Zero Watt Bulb : మీ ఇంట్లో జీరో వాట్ బల్బ్ వాడుతున్నారా? జీరో వాట్ బల్బ్ అసలు కరెంట్ వాడదా? ఈ నిజం కచ్చితంగా మీరు తెలుసుకోవాల్సిందే. విషయం తెలిసిన తర్వాత మీరు తప్పకుండా షాక్ అవుతారు.
భారతదేశంలోని దాదాపు ప్రతి ఇంట్లోనూ రాత్రి వేళ బెడ్రూమ్లలో లేదా హాల్లలో ఒక చిన్న, తక్కువ వెలుతురు ఇచ్చే బల్బు వెలుగుతూనే ఉంటుంది. దీనిని మనవాళ్లంతా చాలా కాలంగా 'జీరో వాట్ బల్బ్' అని పిలుస్తూ వస్తున్నారు. ఇవి ప్రతిచోటా కనిపిస్తాయి, కానీ ఇవి నిజంగానే జీరో విద్యుత్ను వినియోగిస్తాయా? ఈ నమ్మకం వెనుక ఉన్న అసలు నిజాలేంటో ఇక్కడ తెలుసుకుందాం.
26
జీరో విద్యుత్ అనేది సాధ్యమేనా?
జీరో విద్యుత్ అనేది సాధ్యమేనా? అంటే అస్సలు సాధ్యం కాదు. ఒక బల్బు వెలుగుతోంది అంటే, అది కచ్చితంగా విద్యుత్ను తీసుకుంటుందని అర్థం. ఇది చాలా సింపుల్ సైన్స్. కరెంట్ అస్సలు వాడకుండా, ఎనర్జీ తీసుకోకుండా ఏ బల్బు కూడా వెలగదు. కాబట్టి, ఎటువంటి పవర్ తీసుకోకుండా వెలిగే బల్బు అంటూ ప్రపంచంలో ఏదీ లేదు. జీరో వాట్ అనేది కేవలం ఒక పేరు మాత్రమే.
36
మరి ఆ పేరు ఎలా వచ్చింది?
ఈ పేరు వెనుక ఒక పెద్ద ఫ్లాష్బ్యాక్ ఉంది. అప్పట్లో మన ఇళ్లలో అనలాగ్ విద్యుత్ మీటర్లు ఉండేవి. వాటిలో ఒక గుండ్రటి డిస్క్ తిరుగుతూ, రీడింగ్ చూపించే సూది ఉండేది. ఆ పాత కాలపు మీటర్లకు చాలా తక్కువ విద్యుత్ వినియోగాన్ని గుర్తించే కెపాసిటీ ఉండేది కాదు.
ఇంట్లో ఫ్యాన్లు, ట్యూబ్ లైట్లు, టీవీలు లాంటి పెద్ద పెద్ద వస్తువులన్నీ బంద్ చేసి, కేవలం ఈ చిన్న బల్బును మాత్రమే ఆన్ చేసినప్పుడు, ఆ మీటర్ లోని సూది అస్సలు కదిలేది కాదు. లోపల ఉండే డిస్క్ కూడా తిరిగేది కాదు. దీంతో జనాలు మీటర్ వైపు చూసి, రీడింగ్ సున్నా దగ్గరే ఆగిపోయింది కాబట్టి ఈ బల్బుకు కరెంట్ బిల్లు పడట్లేదని ఫిక్స్ అయిపోయారు. అలా దీనికి 'జీరో వాట్ బల్బ్' అనే పేరు స్థిరపడిపోయింది.
కానీ ఇప్పుడు కాలం మారింది. పాత అనలాగ్ మీటర్ల స్థానంలో డిజిటల్ మీటర్లు వచ్చేశాయి. ఈ సరికొత్త డిజిటల్ మీటర్లు చాలా షార్ప్గా పనిచేస్తాయి. ఇవి చాలా తక్కువ కరెంట్ వినియోగాన్ని కూడా ఇట్టే పసిగట్టేస్తాయి. ఇప్పుడు మీరు మీ ఇంట్లో ఆ సో కాల్డ్ జీరో వాట్ బల్బును ఆన్ చేస్తే చాలు, డిజిటల్ మీటర్ వెంటనే ఆ రీడింగ్ను రికార్డ్ చేస్తుంది. కాబట్టి, ఈ బల్బులు వాడినా కూడా మీ కరెంట్ బిల్లు పెరుగుతుంది. భారీగా రాకపోయినా, కొంత మొత్తంలో బిల్లు మాత్రం కచ్చితంగా యాడ్ అవుతుంది.
56
అసలు దీని వాట్టేజ్ ఎంత ఉంటుంది?
మనం వాడే పాత కాలపు జీరో వాట్ బల్బులు నిజానికి 10 నుండి 15 వాట్ల విద్యుత్ను ఉపయోగించుకుంటాయి. కొన్ని బల్బులు 5 వాట్ల వరకు పవర్ను తీసుకున్నప్పటికీ, ఏనాడూ సున్నా వాట్ను మాత్రం తాకలేదు. అయితే, ప్రస్తుత మోడ్రన్ జనరేషన్లో వస్తున్న ఎల్ఈడీ జీరో వాట్ బల్బులు చాలా ఎఫెక్టివ్గా పనిచేస్తున్నాయి. ఇవి సాధారణంగా 0.3 నుండి 1 వాట్ విద్యుత్ను మాత్రమే వాడుకుంటాయి. పాత బల్బులతో పోలిస్తే ఇది చాలా చాలా తక్కువ, కానీ జీరో మాత్రం కాదు.
66
ఎల్ఈడీ జీరో వాట్ బల్బులకు మారాలా?
మీరు రాత్రి వేళల్లో తక్కువ వెలుతురు కావాలనుకుంటే, పాత బల్బుల స్థానంలో మోడ్రన్ ఎల్ఈడీ బల్బులను వాడటం చాలా బెస్ట్ ఆప్షన్. ఇవి చాలా తక్కువ కరెంట్ను తీసుకుంటాయి, ఎక్కువ కాలం మన్నుతాయి, అస్సలు వేడెక్కవు. దీనివల్ల మీకు రాత్రిపూట కావాల్సినంత వెలుతురు వస్తుంది, అలాగే మీ కరెంట్ బిల్లు కూడా చాలా స్వల్పంగా మాత్రమే పెరుగుతుంది.
