రామ్ పోతినేని క్రైమ్ థ్రిల్లర్ మూవీ? డైరెక్టర్ ఎవరంటే!

Ram Pothineni : రామ్ పోతినేని త్వరలో  క్రైమ్ థ్రిల్లర్ సినిమా చేయనున్నారా? సితార ఎంటర్‌టైన్‌మెంట్స్ నిర్మించనున్న ఈ సినిమా రామ్ కెరీర్‌లోనే కొత్త ప్రయోగం కానుందా?

Ram Pothineni :  ఒక టైమ్ లో లవ్ , ఫన్ కలగలసిన స్టోరీలు చేసిన రామ్ పోతినేని ఆ తర్వాత డిఫరెంట్ జానర్స్ ట్రై చేస్తూ వస్తున్నారు. అయితే ఆయనకు కమర్షియల్ సక్సెస్ ఇచ్చిన సినిమాలు మాత్రం   లవ్ డ్రామా, మాస్ కమర్షియల్ సినిమాలే.

ఇక ‘ఇస్మార్ట్ శంకర్’ లాంటి బ్లాక్‌బస్టర్ తర్వాత వరుసగా మాస్ సినిమాలతో ప్రయోగాలు చేశాడు. కానీ చెప్పుకోదగ్గ హిట్ ఏ సినిమా ఇవ్వలేదు. దాంతో  ఇప్పుడు రామ్ కథల విషయంలో అనేక  జాగ్రత్తలు తీసుకుంటున్నారని తెలుస్తోంది. ఈ క్రమంలో ఓ క్రైమ్ థ్రిల్లర్ సినిమా చేయటానికి సన్నాహాలు చేస్తున్నారట. ఆ సినిమా డైరక్టర్ ఎవరు, ఆ విశేషాలు ఏమిటి

ప్రస్తుతం రామ్ మిస్ శెట్టి మిస్టర్ పొలిశెట్టి తో హిట్ అందుకున్న మహేష్ బాబు దర్శకత్వంలో ఒక డిఫరెంట్ లవ్ డ్రామా సినిమా చేస్తున్నారు.  అదే సమయంలో మరో సినిమాకు గ్రీన్ సిగ్నల్ ఇచ్చారని సమాచారం.

కొత్త దర్శకుడితో కాకుండా,  డైరెక్టర్ శైలేష్ కొలనుతో ఒక థ్రిల్లర్ ప్రాజెక్ట్ చేయాలని ప్లాన్ చేస్తున్నారట. ఈ సినిమాకు సితార ఎంటర్‌టైన్‌మెంట్స్ నిర్మించే ప్లాన్ లో ఉందని తెలుస్తోంది. ఈ మేరకు రామ్ తో ఆల్రెడీ చర్చలు జరిగాయని తెలుస్తోంది.  ఆ సినిమా ఓ క్రైమ్ థ్రిల్లర్ అని వినికిడి.  

రామ్ తో చేయబోయే ఈ కథ పూర్తిగా కొత్తగా ఉండేలా ఉండబోతోందట. రామ్ ఇంతవరకు నటించిన సినిమాల కంటే ఇది పూర్తిగా డిఫరెంట్ జానర్‌లో ఉండబోతుందని తెలుగు సినిమా వర్గాలు సమాచారం. ఇప్పటి వరకు రామ్ ఎక్కువగా యాక్షన్, రొమాంటిక్ కథలతో వచ్చారు.

 ఓ మిస్టరీ థ్రిల్లర్‌లో నటించడమే కొత్త ప్రయోగమని చెప్పాలి.   శైలేష్ ఇప్పటికే ఇదివరకే కథ చెప్పించి ఒప్పించుకుని, స్క్రిప్ట్ మొదలుపెట్టినట్లు టాక్.  అయితే  పూర్తి స్క్రిప్టు నేరేషన్ విన్నాక రామ్ ఈ సినిమా గురించిన నిర్ణయం తీసుకుంటారు. అప్పుడు ప్రకటన వస్తుందని తెలుస్తోంది.

మరో ప్రక్క రామ్ పోతినేని మరికొన్ని కథలపై కూడా చర్చలు జరుపుతున్నారు. అందులో హరీష్ శంకర్ స్క్రిప్ట్ కూడా ఉన్నట్లు తెలుస్తోంది. అయితే దానిపై ఇంకా అఫీషియల్ క్లారిటీ రాలేదు.