డయాబెటీస్ జుట్టు రాలేలా చేస్తుంది.. జుట్టు ఊడకూడదంటే ఇలా చేయండి

జుట్టు రాలడానికి ఎన్నో కారణాలు ఉన్నాయి. అందులో డయాబెటీస్ ఒకటి. అవును డయాబెటీస్ కూడా జుట్టు రాలేలా చేస్తుంది. మరి ఈ సమస్య వల్ల జుట్టు రాలొద్దంటే ఏం చేయాలో ఇప్పుడు తెలుసుకుందాం..  

ఈ రోజుల్లో జుట్టు రాలడం చాలా కామన్ అయిపోయింది. హార్వర్డ్ హెల్త్ పబ్లిషింగ్ ప్రకారం..  ప్రతి ఒక్కరికీ ప్రతిరోజూ 50 నుంచి 100 వెంట్రుకలు ఊడిపోతాయి. ఇది సహజం. అయితే ఈ సంఖ్య పెరిగితే మాత్రం మీకు హెయిర్ ఫాల్ సమస్య ఉన్నట్టే. చాలా మంది మహిళలకు వయసు పెరిగినాకనే వెంట్రుకలు ఊడిపోతాయి. అయితే కాలుష్యం, జుట్టు సంరక్షణ లేకపోవడం, హార్టోన్ మార్పులు, కొన్ని రకాల రోగాలు వంటివి కూడా మీ జుట్టు ఊడిపోయేలా చేస్తాయి. అంతేకాదు డయాబెటీస్ వల్ల కూడా మీ జుట్టు రాలుతుందని నిపుణులు చెబుతున్నారు. 

Hair loss

డయాబెటిస్ జుట్టు రాలడానికి దారితీస్తుంది

డయాబెటిస్ ఒక దీర్ఘకాలిక, జీవక్రియ వ్యాధి. దీనివల్ల రక్తంలో చక్కెర స్థాయిలు పెరిగిపోతాయి. కాలక్రమేణా ఈ డయాబెటీస్ కళ్లు, గుండె, మూత్ర పిండాలు, రక్త నాళాలు, నరాలను దెబ్బతీస్తుందని ప్రపంచ ఆరోగ్య సంస్థ తెలిపింది. డయాబెటిస్ జుట్టు రాలడానికి ఎలా దోహదం చేస్తుందో ఇప్పుడు తెలుసుకుందాం.. 

పేలవమైన రక్త ప్రసరణ

రక్తంలో చక్కెర స్థాయిలు ఎక్కువగా ఉండటం వల్ల రక్త నాళాలు దెబ్బతింటాయి. అలాగే నెత్తిమీద రక్త ప్రవాహాన్ని తగ్గిస్తుందని నిపుణులు చెబుతున్నారు. ఇది మీ జుట్టు ఆరోగ్యంగా పెరిగేందుకు అవసరమైన  పోషకాలు, ఆక్సిజన్ ను జుట్టు కుదుళ్లకు అందకుండా చేస్తుంది. 

హార్మోన్ల అసమతుల్యత

డయాబెటిస్ హార్మోన్ల అసమతుల్యతకు కారణమవుతుంది. ఇది జుట్టు రాలడానికి దారితీస్తుంది. ఇన్సులిన్ ఎక్కువగా ఉండటం, డ్రోజెన్ హార్మోన్లు ఉన్నప్పుడు ఇవి జుట్టు రాలడానికి దారితీస్తాయి. 

మంట

డయాబెటిస్ శరీరంలో దీర్ఘకాలిక మంటను కలిగిస్తుంది. ఇది జుట్టు కుదుళ్లను దెబ్బతీస్తుంది. అలాగే జుట్టు రాలడానికి కారణమవుతుంది.

hair loss

పోషక లోపాలు

డయాబెటిస్ పేషెంట్లు శరీరంలో పోషక లోపాలు ఎక్కువగా ఉంటాయి. ఇది జుట్టు ఆరోగ్యాన్ని ప్రభావితం చేస్తుంది. కాబట్టి మీరు ఇనుము, జింక్ ఎక్కువగా ఉన్న ఆహారాన్ని తినకపోతే మీ జుట్టు విపరీతంగా రాలుతుంది. 

ఒత్తిడి

డయాబెటిస్ ను నియంత్రించడం ఒత్తిడితో కూడుకున్నది. ఈ ఒత్తిడి జుట్టు రాలడానికి దారితీస్తుంది. 

డయాబెటిస్ నుంచి జుట్టు రాలడాన్ని నివారించే మార్గాలు

రక్తంలో చక్కెర స్థాయిలను నియంత్రిస్తే మీ మొత్తం ఆరోగ్యం మెరుగుపడుతుంది. జుట్టు రాలడం కూడా ఆగుతుంది. రక్తంలో చక్కెర స్థాయిలు ఎక్కువగా ఉంటే రక్త నాళాలు దెబ్బతింటాయి. అలాగే నెత్తిమీద రక్త ప్రవాహం కూడా తగ్గుతుంది. ఇది జుట్టు రాలడానికి కూడా కారణమవుతుంది. ఆరోగ్యకరమైన ఆహారం, శారీరక శ్రమ, అవసరమైన మందులను తీసుకుంటే డయాబెటీస్ నియంత్రణలో ఉంటుంది. దీంతో మీ జుట్టు రాలడం ఆగుతుంది. జుట్టు రాలడం ఆగాలంటే ఏం చేయాలో ఇప్పుడు తెలుసుకుందాం..

పోషక లోపాలను పోగొట్టండి

డయాబెటిస్ పేషెంట్ల శరీరంలో పోషక లోపాలు ఎక్కువగా ఉంటాయి. మీరు తినే ఆహారంలో పోషకాలు ఎక్కువగా ఉండే ఆహారాలనే తినండి. అవసరాన్ని బట్టి సప్లిమెంట్లను తీసుకోవచ్చు. 

మంటను తగ్గించండి

జుట్టు రాలడం తగ్గాలంటే మీ శరీరంలో మంటను తగ్గించాలి. ఇందుకోసం యాంటీ ఇన్ఫ్లమేటరీ డైట్ తినాలి. అలాగే క్రమం తప్పకుండా వ్యాయామం చేయాలి. ఒత్తిడిని తగ్గించాలి. 

హార్మోన్ల అసమతుల్యతకు చెక్ పెట్టండి

డయాబెటిస్ హార్మోన్ల అసమతుల్యతకు కారణమవుతుంది. ఇది జుట్టు రాలడానికి దారితీస్తుంది. అందుకే జుట్టు రాలడానికి కారణమయ్యే హార్మోన్ల అసమతుల్యతను పరిష్కరించడానికి డాక్టర్ ను సంప్రదించండి.