FIFA World Cup 2026: బాబోయ్ ఏం మ్యాచ్ రా నాయనా ! ఫ్రాన్స్‌ను రౌండప్ చేసి కొట్టిన ఇంగ్లాండ్.. మెస్సీ రికార్డ్ బ్రేక్

FIFA World Cup 2026: ఫిఫా వరల్డ్ కప్ 2026 థర్డ్ ప్లేస్ మ్యాచ్‌లో ఫ్రాన్స్‌ను 6-4తో ఇంగ్లాండ్ ఓడించింది. సాకా హాట్రిక్ కొట్టగా, ఎంబాప్పే వరల్డ్ రికార్డ్ క్రియేట్ చేశాడు. ఫ్రాన్స్‌ను రౌండప్ చేసి కొట్టింది ఇంగ్లాండ్.

మయామిలో గోల్స్ జాతర.. ఫ్రాన్స్‌ను ఊచకోత కోసిన ఇంగ్లాండ్

ఫుట్‌బాల్ హిస్టరీలోనే మోస్ట్ థ్రిల్లింగ్ మ్యాచ్ ఫిఫా వరల్డ్ కప్ 2026లో జరిగింది. ఆదివారం థర్డ్ ప్లేస్ కోసం జరిగిన మ్యాచ్‌లో ఇంగ్లాండ్, ఫ్రాన్స్ జట్లు మైదానంలో పూనకాలు వచ్చినట్లు ఊగిపోయాయి. మయామిలోని హార్డ్ రాక్ స్టేడియంలో జరిగిన ఈ మ్యాచ్‌లో ఏకంగా 10 గోల్స్ నమోదయ్యాయి.

హోరాహోరీగా సాగిన ఈ గోల్స్ పండగలో ఇంగ్లాండ్ 6-4 తేడాతో ఫ్రాన్స్‌ను చిత్తు చేసి బ్రాంజ్ మెడల్‌ను సొంతం చేసుకుంది. ఇంగ్లాండ్ స్టార్ ప్లేయర్ బుకాయో సాకా సూపర్ హాట్రిక్‌తో మ్యాచ్‌ను వన్‌సైడ్ చేయగా, ఫ్రాన్స్ కెప్టెన్ ఎంబాప్పే డబుల్ గోల్స్ కొట్టినా తన టీమ్‌ను గెలిపించుకోలేకపోయాడు.

60 ఏళ్ల నిరీక్షణకు తెర.. ఇంగ్లాండ్ హిస్టారికల్ రికార్డ్

ఈ విజయంతో ఇంగ్లాండ్ ఒక భారీ రికార్డ్‌ను సెట్ చేసింది. 1966లో వరల్డ్ కప్ గెలిచిన తర్వాత, మళ్లీ 60 ఏళ్ల లాంగ్ గ్యాప్ తర్వాత ఇంగ్లాండ్ టీమ్ ఒక వరల్డ్ కప్‌లో టాప్ 3లో ఫినిష్ చేయడం ఇదే ఫస్ట్ టైమ్. హ్యారీ కేన్ కెప్టెన్సీలోని ఇంగ్లాండ్ టీమ్ వరల్డ్ కప్ కల చెదిరిపోయినా, ఈ బ్రాంజ్ మెడల్ గెలవడం వాళ్లకు చాలా పెద్ద అచీవ్‌మెంట్ అని చెప్పాలి. మరోవైపు, ఈ టోర్నమెంట్‌లో హాట్ ఫేవరెట్‌గా బరిలోకి దిగిన ఫ్రాన్స్‌కు మాత్రం తీవ్ర నిరాశే మిగిలింది. వాళ్లు కనీసం థర్డ్ ప్లేస్ కూడా దక్కించుకోలేక చతికిలపడ్డారు.

సాకా హాట్రిక్ షాట్స్.. డెక్లాన్ రైస్ ఫస్ట్ పంచ్

ఈ మ్యాచ్‌లో ఇంగ్లాండ్ తరఫున 25 ఏళ్ల బుకాయో సాకా మెరుపులు మెరిపించాడు. మ్యాచ్‌ 37వ, 45+1వ, 87వ నిమిషాల్లో అదిరిపోయే గోల్స్ కొట్టి హాట్రిక్ కంప్లీట్ చేశాడు. అయితే మ్యాచ్ స్టార్ట్ అయిన 3వ నిమిషంలోనే డెక్లాన్ రైస్ గోల్ కొట్టి ఇంగ్లాండ్‌కు అదిరిపోయే లీడ్ ఇచ్చాడు. ఆ తర్వాత 18వ నిమిషంలో ఎజ్రీ కొన్సా ఇంకో గోల్ వేయడంతో లీడ్ డబుల్ అయింది. ఇక సాకా బ్యాక్ టు బ్యాక్ గోల్స్ కొట్టడంతో ఫస్ట్ హాఫ్ ముగిసేసరికి ఇంగ్లాండ్ 4-0తో ఫుల్ డామినేషన్ చూపించింది. ఫ్రాన్స్ టీమ్ అసలు కోలుకోలేదేమో అనుకున్నారంతా.. కానీ, మళ్లీ ఫ్రాన్స్ కూడా గోల్స్ కొట్టడం స్టార్ట్ చేయడంతో ఉత్కంఠగా సాగింది.

సెకండ్ హాఫ్‌లో ఫ్రాన్స్ మాస్ కమ్‌బ్యాక్.. నరాలు తెగే ఉత్కంఠ

కానీ సెకండ్ హాఫ్‌లో సీన్ రివర్స్ అయింది. ఫ్రాన్స్ టీమ్ ఊహించని రేంజ్‌లో కమ్‌బ్యాక్ ఇచ్చింది. 48వ నిమిషంలో ఎంబాప్పే ఫస్ట్ గోల్ కొట్టాడు. ఆ వెంటనే 54వ నిమిషంలో బ్రాడ్లీ బార్కోలా ఇంకో గోల్ వేసి స్కోర్‌ను 2-4కి తెచ్చాడు. 66వ నిమిషంలో ఎంబాప్పే మళ్లీ మ్యాజిక్ చేస్తూ సెకండ్ గోల్ కొట్టడంతో లీడ్ 4-3కి పడిపోయింది. మ్యాచ్ లాస్ట్ మినిట్స్‌కు వచ్చేసరికి ఉత్కంఠ పీక్స్‌కు చేరింది. 87వ నిమిషంలో ఇంగ్లాండ్‌కు పెనాల్టీ దక్కగా, సాకా దాన్ని గోల్‌గా మార్చి తన హాట్రిక్‌తో పాటు స్కోర్‌ను 5-3 చేశాడు. ఇంజూరీ టైమ్ 90+6వ నిమిషంలో ఉస్మాన్ డెంబెలే ఫ్రాన్స్ తరఫున 4వ గోల్ కొట్టి ఆశలు రేపాడు. కానీ 90+8వ నిమిషంలో జూడ్ బెల్లింగ్‌హామ్ ఇంగ్లాండ్ తరఫున సిక్స్త్ గోల్ కొట్టి మ్యాచ్‌ను క్లోజ్ చేసేశాడు.

మెస్సీ రికార్డ్ బ్రేక్.. కింగ్ లాగా నిలిచిన ఎంబాప్పే

మ్యాచ్‌లో ఫ్రాన్స్ ఓడిపోయినా, ఆ టీమ్ కెప్టెన్ ఎంబాప్పే మాత్రం హిస్టరీ క్రియేట్ చేశాడు. 27 ఏళ్ల ఈ ఫుట్‌బాల్ సెన్సేషన్ ఈ మ్యాచ్‌లో రెండు గోల్స్ కొట్టడం ద్వారా ఈ సీజన్‌లో టోటల్‌గా 10 గోల్స్ పూర్తి చేశాడు. దాంతో మెస్సీ (8 గోల్స్)ని దాటేసి గోల్డెన్ బూట్ రేసులో టాప్‌లోకి దూసుకెళ్లాడు. అంతేకాదు, వరల్డ్ కప్ హిస్టరీలోనే అత్యధిక గోల్స్ చేసిన ప్లేయర్‌గా ఎంబాప్పే వరల్డ్ రికార్డ్ క్రియేట్ చేశాడు. ఎంబాప్పే ఖాతాలో ఇప్పుడు మొత్తం 22 వరల్డ్ కప్ గోల్స్ ఉన్నాయి. మెస్సీ 21 గోల్స్‌తో సెకండ్ ప్లేస్‌లో ఉన్నాడు. మ్యాచ్ ఓడినా ఎంబాప్పే మాత్రం రియల్ కింగ్ అనిపించుకున్నాడు.