కూర, సాంబార్, బిర్యానీలో కారం ఎక్కువైతే ఏం చేయాలో తెలుసా?

స్పైసీ వంటను ప్రతి ఒక్కరూ ఇష్టపడతారు. కానీ ఉండాల్సిన దానికంటే మరీ ఎక్కువ కారం ఉంటే కూడా వంటలను తినడం కష్టమే. అందుకే వీటిలో కారాన్ని ఎలా తగ్గించుకోవాలో ఇప్పుడు తెలుసుకుందాం పదండి. 

నిజంగా వంట చేయడమొక కళ. ఇది అందరికీ రాదు. అందరూ వంటచేస్తారు. కానీ కొద్దిమంది మాత్రమే పర్ఫెక్ట్ గా చేస్తారనడంలో ఎలాంటి సందేహం లేదు. కొంతమంది అయితే రాని వంటలను యూట్యూబ్, ఇతర సోషల్ మీడియాలో చూసి ఇంట్లో ట్రై చేస్తుంటారు.

దీనివల్ల చాలా సార్లు కూరల్లో కారం ఎక్కువ అవుతుంటుంది. కానీ కారం ఎక్కువైన వంటలను తినడం కష్టం. అందుకే కారంగా ఉండే వంటలు డస్ట్ బిన్ పాలవుతుంటాయి. అయితే మీరు కొన్ని చిట్కాలను పాటిస్తే మాత్రం ఎంత కారాన్నైనా చాలా సులువుగా తగ్గించొచ్చు. ఇందుకోసం ఏం చేయాలో ఇప్పుడు తెలుసుకుందాం పదండి. 

వంటలో కారం ఎక్కువైతే ఏం చేయాలి? 

కూరల్లో కారం ఎక్కువైతే చాలా మంది కంగారు పడిపోతుంటారు. ఏం చేయాలో కూడా తెలియదు. ఇలాంటప్పుడు మీరు పెద్దగా వర్రీ అవ్వాల్సిన అవసరం లేదు. కారం తగ్గాలంటే దాంట్లో కొంచెం ఉప్పు, చింతపండు రసం వేసి మరిగించండి. వీటి వల్ల కారం కొంచెం తగ్గుతుంది. 

చాలా సార్లు సాంబార్ కూడా మరీ కారంగా అవుతుంటుంది. సాంబార్ లో కారాన్ని తగ్గించడం చాలా సింపుల్. ఇందుకోసం కొంచెం పెసర పప్పును ఉడికించి సాంబార్ లో కలపండి. లేదా మీరు సాంబార్ లో వేసిన కూరగాయలను మరిన్ని కట్ చేసి వేయించి అందులో కొంచెం సాబార్ వేసి మరిగించి మిగతా సాంబార్ లో కలిపితే సరిపోతుంది. అయితే సాంబార్ లో ఉప్పు తక్కువగా ఉన్నా కూడా కారంగా అనిపిస్తుంది. కాబట్టి సాంబార్ లో ఉప్పును సరిపడా వేయండి. 

సాంబార్ లో స్పైసీ బాగా ఎక్కువైతే మీరు దీంట్లో టామాటాలను వేసి బాగా వేయించండి. మసాలా ఘాటు ఎక్కువగా ఉంటే దాంట్లో కొబ్బరి తురుము లేదా బెల్లం ముక్కను వేసి కాసేపు మరిగిస్తే సాంబార్ టేస్టీగా అవుతుంది. 

చపాతీ గ్రేవీ కారమైతే పెద్దగా టెన్షన్ పడకండి. దీంట్లో  కారం తగ్గడానికి అందులో కొంచెం చక్కెర లేదా బెల్లాన్ని వేసి కరిగించండి. లేదనుకుంటే మీరు దీంట్లో పెరుగు, కొబ్బరి పాలు వంటివి కూడా వేయొచ్చు. ఇవి కూడా కారాన్ని తగ్గిస్తాయి.

ఫ్రైస్ లల్లో కూడా కారం ఎక్కువగా అవుతుంటుంది. ముఖ్యంగా ఆలూ, అరట,  యమ్ మొదలైనవి ఫ్రైస్ లో కారం కొంచెమే వేసినా ఎక్కువగా అవుతుంది. ఇలాంటప్పుడు వీటిలో స్పైసీని తగ్గించుకోవడానికి బంగాళాదుంపను మెత్తగా పేస్ట్ చేసి పైన చల్లుకుంటే సరిపోతుంది. 

కొన్ని కొన్ని సార్లు బిర్యానీ కూడా బాగా కారం కారంగా అవుతుంటుది. మీకు తెలుసా? బిర్యానీలో కొంచెం నిమ్మరసం వేసి కలిపితే స్పైసీ చాలా వరకు తగ్గుతుంది. అలాగే లెమన్ రైస్, కొబ్బరి అన్నం, టమాటా రైస్ వంటి వాటిలో కారం ఎక్కువైతే అందులో తెల్ల అన్నం వేసి కలపండి.

దీనివల్ల కారం అస్సలు ఉండదు. అలాగే గ్రేవీలు కారంగా అయితే వాటిలో ఆలుగడ్డలను ఉడికించి మెత్తగా చేసి వాటిలో వేయండి. లేదా గసగసాలను, కొబ్బరిని మెత్తగా రుబ్బుకోని గ్రేవీలో వేసి ఉడికించండి. దీనివల్ల మసాలా ఘాటు తగ్గుతుంది.