జొన్న రొట్టెను తింటే ఎంత మంచిదో తెలుసా?

జొన్నలను మన దేశంలో ఎక్కువగా ఉపయోగిస్తారు. జొన్నల్లో ఎన్నో రకాల పోషకాలుంటాయి. జొన్ని పిండితో తయారుచేసినా రొట్టెను తింటే ఎన్నో అనారోగ్య సమస్యల ముప్పు తగ్గుతుందని తెలుసా?   

జొన్న రొట్టెలను భారతదేశంలో ఎక్కువకగా తింటారు. నిజానికి జొన్నల్లో బియ్యంలో కంటె ఎక్కువ పోషకాలుంటాయి. అందుకే జొన్న రొట్టెలను తింటే ఒకటి కాదు రెండు కాదు ఎన్నో ఆరోగ్య ప్రయోజనాలను పొందుతాం.  జొన్నల్లో విటమిన్ బి3, ఐరన్, ఫోలిక్ ఆమ్లం,  కాల్షియం, పిండి పదార్థాలు పుష్కలంగా ఉంటాయి. జొన్న పిండిని రొట్టె చేయడానికే కాదు లడ్డూలు, అంబలి, అప్పడాలు తయారుచేయడానికి కూడా ఉపయోగిస్తారు. మీకు తెలుసా బియ్యం కంటే జొన్నలే ఎక్కువ ధర పలుకుతాయి. జొన్నలను తీసుకోవడం వల్ల మన శరీరంలో కేలరీలు పెరిగే అవకాశమే ఉండదు. ఇది మన శరీరంలో శక్తి స్థాయిలను స్థిరంగా ఉంచుతుంది. అసలు జొన్న రొట్టెలను తినడం వల్ల ఎలాంటి ఆరోగ్య ప్రయోజనాలు కలుగుతాయో ఇప్పుడు తెలుసుకుందాం.. 

పోషకాలు మెండు

జొన్నల్లో ఇనుము, కాల్షియం, భాస్వరం,  మెగ్నీషియం వంటి ముఖ్యమైన పోషకాలు పుష్కలంగా ఉంటాయి. ఇవి మన ఎముకలను బలంగా ఉంచడానికి, ఎముకల వ్యాధులొచ్చే ప్రమాదాన్ని తగ్గించడానికి సహాయపడతాయి. అంతేకాదు నరాల పనితీరును మెరుగుపర్చడానికి, మొత్తం శరీర శక్తిని పెంచడానికి బాగా సహాయపడుతుంది. 

గ్లూటెన్-ఫ్రీ , గట్-ఫ్రెండ్లీ

జొన్న రొట్టెలో గ్లూటెన్ ఉండదు. ఈ రొట్టె గ్లూటెన్ సున్నితత్వం లేదా ఉదరకుహర వ్యాధి ఉన్నవారికి  మంచి ప్రయోజనకరంగా ఉంటుంది. అంతేకాక జొన్నలో డైటరీ ఫైబర్ పుష్కలంగా ఉంటుంది. ఇది జీర్ణక్రియకు సహాయపడుతుంది. గట్ ను ఆరోగ్యంగా ఉంచుతుంది. అలాగే మలబద్దకాన్ని తగ్గిస్తుంది.

గుండెకు మేలు 

జొన్నలో  డైటరీ ఫైబర్ ఎక్కువగా ఉంటుంది. ముఖ్యంగా బీటా-గ్లూకాన్ కు జొన్నలు మంచి వనరు. ఇది మన శరీరంలో పేరుకుపోయిన చెడు కొలెస్ట్రాల్ స్థాయిలను తగ్గించడానికి సహాయపడుతుంది. అలాగే గుండెను ఆరోగ్యంగా ఉంచేందుకు సహాయపడుతుంది. ముఖ్యంగా ఈ రొట్టె హృదయ సంబంధ వ్యాధుల ప్రమాదాన్ని కూడా తగ్గిస్తుంది.

రక్తంలో చక్కెర నియంత్రణ

జొన్నలు చాలా నెమ్మదిగా జీర్ణం అవుతాయి. ఇది రక్తంలో చక్కెర స్థాయిలను స్థిరంగా ఉంచడానికి సహాయపడుతుంది. ఇది డయాబెటిస్ ఉన్నవారికి లేదా రక్తంలో చక్కెర స్థాయిలను నియంత్రించాలనుకున్నవారికి బాగా సహాయపడుతుంది.

వెయిట్ మేనేజ్మెంట్ 

ఫైబర్ కంటెంట్ పుష్కలంగా ఉండే  జొన్న రొట్టెలు మీ కడుపు ఎక్కువ సేపు నిండుగా ఉంచుతాయి. అంతేకాదు అనవసరంగా తినే చిరుతిండిని తగ్గిస్తాయి. ఆకలి తొందరగా కానీయదు. వీటిని తింటే మీ బెల్లీ ఫ్యాట్ కరగడంతో పాటుగా బరువు కూడా తగ్గుతారు.