Weight loss: చపాతీపిండిలో ఇవి కలిపి తింటే బరువు తగ్గడం చాలా ఈజీ..!

గోధుమ పిండితో చేసిన రోటీ, చపాతీలను కాకుండా.. ఆ పిండిలో కొన్నింటిని కలిపి రోటీ చేయడం వల్ల ఈజీగా బరువు తగ్గవచ్చు. అదెలాగో చూద్దాం..

మన దేశంలో రెగ్యులర్ గా అన్నం తినేవారు ఎంత మంది ఉంటారో.. రోటీ, చపాతీలు తినేవారు కూడా అంతే ఉంటారు. ఈ మధ్యకాలంలో బరువు తగ్గాలి అనుకునేవాళ్లు కూడా రెగ్యులర్ గా చపాతీ, రోటీ తింటూ ఉంటారు. కానీ.. అన్నం కి బదులు చపాతీ తిన్నా కూడా తాము బరువు తగ్గడం లేదు అని చాలా మంది ఫీలౌతూ ఉంటారు. కానీ... చపాతీ కోసం గోధుమ పిండి కలిపే సమయంలో  కొన్నింటిని చేరిస్తే చాలు. కొన్నింటిని చేర్చి చపాతీ చేసుకోవడం వల్ల మన శరీరంలో చెడు కొలిస్ట్రాల్ కరిగిపోయి... సులభంగా బరువు తగ్గవచ్చు. మరి, పిండిలో ఏం చేరిస్తే.. ఆరోగ్యానికి మంచిదో.. ఈజీగా బరువు ఎలా తగ్గాలో ఇప్పుడు తెలుసుకుందాం..

సాధారణంగా గోధుమ పిండిని ఉపయోగించి తయారు చేసే రోటీ, చపాతీలో ప్రోటీన్, ఫైబర్, కాంప్లెక్స్ కార్బో హైడ్రేట్స్, విటమిన్లు, ఖనిజాలు ఉంటాయి.  ఉంటాయి. ఒక చిన్న రొట్టెలో దాదాపు 100  కేలరీలు, 3 గ్రాముల ప్రోటీన్ ఉంటుంది.0.4 గ్రాముల ఫ్యాట్, 15 గ్రాముల కార్బో హైడ్రేట్స్, 0.4 గ్రాముల ఫైబర్ ఉంటుంది. ఇది ఆరోగ్యానికి మంచిదే. అయితే... బరువు తగ్గాలంటే దీనిలో మరికొన్ని జోడించాలి. నార్మల్ చపాతీ కంటే మల్టీ గ్రెయిన్  చపాతీ ఎంచుకోవడం మరింత మంచిది.

చపాతీ పిండిలో అవిసెగింజల పొడి...
అవిసె గింజలు అనేక ఆరోగ్య ప్రయోజనాలను కలిగి ఉన్నాయి. అవిసె గింజలలో లిగ్నన్స్, యాంటీఆక్సిడెంట్లు, ఫైబర్, ప్రోటీన్, విటమిన్ బి, మెగ్నీషియం, మాంగనీస్, ఆల్ఫా-లినోలెనిక్ ఆమ్లం (ALA),  ఒమేగా-3 కొవ్వు ఆమ్లాలు పుష్కలంగా ఉన్నాయి. ఈ పోషకాలను తీసుకోవడం వల్ల ప్రమాదకరమైన వ్యాధుల ప్రమాదం తగ్గుతుంది. అవిసె గింజలను క్రమం తప్పకుండా తీసుకోవడం వల్ల మలబద్ధకం, అధిక కొలెస్ట్రాల్, గుండె సమస్యలు,  క్యాన్సర్ వంటి వ్యాధులను నివారించవచ్చు. అటువంటి అవిసె గింజలను పొడిగా చేసి గోధుమ పిండితో కలపడం ఆరోగ్యానికి చాలా ప్రయోజనకరంగా ఉంటుంది. బరువు తగ్గేందుకు కూడా సహాయపడుతుంది.

మొక్కజొన్న పిండి
చపాతీ పిండిలో మొక్కజొన్న పిండిని జోడించడం వల్ల అధిక కొలెస్ట్రాల్‌ను నియంత్రించవచ్చని నిపుణులు అంటున్నారు. మొక్కజొన్నలోని ఫైబర్ రక్తంలో కొలెస్ట్రాల్ స్థాయిని నియంత్రించడంలో చాలా సహాయపడుతుంది. ఇది శరీరంలో కొలెస్ట్రాల్ స్థాయిని పెంచదు. మీరు కోరుకుంటే, గోధుమ పిండికి బదులుగా మొక్కజొన్న పిండితో చేసిన రోటీలను తినవచ్చు. ఈ పిండితో చేసిన రోటీలను తినడం వల్ల కొలెస్ట్రాల్ మాత్రమే కాకుండా అధిక రక్తపోటు కూడా అదుపులో ఉంటుంది.

బెల్లం
బెల్లం ఆరోగ్యానికి చాలా మంచిది. ఇందులో చాలా పోషకాలు ఉంటాయి. బెల్లం ఐరన్,  ఫోలేట్ లతో నిండి ఉంటుంది. ఇవి రక్తహీనత సమస్యను తగ్గిస్తాయి. అదనంగా, బెల్లం రక్తం ఏర్పడటానికి , శక్తి స్థాయిలను పెంచడానికి ఉపయోగపడుతుంది. ఇప్పుడు, మీరు గోధుమ పిండితో బెల్లం కలిపి రోటీ చేస్తే, ఈ ప్రయోజనాలు రెట్టింపు అవుతాయి. దీని కోసం, బెల్లంను మెత్తగా పొడి చేసి కొద్దిగా గోధుమ పిండితో కలపండి. అప్పుడు చపాతీ తినడం ప్రయోజనకరంగా ఉంటుంది. అయితే, బెల్లం ఎక్కువ మాత్రం కలపొద్దు.

మెంతులు
మెంతలు ఫైబర్ , యాంటీ డయాబెటిక్ లక్షణాలను కలిగి ఉంటాయి. ఇవి జీర్ణవ్యవస్థను మెరుగుపరుస్తాయి. అలాగే, అవి రక్తంలో చక్కెర స్థాయిలను నియంత్రించడంలో సహాయపడతాయి. గోధుమ పిండిలో ఒక టీస్పూన్ మెంతులు కలిపి చపాతీలు తయారు చేయండి. అటువంటి చపాతీలు తినడం వల్ల మీ ఆరోగ్యం మెరుగుపడుతుంది. శరీరానికి తగినంత పోషకాలు లభిస్తాయి.