హార్మోన్లను నియంత్రించే మాత్రల సామర్థ్యాన్ని అనుమానించే, వాటి దుష్ప్రభావాలకు భయపడే వారు సహజ పద్దతులను పాటించొచ్చు.

ఆహారాలు

పీరియడ్స్ ను ఆలస్యం చేసే ఆహారాలలో నిమ్మరసం, ఆపిల్ సైడర్ వెనిగర్, తృణధాన్యాలు, ఆవాలు ఉన్నాయి. వీటిని తీసుకుంటే మీ పీరియడ్స్ లేట్ గా వస్తాయి. అయితే మీరు మీ పీరియడ్స్ ను దీర్ఘకాలికంగా వాయిదా వేయాలనుకుంటే మాత్రం ఖచ్చితంగా డాక్టర్ తో మాట్లాడాలి.