ఆర్ ఆర్ ఆర్ (RRR Movie)రిలీజ్ వాయిదా ఫ్యాన్స్ తో పాటు మూవీ లవర్స్ ని పూర్తి నిరాశకు గురి చేసింది.ఏడాది కాలంగా ఆర్ ఆర్ ఆర్ కోసం ఎదురు చూస్తున్న ప్రేక్షకులకు మరలా నిరాశే ఎదురైంది. మరోవైపు రాధే శ్యామ్ విడుదల తేదీ పై సందిగ్ధత కొనసాగుతున్న తరుణంలో 2022 సంక్రాంతి (Sankranthi 2022) బరిలో నిలిచే చిత్రాలు ఏమిటనే విషయంపై ఇంకా స్పష్టత రాలేదు.
దేశవ్యాప్తంగా కరోనా వైరస్ వ్యాప్తి అధికమైంది. దీంతో పాక్షికంగా లాక్ డౌన్ ఆంక్షలు అమలు చేస్తున్నాయి రాష్ట్రాలు. మహారాష్ట్ర, తమిళనాడు రాష్ట్రాలు థియేటర్స్ లో 50 శాతం ఆక్యుపెన్సీ అమలు చేస్తున్నాయి. ఢిల్లీ రాష్ట్రంలో పూర్తిగా థియేటర్స్ మూసివేశారు. ఇలాంటి ప్రతికూలతల మధ్య వందల కోట్ల బడ్జెట్ తో తెరకెక్కిన ఆర్ ఆర్ ఆర్ లాంటి చిత్రాలు విడుదల చేయడం శ్రేయస్కరం కాదు. కోట్ల రూపాయలు పబ్లిసిటీ కోసం ఖర్చుపెట్టిన ఆర్ ఆర్ ఆర్ నిర్మాతలు వేరే మార్గం లేక విడుదల వాయిదా వేశారు.
ఆర్ ఆర్ ఆర్ విడుదల వాయిదా నేపథ్యంలో రాధే శ్యామ్ (Radhe Shyam)పరిస్థితి ఏమిటనే ప్రశ్న అందరిలో మొదలైంది. రాధే శ్యామ్ సైతం రూ. 300 కోట్ల బడ్జెట్ తో తెరకెక్కిన పాన్ ఇండియా చిత్రం. మూడేళ్లకు పైగా షూటింగ్ జరుపుకుంటుంది. రాధే శ్యామ్ కూడా లాభాలు సాధించాలంటే భారీ వసూళ్లు రాబట్టాలి. కరోనా ఆంక్షల మధ్య భారీ ఓపెనింగ్స్ దక్కుతాయనే నమ్మకం లేదు. కావున రాధే శ్యామ్ సైతం పోస్ట్ పోన్ కావచ్చని ఊహాగానాలు తెరపైకి వస్తున్నాయి.
చిత్ర యూనిట్ ఈ విషయంలో ఇంకా ఏ నిర్ణయానికి రాలేదు. రాధే శ్యామ్ హిందీ హక్కులు దక్కించుకున్న టి సిరీస్ వాయిదాకే మొగ్గు చూపుతున్నట్టు సమాచారం. మహారాష్ట్ర ప్రభుత్వం నైట్ కర్ఫ్యూ విధించింది.. అంటే సెకండ్ షోకి అనుమతి లేదు. రోజుకు కేవలం మూడు షోలు, 50 శాతం ఆక్యుపెన్సీతో నడపాల్సిన పరిస్థితి ఉంది.ఈ నేపథ్యంలో పెట్టుబడి కూడా రాదేమోనని టి సిరీస్ సంస్థ భయపడుతుంది.
మరోవైపు ప్రభాస్ (Prabhas) ముంబై ప్రమోషనల్ ఈవెంట్స్ క్యాన్సిల్ చేసుకున్నారని సమాచారం. కాబట్టి రాధే శ్యామ్ విడుదల వాయిదా లాంఛనమే అంటున్నారు. అయితే రాధే శ్యామ్ విడుదల ఇప్పటికే ఆలస్యమైన నేపథ్యంలో విడుదల వాయిదా ఉండదని, ప్రచారం అవుతున్న పుకార్లను నమ్మొద్దని కొందరి వాదన. రాధే శ్యామ్ నిర్మాతలు మాత్రం అధికారికంగా ఈ పుకార్లకు చెక్ పెట్టే ప్రయత్నం చేయడం లేదు. కారణం వారు ఇంకా ఒక నిర్ణయానికి రాలేదని తెలుస్తుంది. ఇవాళ సాయంత్రానికి రాధే శ్యామ్ సంక్రాంతి విడుదలపై స్పష్టత వచ్చే అవకాశం కలదు.
ప్రభాస్ ఫ్యాన్స్ మాత్రం సంక్రాంతికి రాధే శ్యామ్ విడుదల కావాలని కోరుకుంటున్నారు. ప్రభాస్ నుండి మూవీ వచ్చి రెడున్నరేళ్లు దాటిపోతుంది. ఈ నేపథ్యంలో రాధే శ్యామ్ సంక్రాంతి కి థియేటర్స్ లో సందడి చేయాలని కోరుకుంటున్నారు. ఒకవేళ రాధే శ్యామ్ సైతం వాయిదా పడితే 2022 సంక్రాంతి చప్పగా సాగుతుంది. ఆర్ ఆర్ ఆర్ విడుదలతో చిన్న చిత్రాలు థియేటర్స్ పై దండెత్తాయి. రాధే శ్యామ్ కూడా పోస్ట్ పోన్ అయితే మరిన్ని చిత్రాలు విడుదలకు సిద్ధమయ్యే సూచనలు కలవు.
Also read Prabhas-Allu Arjun: టాలీవుడ్ టాప్ 5 గ్రాసర్స్.. ఆ ఇద్దరు హీరోలవే!
Also read Radhe Shyam: జాతకాలపై ప్రభాస్ అభిప్రాయం ఏంటి.. మనకు అర్థం కాకపోతే అబద్ధమేనా ?