అన్నం తిన్న తర్వాత లవంగాలను తింటే ఎంత మంచిదో తెలుసా?

లవంగాలను మరిగించిన నీటిని తాగడం వల్ల గ్యాస్ ట్రబుల్ సమస్య తొందరగా తగ్గిపోతుంది. ముఖ్యంగా అన్నం తిన్నతర్వాత లవంగా నమలడం వల్ల ఎసిడిటీ తగ్గుతుందని అధ్యయనాలు వెల్లడిస్తున్నాయి.  

లవంగాలు ప్రతి వంటింట్లో ఉపయోగించే సాధారణ మసాలా దినుసు. లవంగాల్లో యాంటీ ఆక్సిడెంట్లు సమృద్ధిగా ఉంటాయి. ఇవి దగ్గు, జ్వరం, కఫాన్ని తగ్గిస్తాయి. లవంగాలు వైరస్ లు, బ్యాక్టీరియా, వివిధ రకాల శిలీంధ్రాలు మొదలైన వాటికి వ్యతిరేకంగా పనిచేస్తాయి. లవంగాలను మరిగించిన నీటిని తాగితే గ్యాస్ ట్రబుల్ తొందరగా తగ్గుతుంది. భోజనం తర్వాత మీ నోట్లో లవంగాలను వేసుకుని నమలడం వల్ల ఎసిడిటీని తగ్గిపోతుందని పలు అధ్యయనాలు వెల్లడిస్తున్నాయి. 

లవంగాలు బీటా కెరోటిన్ కు అద్భుతమైన మూలం. కెరోటిన్ వర్ణద్రవ్యాలు విటమిన్ ఎగా మారొచ్చు. ఇది కంటి ఆరోగ్యాన్ని కాపాడుకోవడానికి ముఖ్యమైన పోషకం. లవంగాలలో బహుళ సమ్మేళనాలు ఉంటాయి. ఇవి సయాటికా వంటి వ్యాధుల ప్రమాదాన్ని తగ్గించడానికి సహాయపడతాయి. ఈ సమ్మేళనాలలో యూజెనాల్ చాలా ముఖ్యమైనదని నిపుణులు చెబుతున్నారు.

యూజెనాల్ శరీరంలో తాపజనక ప్రతిస్పందనను తగ్గిస్తుంది. అలాగే సయాటికా వంటి వ్యాధుల ప్రమాదాన్ని తగ్గిస్తుందని, వాటి లక్షణాలను నిర్వహించడానికి సహాయపడుతుందని తేలింది. చర్మ ఇన్ఫెక్షన్లు, అలెర్జీలను తగ్గించడమే కాకుండా లవంగాలు శరీరంలోని విషాన్ని కూడా బయటకు పంపుతాయి. 

లవంగాలు కూడా బరువు తగ్గడానికి సహాయపడతాయని పలు అధ్యయనాలు చెబుతున్నాయి. లవంగాలు మన జీర్ణక్రియను మెరుగుపరుస్తాయి. అలాగే  ఆరోగ్యంగా బరువు తగ్గడానికి సహాయపడతాయి. లవంగాలు కాలెయ పనితీరును మెరుగుపర్చడానికి కూడా సహాయపడతాయి. లవంగాలలో ఉండే యూజెనాల్ కాలేయ సిరోసిస్, కొవ్వు కాలేయ వ్యాధి లక్షణాలను తగ్గించడానికి సహాయపడుతుందని కొన్ని అధ్యయనాలు సూచిస్తున్నాయి. లవంగాలు కాలేయం పనితీరును కూడా మెరుగుపరుస్తుంది.

ప్రతిరోజూ ఖాళీ కడుపుతో లవంగాలు తినడం వల్ల ఎన్నో వ్యాధుల ప్రమాదం తగ్గుతుంది. అలాగే దంత ఆరోగ్యం కూడా బాగుంటుంది. లవంగాలు జీర్ణక్రియను కూడా బలంగా ఉంచుతాయి. ప్రతిరోజూ లవంగాలతో మరిగించిన నీటిని తాగడం వల్ల జీర్ణ సమస్యలు తగ్గుతాయని అధ్యయనాలు చెబుతున్నాయి.