హీరోయిన్ కారు మీద బీరు బాటిల్స్ లో దాడి, గన్ను తీసుకొచ్చిన చిరంజీవి... నెక్స్ట్ ఏమైంది?

ఓ స్టార్ హీరోయిన్ కారుపై దుండగులు బీరు బాటిళ్లతో దాడి చేయడంతో హీరో చిరంజీవి రంగంలోకి దిగాడట. ఏకంగా గన్ను తీసుకొచ్చాడట. అప్పుడు ఏమైంది?  

Chiranjeevi Konidela

మెగాస్టార్ చిరంజీవి రియల్ హీరో కూడాను. గతంలో జరిగిన ఓ ఘటన అందుకుంటూ నిదర్శనంగా నిలిచింది. అడవిలో హీరోయిన్ కారుపై దాడికి కొందరు దుండగలు తెగబడగా చిరంజీవి తెగువ చూపించాడట. 

Chiranjeevi Konidela

వివరాల్లోకి వెళితే... 80-90లలో సుహాసిని స్టార్ హీరోయిన్. తెలుగు, తమిళ భాషల్లో అధికంగా చిత్రాలు చేసింది సుహాసిని. సుహాసిని హీరో కమల్ హాసన్ కి కజిన్. ఇక చిరంజీవి-సుహాసిని కాంబోలో అనేక హిట్ చిత్రాలు తెరకెక్కాయి. మంచు పల్లకీ కోసం ఫస్ట్ టైం సుహాసిని-చిరంజీవి జతకట్టారు. ఈ చిత్రానికి వంశీ దర్శకుడు. 

అనంతరం మగమహరాజు, ఛాలెంజ్, చంటబ్బాయి, ఆరాధన, మంచి దొంగ, కిరాతకుడు, రాక్షసుడు వంటి పలు చిత్రాల్లో చిరంజీవితో సుహాసిని స్క్రీన్ షేర్ చేసుకుంది. అనేక సినిమాల్లో కలిసి నటించిన నేపథ్యంలో వీరి మధ్య మంచి అనుబంధం ఉంది. 

Chiranjeevi Konidela

తాజాగా సోషల్ మీడియాలో చిరంజీవి-సుహాసినిల వీడియో ఒకటి వైరల్ అవుతుంది. ఆ వీడియోలో వారిద్దరూ ఓ వీడియో కాల్ మాట్లాడుకుంటున్నారు. ఈ సందర్భంగా సుహాసిని ఆసక్తికర విషయం బయటపెట్టింది. చిరంజీవి రియల్ హీరో అని ఆమె గర్వంగా చెప్పారు. 

సుహాసిని మాట్లాడుతూ... చిరంజీవి మై హీరో. మీకు ఒక సంఘటన గురించి చెప్పాలి. ఒకసారి కేరళలో షూటింగ్ జరుగుతుంది. ముందు కారులో చిరంజీవి వెళుతున్నారు. ఆయన వెనుక మరొక కారులో డాన్స్ మాస్టర్, నేను, హెయిర్ డ్రెస్సర్ వెళుతున్నాము. 

Chiranjeevi Konidela

కొందరు తాగుబోతులు మాపై వేధింపులకు పాల్పడ్డారు. మా కారును వెంబడిస్తూ బీరు బాటిల్స్ విసిరారు. అది గమనించిన చిరంజీవి వెంటనే తన కార్ ఆపారు. లోపల ఉన్న గన్ తీసుకుని వారిని బెదిరించారు. చిరంజీవి చేతిలో గన్ చూసి ఆ తాగుబోతులు అక్కడి నుండి పారిపోయారు. కెమెరా ముందు మాత్రమే కాదు, రియల్ లైఫ్ లో కూడా చిరంజీవి హీరో అని నిరూపించుకున్నారు, అని సుహాసిని అప్పటి సంఘటన గుర్తు చేసుకుంది. 

సుహాసిని మాటలకు చిరంజీవి... అవును మీకు ఆ సంఘటన ఇంకా గుర్తుందా? వారు మిమ్మల్ని వెంబడించడం అనూహ్య పరిమాణం, అని అన్నారు. చిరంజీవి ఏకంగా గన్ తీసుకుని రంగంలోకి దిగాడన్న సంగతి తెలిసిన ఫ్యాన్స్ కాలర్ ఎగరేస్తున్నారు. తమ అభిమాన హీరో గట్స్ కి ఫిదా అవుతున్నారు. 

Chiranjeevi Konidela

చిరంజీవి షూటింగ్స్ సెట్స్ లో సైతం విపరీతంగా కష్టపడతాడని సమాచారం. కఠిన స్టంట్స్ ఆయన డూప్ లేకుండా చేసేవారట. లేటెస్ట్ మూవీ విశ్వంభర కోసం కూడా చిరంజీవి ఈ వయసులో రిస్కీ స్టంట్స్ చేశారని ఆ మధ్య వార్తలు వచ్చాయి. 

ప్రస్తుతం చిరంజీవి విశ్వంభర మూవీ షూటింగ్ లో పాల్గొంటున్నారు. ప్రస్తుతం చిరంజీవి విశ్వంభర మూవీ షూటింగ్ లో బిజీగా ఉన్నారు. సోషియో ఫాంటసీ నేపథ్యంలో భారీ బడ్జెట్ తో విశ్వంభర తెరకెక్కుతుంది. ఈ చిత్రంలో చిరంజీవికి జంటగా త్రిష నటిస్తుంది. విశ్వంభర 2025 సంక్రాంతి కానుకగా జనవరి 10న విడుదల కానుంది.

విశ్వంభర చిత్రంపై భారీ అంచనాలు ఉన్నాయి. ఈ చిత్రానికి ఎం ఎం కీరవాణి సంగీతం అందిస్తున్నారు. సురభి, ఈషా చావ్లా, ఆషిక రంగనాథ్ ఇతర కీలక రోల్స్ చేస్తున్నారు. జగదేకవీరుడు అతిలోక సుందరి చిత్రం తరహాలో చిరంజీవి పాత్ర ఉంటుందట. ఆ మధ్య ఫస్ట్ లుక్ పోస్టర్ విడుదల చేశారు. ఇది ఒకింత వివాదాస్పదమైంది. విశ్వంభర చిత్రానికి వశిష్ట దర్శకుడు. యూవీ క్రియేషన్స్ బ్యానర్ లో తెరకెక్కుతుంది.