తల్లి కావడమనేది స్త్రీల జీవితంలో ఎంతో ముఖ్యమైన దశ. మధురమైన అనుభూతి. అయితే కొన్ని కారణాల వల్ల కొంతమంది మహిళలు గర్భస్రావాన్ని ఎదుర్కోవలసి ఉంటుంది. ఇది శారీరకంగా, మానసికంగా ఎంతో బాధను కలిగిస్తుంది. ఇలాంటి పరిస్థితిలో గర్భస్రావం తర్వాత త్వరగా కోలుకోవడానికి కొన్ని ఆహారాలను తినాలి. అలాగే మరికొన్ని ఆహారాలకు దూరంగా ఉండాలి. అవేంటంటే..
గర్భస్రావం తర్వాత శారీరకంగా, మానసికంగా ఎన్నో సమస్యలను ఎదుర్కోవాల్సి వస్తుంది. ముఖ్యంగా గర్భస్రావం తర్వాత ఆడవారు ఎన్నో అనారోగ్య సమస్యలను ఎదుర్కోవాల్సి ఉంటుంది. ఈ సమయంలో సుమారుగా రెండు వారాల పాటు కడుపు తిమ్మిరి, బలహీనత, నొప్పి, అధిక రక్తస్రావం వంటి ఎన్నో సమస్యలను ఎదుర్కొంటారు. ఈ శారీరక సమస్యలు తగ్గడానికి కొంత సమయం పడుతుంది.
గర్భస్రావం తర్వాత వచ్చే సమస్యలను తగ్గించడానికి ఆరోగ్యకరమైన ఆహారం కీలక పాత్ర పోషిస్తుంది. గర్భస్రావం అయినవారు పోషకాలను పుష్కలంగా తీసుకోవాలి. అలాగే కొన్ని రకాల ఆహారాలకు దూరంగా ఉండాలి. గర్భస్రావం అయిన వారు ఎలాంటి ఆహారాలను తినాలి? ఎలాంటి ఆహారాలకు దూరంగా ఉండాలో ఇప్పుడు తెలుసుకుందాం..
గర్భస్రావం తర్వాత వీటిని తినండి
ప్రోటీన్ ఎక్కువగా ఉండే ఆహారం
గర్భస్రావం తర్వాత తగినంత ప్రోటీన్ ఉన్న ఆహారాలను ఖచ్చితంగా తినండి. ఇవి మీ కండరాలను నిర్మించడానికి సహాయపడతాయి. ఇది గర్భస్రావం తర్వాత మీ శరీరం వేగంగా కోలుకోవడానికి ప్రోటీన్ ఫుడ్ ఎంతో సహాయపడుతుంది.
ద్రవ ఆహారం
గర్భస్రావం తర్వాత ద్రవాలను పుష్కలంగా తీసుకోవాలి. దీనివల్ల మీ శరీరంలో రక్త నష్టం జరగదు. గర్భస్రావం నుంచి త్వరగా కోలుకోవడానికి డిటాక్స్ డ్రింక్స్, కొబ్బరి నీళ్లు, దానిమ్మ జ్యూస్ ను రెగ్యలర్ గా తాగండి.
కాల్షియం ఉండే ఆహారం
గర్భిణీ స్త్రీ శరీరంలో కాల్షియం లోపం ఎక్కువగా ఉండే అవకాశం ఉంది. అందుకే గర్భస్రావం తర్వాత మీ రోజువారీ ఆహారంలో కాల్షియం పుష్కలంగా ఉండే ఆహారాన్ని చేర్చండి.
వీటికి దూరంగా ఉండండి
గర్భస్రావం తర్వాత కొన్ని ఆహారాలకు దూరంగా ఉండాలి. ముఖ్యంగా షుగర్ ఫుడ్స్, జంక్ ఫుడ్ ను అస్సలు తినకండి. గర్భస్రావం తర్వాత మీరు ఎక్కువ తీపి తింటే మీ రక్తంలో చక్కెర స్థాయిలు పెరుగుతాయి.
గర్భస్రావం అయిన వెంటనే ఆల్కహాల్ ను తాగకూడదు. ఎందుకంటే ఆల్కహాల్ ను తాగడం వల్ల మీ ఆరోగ్యం దెబ్బతింటుంది.
జంక్ ఫుడ్ ను తినడం అస్సలు మంచిది కాదు. ముఖ్యంగా గర్భస్రావం తర్వాత తినడం మంచిది కాదు. బర్గర్లు, పిజ్జా, ఫ్రెంచ్ ఫ్రైస్ వంటి ఆహార పదార్థాలకు కూడా దూరంగా ఉండాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి