షుగర్ పేషెంట్స్ అన్ని పండ్లు, కూరగాయలు తినలేరు. ఏది తినాలన్నా ఆచి, తూచి వ్యవహరించాలి. మరి... అలాంటి షుగర్ పేషెంట్స్ దొండకాయ తింటే ఏమౌతుంది? నిపుణులు ఏం చెబుతున్నారో తెలుసుకుందాం..
దొండకాయ తింటే మతిమరుపు వస్తుంది అని చాలా మంది చెబుతుంటారు. కానీ అందులో ఎలాంటి వాస్తవం లేదు. నిజం చెప్పాలంటే దొండకాయలు తినడం వల్ల మనం ఊహించని చాలా ఆరోగ్య ప్రయోజనాలు ఉన్నాయి. ముఖ్యంగా డయాబెటిక్ పేషెంట్స్ వీటిని తినడం వల్ల.. వారిలో షుగర్ లెవల్స్ కంట్రోల్ లో ఉంటాయట. ఈ దొండకాయలో ఉండే యాంటీ ఆక్సిడెంట్స్, విటమిన్ సి వంటి పోషకాలు.. శరీరంలో రోగనిరోధక శక్తిని పెంచడంలో సహాయం చేస్తాయి.
ఈ దొండకాయలో మన శరీరానికి అవసరం అయ్యే చాలా పోషకాలు ఉన్నప్పటికీ.. కొందరు మాత్రం వీటిని తినకూడదట. ముఖ్యంగా జీర్ణక్రియకు సంబంధించిన సమస్యలు, మెదడకు సంబంధించిన సమస్యలు ఉన్నవారు మాత్రం వీటిని తినకూడదట. సమస్యలేని వాళ్లకు ఏమీ కాదు కానీ.. బ్రెయిన్ సంబంధిత సమస్యలు ఉన్నవారు మాత్రం వీటిని రోజూ తింటే.. మరిన్ని సమస్యలు ఎదుర్కొనే అవకాశం ఉందట.
దొండకాయ మాత్రమే కాదు దాని ఆకులు, కాండం, వేరు, అన్నీ కూడా ఔషధ గుణాలు కలిగి ఉంటాయి. చర్మ సమస్యలు, దద్దుర్లు, తామర, చర్మం పగిలిపోవడం వంటి వాటికి దొండ కాయ ఆకులను వాడొచ్చు. చర్మ సమస్యలే కాదు, జ్వరం, కామెర్లకి కూడా దొండకాయ ఔషధంలా పని చేస్తుంది.
దొండకాయ ఆకులు, కాండంతో కషాయం చేసి తాగితే దగ్గు, ఉబ్బసం వంటి వాటికి ఉపశమనం కలుగుతుంది. పిత్తం, కడుపులో ఉండే పురుగులు వంటివి తగ్గడానికి ఇది మంచి ఔషధం. ఈ దొండ ఆకులను మెత్తగా నూరి, వెన్న కలిపి గాయాలు, పుండ్లు, చర్మ సమస్యల మీద రాస్తే తగ్గుతాయి.
ఇవన్నీ కాకుండా, డయాబెటిస్ ఉన్నవారి రక్తంలోని షుగర్ లెవెల్స్‌ని కంట్రోల్ చేయడంలో దొండకాయ ఉపయోగపడుతుందని నిరూపితమైంది.. డయాబెటిస్ ఉన్నవారు ఈ దొండకాయ తింటే మంచి ఫలితాలు ఉంటాయి. దొండకాయ లాగానే దాని ఆకులు కూడా డయాబెటిస్‌కి మంచి ఔషధం. డయాబెటిస్ లేనివారికి కూడా షుగర్ లెవెల్స్‌ని కంట్రోల్‌లో ఉంచుకోవడానికి ఉపయోగపడుతుంది.
డయాబెటిస్‌కి దొండకాయ ఎలా మంచిది?
దొండకాయ తినడం వల్ల రక్తంలో షుగర్ లెవెల్స్ తగ్గుతాయి. ఇందులో ఉండే ఫైబర్, యాంటీఆక్సిడెంట్స్ గ్లూకోజ్‌ని శరీరం నెమ్మదిగా గ్రహించేలా చేస్తాయి. ఇన్సులిన్ సెన్సిటివిటీని పెంచి, రక్తంలో షుగర్ లెవెల్స్‌ని తగ్గిస్తుంది. శరీరంలో గ్లూకోజ్ టాలరెన్స్‌ని తగ్గిస్తుంది. తరచుగా తింటే రక్తంలో గ్లూకోజ్ తగ్గుతుంది. రోజూ కాకుండా వారంలో మూడు లేదా నాలుగు రోజులు తింటే మంచిది.
దొండకాయలో పోషకాలు:
సుమారు 100 గ్రాముల దొండకాయలో 20 కేలరీలు ఉంటాయి. ఫైబర్ 2.5 గ్రాములు, ప్రోటీన్ 1.2 గ్రాములు ఉంటాయి. రోజుకి కావలసిన విటమిన్ సిలో 20% వరకు దీనిలో లభిస్తుంది. రోజుకి కావలసిన పొటాషియంలో 10% వరకు లభిస్తుంది.
ఇతర ప్రయోజనాలు:
దొండకాయలో యాంటీఆక్సిడెంట్స్ పుష్కలంగా ఉంటాయి. ఇవి మన శరీరాన్ని ఆక్సిడేటివ్ స్ట్రెస్, ఇన్‌ఫ్లమేషన్ నుండి కాపాడతాయి. ఈ కాయలో యాంటీ ఇన్‌ఫ్లమేటరీ గుణాలు ఎక్కువగా ఉంటాయి. దీనివల్ల ఆర్థరైటిస్, కీళ్ళ నొప్పులు త్వరగా తగ్గుతాయి.
దొండకాయలో ఉండే ఫైబర్ జీర్ణక్రియకి మంచిది.దొండకాయ తినడం వల్ల మలబద్ధకం తగ్గుతుంది.
దొండకాయలో ఉండే విటమిన్ సి రోగనిరోధక శక్తిని పెంచుతుంది. క్యాన్సర్‌ని నిరోధించే గుణాలు కూడా కొవ్వకాయలో ఉన్నాయి. దీన్ని తినడం వల్ల క్యాన్సర్ కణాల పెరుగుదల ఆగుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి