ఉదయాన్నే టీ తాగకూడదు.. ఎందుకో తెలుసా?

ఉదయం పరిగడుపున టీ లేదా మరేదైనా కెఫిన్ కంటెంట్ ఉన్న పానీయాలను తాగడం వల్ల ఎసిడిటీ, జీర్ణ సమస్యలు, అసౌకర్యం వంటి సమస్యలు వస్తాయి.   

ఉదయాన్నే టీ తాగే అలవాటు చాలా మందికే ఉంటుంది. ఒత్తిడి పెరిగినప్పుడు, పని ఎక్కువైనప్పుడు, ఖాళీగా ఉన్నప్పుడు, బంధువులు వచ్చినప్పుడు ఇలా ప్రతిదానికి టీ ని తాగుతుంటారు కొంతమంది. నిజానికి టీ కూడా మన ఆరోగ్యానికి కొన్ని ఆరోగ్య ప్రయోజనాలను కలిగిస్తుంది. దీనిలో రోగనిరోధక శక్తి, జీవక్రియను పెంచే కాటెచిన్స్, యాంటీఆక్సిడెంట్లు వంటి అనేక ఆరోగ్య ప్రయోజనాలు ఉన్నాయి. ఉదయాన్నే బెడ్ టీ తాగడం చాలా భారతీయ కుటుంబాలలో ఒక సాధారణ పద్ధతి. టీ చాలా టేస్టీ, ఓదార్పు పానీయం. అయితే దీనిలో కెఫిన్ కంటెంట్ ఉంటుంది. ఇది మన శరీరానికి ఎంతో హాని కలిగిస్తుంది. 

ఉదయం పరగడుపున టీ లేదా మరేదైనా కెఫిన్ పానీయం తాగడం వల్ల అసిడిటీ, జీర్ణ అసౌకర్యం పెరుగుతుంది. ఎందుకంటే కెఫిన్ కడుపు ఆమ్లం ఉత్పత్తిని ప్రేరేపిస్తుంది. ఇది చికాకు, మంటను కలిగిస్తుంది.

టీ ఒక మూత్రవిసర్జన. అంటే ఇది మూత్ర విసర్జనను పెంచుతుంది. అలాగే నిర్జలీకరణానికి కారణమవుతుంది. ముఖ్యంగా రాత్రి పడుకున్నప్పటి నుంచి ఏడెనిమిది గంటలు పడుకోవడం, నీటిని మొత్తమే తాగకపోవడం వల్ల మీ శరీరం నిర్జలీకరణం బారిన పడుతుంది. టీలో టానిన్లు ఉంటాయి. ఇవి ఇనుము, కాల్షియం వంటి ఖనిజాలతో బంధించగలవు. ఇవి శరీరం శోషణను తగ్గిస్తాయి. 

టీలో సహజ ఆమ్లాలు ఉంటాయి. ఇవి దంతాల ఎనామెల్ ను నాశనం చేస్తాయి. ముఖ్యంగా ఎక్కువ మొత్తంలో లేదా దీర్ఘకాలికంగా కెఫిన్ ను తీసుకున్నప్పుడు. టీలోని కెఫిన్ గుండెల్లో మంటను కలిగిస్తుంది లేదా ముందుగా ఉన్న యాసిడ్ రిఫ్లక్స్ లక్షణాలను ఎక్కువ చేస్తుంది. అంతేకాదు జీవక్రియ ప్రక్రియ మందగిస్తుంది. ఇది గ్యాస్, కడుపు సమస్యలకు దారితీస్తుంది. అందుకే ఖాళీ కడుపుతో టీ తాగడం మానుకోవాలి. ఖాళీ కడుపుతో టీ తాగడం వల్ల గర్భిణులకు, పుట్టబోయే బిడ్డకు హాని కలుగుతుంది.

టీ వల్ల కలిగే సమస్యల నుంచి బయటపడటానికి టీకి బదులుగా హెల్తీ పానీయాలను తాగాలి. ఉదయం నిద్రలేచిన తర్వాత మెంతి నీటిని తాగండి. కలబంద రసం, సాధారణ కొబ్బరి నీరు, ముడి తేనె, నీటిలో కొన్ని చుక్కల ఆపిల్ సైడర్ వెనిగర్ లేదా కొబ్బరి వెనిగర్ ను వేసి తాగినా మీ  ఆరోగ్యం బాగుంటుంది. ఈ పానీయాలు ఉదయాన్నే వేడి కప్పు టీ కంటే చాలా ఆరోగ్యకరమైనవి. ఉత్తమమైనవి.