క్రిస్మస్ అయినా.. న్యూ ఇయర్ అయినా.. కేక్ ను పక్కాగా కట్ చేయాల్సిందేనంటారు చాలా మంది. నిజానికి తియ్య తియ్యని కేక్.. రుచిగా ఉండటమే కాదు.. మనకు పండుగ వాతావారణాన్ని కలిగిస్తుంది. మరీ ఈ రెండు పండుగలకు మీకు నచ్చిన బిస్కెట్లతో చాలా ఈజీగా ఇంట్లోనే కేక్ ను తయారుచేయొచ్చు. అదెలాగంటే?
క్రిస్మస్, న్యూ ఇయర్ సెలబ్రేషన్స్ రాబోతున్నాయి. వీటికి చాలా మంది కేక్ లను కట్ చేస్తుంటారు. వీటికే కాదు పండుగలు, ఫంక్షన్లు, బర్త్ డే, ఇతర పార్టీలకు కూడా కేక్ కట్టింగ్ ఖచ్చితంగా ఉంటుంది. అయితే ఎప్పుడూ బయట నుంచే అంటే అంతగా ఏం బావుంటుంది. అందులోనూ ఎంతో డబ్బు ఖర్చు కూడా పెట్టాల్సి వస్తుంది. అయినా బయట ఎలా తయారుచేస్తున్నారో కూడా తెలియదు. అందుకే చిన్న చిన్న పార్టీలకు కేక్ లను ఇంట్లోనే తయారుచేసుకోవడం మంచిది. ఇది మీకు ఎక్స్ పీరియన్స్ ను కూడా కలిగిస్తుంది. అయితే మనలో చాలా మంది కేక్ లను తయారుచేయడం పెద్ద ప్రాసెస్ అని.. దీనికి ఎన్నో పదార్థాలు అవసరమవుతాయని అనుకుంటారు. కానీ కొన్ని రకాల కేక్ లను చాలా ఈజీగా తయారుచేయొచ్చు. కేవలం పది ఇరవై నిమిషాల్లోనే తయారుచేసేయొచ్చు.
మనం ఇంట్లోనే చాలా ఈజీ మెథడ్ లో, త్వరగా తయారు చేయగలిగే కేక్ లు చాలానే ఉన్నాయి. ఇలాంటి వాటిలో బిస్కెట్లతో తయారుచేసిన కేక్ కూడా ఉంది. నిజానికి ఇది చాలా చాలా టేస్టీగా ఉంటుంది. అందులోనూ దీన్ని కేవలం పదే అంటే పదే నిమిషాల్లో తయారుచేయొచ్చు. మరి ఇంకెందుకు ఆలస్యం ఈ కేక్ ను ఎలా తయారుచేయాలో ఇప్పుడు తెలుసుకుందాం పదండి.
బిస్కెట్ తయారీ విధానం
బిస్కెట్ కేక్ ను తయారు చేయడానికి.. ముందుగా మీకు నచ్చిన బిస్కెట్లను కొనండి. రోలింగ్ పిన్ సహాయంతో 2 బిస్కెట్ ప్యాకెట్లను తెరవకుండా పొడిలా చేయండి. ఆ తర్వాత ఈ విరిగిన బిస్కెట్లను ఒక గిన్నెలో వేయండి.
ఇప్పుడు ఈ గిన్నెలో 1 గ్లాసు పాలు పోసి పిండిలా కలపండి. దీన్ని బాగా కలిపిన తర్వాత కొద్దిగా చక్కెర వేయండి. అయితే బిస్కెట్లలో ఆల్ రెడీ చెక్కెర ఉంటుంది. అందుకే తక్కువగా వేయండి.
ఇప్పుడు ఈ పిండిలో ఈనో వేసి చెంచతో గుండ్రంగా 30 సెకన్ల పాటు తిప్పండి. ఇప్పుడు పిండిపై మూతపెట్టి 15 నిమిషాల పాటు పక్కన పెట్టుకోండి. ఇప్పుడు ఒక గిన్నె తీసుకుని అందులో నూనె లేదా వెన్న వేసి కలిపి పెట్టుకున్న కేక్ పిండిని వేయండి.
కావాలనుకుంటే కుక్కర్ లో లేదా ఓవెన్ లో పెట్టి కేక్ ను తయారుచేయొచ్చు. ఈ కేక్ కేవలం 10 నిమిషాల్లోనే రెడీ అవుతుంది. ఆ తర్వాత కేక్ పై చాక్లెట్ అప్లై చేసి జీడిపప్పుతో గార్నిష్ చేసి సర్వ్ చేయండి. ఈ పద్ధతిలో కేక్ చాలా స్మూత్ గా వస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి