Soundarya: బాలకృష్ణకు తల్లిగా సౌందర్య, పవర్ ఫుల్ రోల్ రిజెక్ట్ చేసిన నటి, ఆ పాత్ర ఎవరు చేశారో తెలుసా?

వెండి తెరపై నందమూరి బాలకృష్ణ, సౌందర్యకి విపరీతంగా క్రేజ్ ఉంది. వీరిద్దిరూ హిట్ జోడీనే. కానీ.. బాలయ్య సరసన హీరోయిన్ గా నటించిన సౌందర్య.. ఆయనకు తల్లిగా నటించాల్సి వస్తే రిజెక్ట్ చేశారని మీకు తెలుసా? 

Soundarya

నందమూరి బాలకృష్ణ స్టార్ హీరోగా ఇప్పటికీ సినిమాలు చేసుకుంటూ వెళ్తున్నారు. వరస హిట్లతో దూసుకుపోతున్న ఆయన తన కెరీర్ లో ద్విపాత్రాభినయం చేసిన సినిమాలు చాలానే ఉన్నాయి. అలాంటి సినిమాల్లో చెన్నకేశవ రెడ్డి కూడా ఒకటి.ఈ సినిమా ఫలితం ఎలా ఉన్నా.. బాలయ్య ఫ్యాన్స్ కి విపరీతంగా నచ్చే చిత్రాల్లో ఇది కూడా ఉంటుంది.

వీవీ వినాయక్ దర్శకత్వంలో వచ్చిన ఈ సినిమాలో బాలయ్య డ్యూయర్ రూల్ చేశారు. రెండు పాత్రల్లోనూ ఆయన అదరగొట్టారు. అయితే, ఈ సినిమాలో తండ్రి పాత్ర చెన్నకేశవ రెడ్డికి భార్యగా, కొడుకు భరత్ రెడ్డికి తల్లిగా టుబు పవర్ ఫుల్ రూల్ లో నటించి మెప్పించారు. కానీ, ఈ పాత్ర వెనక ఒక పెద్ద ట్విస్ట్ ఉంది.

సౌందర్య రిజెక్ట్ చేశారా?

నిజానికి, దర్శకుడు వివి వినాయక్ , నిర్మాత ఈ పవర్ ఫుల్ మదర్ క్యారెక్టర్ కోసం మొదట మహానటి సౌందర్యను సంప్రదించినట్లు సమాచారం. సౌందర్య చేస్తే ఆ పాత్ర చాలా బాగుంటుందని డైరెక్టర్ నమ్మారు. కానీ.. ఈ పాత్ర చేయడానికి సౌందర్య అంగీకరించలేదు. అప్పటికీ, సౌందర్య లీడ్ రోల్స్ గా సినిమాలు చేస్తూనే ఉన్నారు. ఆ సమయంలో తల్లి పాత్రలో నటిస్తే.. మళ్లీ అన్నీ అలాంటి పాత్రలు వస్తాయని భావించి ఉండొచ్చు. అందుకే.. ఆ పాత్ర చేయడానికి ఆమె ఒప్పుకోలేదు.

టబు ఎంట్రీ..

సౌందర్య నో చెప్పడంతో, ఆ అవకాశం బాలీవుడ్ బ్యూటీ టబు వద్దకు వెళ్ళింది. టబు ఆ పాత్రలోని వెయిటేజీని గుర్తించి వెంటనే గ్రీన్ సిగ్నల్ ఇచ్చారు. సినిమాలో ఆమె నటన, బాలయ్యతో ఉన్న సీన్స్ ప్రేక్షకులను ఎంతో ఆకట్టుకున్నాయి. ముఖ్యంగా సీమ బ్యాక్‌డ్రాప్‌లో ఆమె ప్రదర్శించిన గాంభీర్యం సినిమాకు పెద్ద ప్లస్ అయ్యింది.