నెయ్యి, కొబ్బరి నూనె..రెండింటిలో ఏది బెటర్..?

సాధారణ నూనెకు బదులు నెయ్యి వాడితే మంచిదని కొందరు, కాదు కొబ్బరి నూనె మంచిదని చాలా మంది నమ్ముతుంటారు.  మరి, ఈ రెండింటిలో నిజానికి ఏది మంచిది…? నిపుణులు ఏం చెబుతున్నారో తెలుసుకుందాం…

మనం రోజువారీ వంటకు నూనె చాలా తప్పనిసరి. అయితే.. సాధారణ నూనెకు బదులు నెయ్యి వాడితే మంచిదని కొందరు, కాదు కొబ్బరి నూనె మంచిదని చాలా మంది నమ్ముతుంటారు.  మరి, ఈ రెండింటిలో నిజానికి ఏది మంచిది…? నిపుణులు ఏం చెబుతున్నారో తెలుసుకుందాం…

నెయ్యి ప్రయోజనాలు…

నెయ్యి వలన  మనకు చాలా ప్రయోజనాలు ఉన్నాయి.  రోజూ ఒక స్పూన్ తినడం వల్ల చాలా ఆరోగ్య ప్రయోజనాలు కలుగుతాయి.  నెయ్యిలో బ్యూట్రిక్ యాసిడ్ ఉంటుంది. ఇది జీర్ణక్రియకు, రోగనిరోధక శక్తిని పెంపొందించడానికి, ఆరోగ్యకరమైన కొలిస్ట్రాల్ మెరుగుపడటానికి సహాయపడుతుంది. అంతేకాకుండా నెయ్యి యాంటీ ఆక్సిడెంట్లు, విటమిన్ ఏ, ఇ, కే పుష్కలంగా ఉన్నాయి. ఇవి మన చర్మానికి, జుట్టు ఆరోగ్యానికి చాలా మేలు చేస్తాయి.

కొబ్బరి నూనెతో ప్రయోజనాలు…
కొబ్బరి నూనె కూడా రుచిగా ఉంటుంది. వంటకు మంచి ఆప్షన్. ఈ నూనెతో వంట చేసుకొని తినడం వల్ల అధిక బరువు తగ్గించుకోవచ్చని  చాలా అధ్యయనాలు నిరూపించాయి. అదనంగా, కొబ్బరి నూనెలోని యాంటీ బాక్టీరియల్ లక్షణాలు చర్మాన్ని లోపలి నుండి పోషించడంలో సహాయపడతాయి, ఇది ఆరోగ్యకరమైన మెరుపును ఇస్తుంది. కొబ్బరి నూనెలోని కొన్ని పోషకాలు జుట్టు పెరుగుదలను కూడా ప్రోత్సహిస్తాయి. 

Image: Getty Images

నెయ్యి, కొబ్బరి నూనె రెండింటిలో ఏది మంచిది..?
 నెయ్యితో పోలిస్తే కొబ్బరి నూనె వంట చేయడానికి మంచి ఎంపిక. నెయ్యిలో కొలెస్ట్రాల్ ఉంటుందని, ఇది ఆక్సీకరణం చెందుతుందని, అధిక మంటపై వేడి చేసినప్పుడు ఆక్సిస్టెరాల్‌లను ఏర్పరుస్తుందని ఆయన వివరించారు. చాలా సాంప్రదాయ భారతీయ వంటలు అధిక మంట మీద చేస్తారు కాబట్టి, వంట కోసం నెయ్యిని ఉపయోగించడం అంత మంచిది కాదు. నెయ్యిలోని కొలెస్ట్రాల్‌ వల్ల గుండె జబ్బులు వచ్చే ప్రమాదం ఎక్కువగా ఉంటుందని  నిపుణులు తెలిపారు. కాబట్టి, కొబ్బరి నూనె కంటే నెయ్యిలో ఎక్కువ స్మోక్ పాయింట్ ఉన్నప్పటికీ, అసలు సమస్య కొలెస్ట్రాల్‌తో ఉంటుంది.

ghee water

వంటకు కొలెస్ట్రాల్ లేని, యాంటీఆక్సిడెంట్లు అధికంగా ఉండే మొక్కల ఆధారిత నూనెలను ఎంచుకోవాలని నిపుణులు చెబుతున్నారు. అయితే, మీరు నెయ్యిని పూర్తిగా తినకూడదని దీని అర్థం కాదు. నెయ్యిని టాపింగ్‌గా ఉపయోగించడం బెటర్.