మంచు విష్ణు సరసన నటించే హీరోయిన్ గా ముందుగా కృతి సనన్ చెల్లి నుపుర్ సనన్ ని ఎంపిక చేసారు. కానీ కొన్ని కారణాల వల్ల నుపుర్ సనన్ షూటింగ్ కి ముందే ఈ చిత్రం నుంచి తప్పుకుంది.
మంచు విష్ణు కి చాలా కాలంగా సరైన సక్సెస్ లేదు. విష్ణు చివరగా నటించిన జిన్నా చిత్రం బాక్సాఫీస్ వద్ద నిరాశపరిచింది. అయితే మంచు విష్ణు తన కలల ప్రాజెక్ట్ కోసం తెరవెనుక చాలా కాలంగా కసరత్తు చేస్తున్నారు. ఆ పరమేశ్వరుడి పరమ భక్తుడు అయిన కన్నప్ప పాత్రలో నటించాలనేది మంచు విష్ణు కోరిక.
తన కలల ప్రాజెక్ట్ ని నెరవేర్చుకునే దిశగా మంచు విష్ణు అడుగులు పడుతున్నాయి. ఇటీవల శ్రీకాళహస్తిలో మంచు విష్ణు 'కన్నప్ప' చిత్రాన్ని పూజా కార్యక్రమాలతో ప్రారంభించిన సంగతి తెలిసిందే. విష్ణు కెరీర్ లోనే అత్యంత భారీ బడ్జెట్ లో పాన్ ఇండియా చిత్రంగా ఈ మూవీ తెరకెక్కుతోంది.
ఈ చిత్ర షూటింగ్ మొత్తం న్యూజిలాండ్ లోనే పూర్తి చేయనున్నారు. దీనితో అవసరమైన సెట్ మెటీరియల్, సామాగ్రిని ఇటీవల న్యూజిలాండ్ తరలించిన సంగతి తెలిసిందే. ఇప్పటికే కొన్ని షెడ్యూల్స్ కూడా పూర్తయ్యాయి. ఈ చిత్రంలో నటించే బ్రహ్మానందం, సప్తగిరి, రఘుబాబు, సురేఖ వాణి లాంటి నటులంతా న్యూజిలాండ్ వెళ్లిన సంగతి తెలిసిందే.
మహాభారతం సీరియల్ ని తెరకెక్కించిన ముఖేష్ సింగ్ ఈ చిత్రానికి దర్శకుడు. మంచు విష్ణు సరసన నటించే హీరోయిన్ గా ముందుగా కృతి సనన్ చెల్లి నుపుర్ సనన్ ని ఎంపిక చేసారు. కానీ కొన్ని కారణాల వల్ల నుపుర్ సనన్ షూటింగ్ కి ముందే ఈ చిత్రం నుంచి తప్పుకుంది. దీనితో హీరోయిన్ లేకుండా షూటింగ్ ప్రారంభించారు. ఎట్టకేలకు కన్నప్ప కు హీరోయిన్ దొరికేసింది.
ప్రీతి ముకుందన్ అనే యంగ్ బ్యూటీని హీరోయిన్ గా కన్నప్ప టీమ్ ఫైనల్ చేసింది. అఫీషియల్ గా కూడా అనౌన్స్ చేశారు. ఎంతో అందంగా ఉన్న ఈ కుర్ర భామ ఎవరు అంటూ నెటిజన్లు ఆరా తీయడం మొదలు పెట్టారు. ప్రీతి గతంలో ఓ తమిళ చిత్రంలో నటించింది. కానీ ఆమె ట్యాలెంట్ కి తగ్గ గుర్తింపు రాలేదు.
ప్రీతి ముకుందన్ మల్టీట్యాలెంటెడ్ బ్యూటీ. ఆమెకి క్లాసికల్ డ్యాన్స్ లో అద్భుతమైన ప్రావీణ్యం ఉంది. సోషల్ మీడియాలో కూడా తన క్లాసిక్ డ్యాన్స్ స్కిల్స్ ని ప్రదర్శిస్తూ ఉంటుంది.
ఇక ఆమె నాజూకు సొగసుకు యువత ఫిదా అవుతూ కామెంట్స్ చేస్తున్నారు. గ్లామర్ షో లో కూడా ప్రీతి అందాలు ఒలకబోస్తూ రెచ్చిపోతోంది. పాన్ ఇండియా మూవీగా తెరకెక్కుతున్న కన్నప్ప ఏ కుర్ర భామకి ఎలాంటి క్రేజ్ తెచ్చిపెడుతుందో చూడాలి.