చపాతీ, రొట్టెలను మొత్తమే తినకపోతే ఏమౌతుందో తెలుసా?

కొంతమంది చపాతీలను గానీ, జొన్న రొట్టెను గానీ రోజూ తింటుంటారు. అలాగే మరికొంతమంది మాత్రం వీటి జోలికే వెళ్లరు. కానీ వీటిని మొత్తమే తినకపోతే ఏమౌతుందో తెలుసా? 

ఈ రోజుల్లో ప్రతి ఒక్కరూ ఆరోగ్యంగా ఉండేందుకు ప్రతి ఒక్కటీ చేస్తున్నారు. ముఖ్యంగా ఫుడ్ విషయంలో అస్సలు కాంప్రమైజ్ కావడం లేదు. ఆరోగ్యంగా ఉండాలని రకరకాల ఆహారాలను తమ రోజువారి డైట్ లో చేర్చుకుంటున్నారు. కొన్ని ఆహారాలను తినకుండా అవాయిడ్ చేస్తున్నారు. 

ముఖ్యంగా ఈ రోజుల్లో చాలా మంది బరువు విషయంలో ఎన్నో జాగ్రత్తగా తీసుకుంటున్నారు. ఇవి తింటే బరువు పెరుగుతారంటే వాటిని పూర్తిగా మానేస్తున్నారు. బరువు పెరగకుండా చేసే ఆహారాలను రోజూ తింటున్నారు. అయితే చాలా మందికి గోధుమ చపాతీ లేదా జొన్న రొట్టెను రోజూ తినే అలవాటు ఉంటుంది. నిజానికి ఇవి అన్నం కంటే చాలా మంచివి. కానీ వీటిలో కూడా కార్భోహైడ్రేట్లు ఎక్కువ మొత్తంలో ఉంటాయి. అందుకే బరువు తగ్గాలనుకునేవారు గోధుమ చపాతీలకు దూరంగా ఉంటున్నారు. కానీ రోటీని తినకపోతే ఏమౌతుందో తెలుసా? 

రొట్టెలను తినపోతే ఏం జరుగుతుంది?

మీ రోజువారి ఆహారం నుంచి రోటీ లేదా కార్భోహైడ్రేట్లు ఎక్కువగా ఉండే ఆహారాలన్ని చేర్చకపోవడం వల్ల మీరు మొదట్లో కొన్ని ఆరోగ్య ప్రయోజనాలను పొందుతారేమో. కానీ రానురాను దీనివల్ల మీరు ఎన్నో అనారోగ్య సమస్యలను ఎదుర్కోవాల్సి వస్తుంది. రొట్టెను మానేసిన ఫస్ట్ నెలలో మీకు ఉబ్బరం తక్కువగా ఉంటుంది.

అలాగే మీ ముఖం సన్నగా అవుతుంది. అలాగే మీకు మరింత శక్తివంతంగా అనిపిస్తుంది. కానీ కాలక్రమేణా దీనివల్ల మీరు కొన్ని సమస్యలను ఎదుర్కోవాల్సి వస్తుందని ఆరోగ్య నిపుణులు చెబుతున్నారు.

కార్బోహైడ్రేట్లు అంటే రోటీలు, రొట్టెలు మన మెదడుతో సహా మొత్తం శరీరానికి ప్రధాన శక్తి  వనరు. వీటిని తినకపోతే మీరు బలహీనంగా, అలసటగా ఉంటారని నిపుణులు చెబుతున్నారు. 

రొట్టెను తినకపోవడం వల్ల వచ్చే సమస్యలు 

రొట్టెను తినకపోవడం వల్ల మీ శరీరంలో తగినన్ని కార్భోహైడ్రేట్లు ఉండవు. దీంతో మీ శరీరంలో శక్తి కొరతను తీర్చడానికి ప్రోటీన్ ను విచ్ఛిన్నం చేయడం ప్రారంభిస్తుంది. ఇది మీరు బరువు తగ్గడానికి బదులుగా  కండరాల నష్టానికి దారితీస్తుంది. అలాగే దీనివల్ల మీ జీవక్రియ నెమ్మదిస్తుంది.

దీంతో మీరు బరువు తగ్గడం మరింత కష్టంగా మారుతుంది. దీనివల్ల మీరు ఎన్ని ప్రయత్నాలు చేసినా బరువు తగ్గరు. అంతేకాదు  రొట్టె వంటి వనరుల నుంచి సరైన ఫైబర్ అందకపోవడం వల్ల పేగు కదలికలు మందగిస్తాయి. దీంతో మీకు జీర్ణ సమస్యలు వస్తాయి. 

రక్తంలో చక్కెర, ఆరోగ్యంపై ప్రభావాలు

కార్బోహైడ్రేట్లను తక్కువ మొత్తంలో తీసుకుంటే మీ రక్తంలో చక్కెర స్థాయిలపై, మొత్తం ఆరోగ్యంపై చెడు ప్రభావం పడుతుంది. అయితే మొదట్లో మీరు చపాతీ తినకపోవడం వల్ల బ్లడ్ షుగర్ స్థిరంగా ఉంటుంది.  ఇన్సులిన్ వచ్చే చిక్కులను తగ్గిస్తుంది. అయినప్పటికీ కార్బోహైడ్రేట్లను తీసుకోకపోవడం వల్ల మీ ఒంట్లో స్టామినా ఉండదు. దీనివల్ల కొంతమందికి మెదడు పనితీరు మందగిస్తుంది. అలాగే దృష్టి ప్రభావితం అవుతుంది.