జూనియర్ ఎన్టీఆర్ తీవ్ర వ్యతిరేకత ఎదుర్కొన్నాడు. ఇప్పటి పాన్ ఇండియా స్టార్ కి ఎదురైన ప్రభావాలు ఎన్నో. ఓ స్టార్ డైరెక్టర్ సలహాతో అంతా ఛేంజ్...
దేవర సక్సెస్ ని ఎంజాయ్ చేస్తున్నాడు జూనియర్ ఎన్టీఆర్. దర్శకుడు కొరటాల శివ తెరకెక్కించిన ఈ యాక్షన్ డ్రామా రూ. 500 కోట్ల మార్క్ చేరుకుంది. దసరా హాలిడేస్ ని దేవర బాగా ఉపయోగించుకుంది.
మిక్స్డ్ టాక్ వచ్చినప్పటికీ దేవర చిత్రాన్ని ప్రేక్షకులు ఆదరించారు. తెలుగు రాష్ట్రాలతో పాటు, నార్త్, ఓవర్సీస్ ఏరియాల్లో దేవర పెద్ద మొత్తంలో లాభాలు పంచింది. ఆర్ ఆర్ ఆర్ మినహాయిస్తే సోలోగా ఎన్టీఆర్ కి భారీ హిట్ పడింది. కెరీర్ హైయెస్ట్ నమోదు చేశాడు. దేవర నార్త్ లో సైతం విజయం సాధించిన నేపథ్యంలో పాన్ ఇండియా హీరో ట్యాగ్ సార్థకం అయ్యింది.
దర్శకుడు కొరటాల శివ దేవరను రెండు భాగాలుగా తెరకెక్కిస్తున్నారు. ఎన్టీఆర్ కి జంటగా జాన్వీ కపూర్ నటించింది. సైఫ్ అలీ ఖాన్, ప్రకాష్ రాజ్, అజయ్, శ్రీకాంత్ ఇతర కీలక రోల్స్ చేశారు. అనిరుధ్ అందించిన మ్యూజిక్ సినిమాకు హైలెట్. ముఖ్యంగా బీజీఎమ్ సినిమా సక్సెస్ లో కీలక పాత్ర వహించింది.
దేవరతో ఎన్టీఆర్ మార్కెట్ రేంజ్ ఏమిటో రుజువైంది. ఇకపై ఎన్టీఆర్ సినిమాకు రూ. 100 కోట్లు వసూలు చేయడం ఖాయం. ప్రస్తుతం టాలీవుడ్ లో ఒక్క ప్రభాస్ మాత్రమే వంద కోట్లకు పైగా రెమ్యూనరేషన్ తీసుకుంటున్నారు. ఇక ఈ స్థాయికి రావడానికి ఎన్టీఆర్ చాలానే కష్టపడ్డాడు. ఒక దశలో ఆయన ప్రేక్షకుల నుండి తిరస్కరణకు గురయ్యారు. తనకు జరుగుతున్న డ్యామేజ్ ఏమిటో దర్శకుడు రాజమౌళి తెలియజేసినట్లు ఎన్టీఆర్ ఓ ఇంటర్వ్యూలో వెల్లడించారు.
జయప్రద హోస్ట్ గా 2010లో ప్రసారమైన జయప్రదం టాక్ షోలో పాల్గొన్న ఎన్టీఆర్ మాట్లాడుతూ.. యమదొంగకు ముందు రాజమౌళి నాకు స్క్రిప్ట్ చెప్పలేదు. నిజాలు చెప్పాడు. నువ్వు అసలు ఏం బాగోలేదు తారక్, అన్నాడు. ఈ లుక్ తోనే కదా.. సింహాద్రి వంటి బ్లాక్ బస్టర్ కొట్టింది, అన్నట్లు నేను ఒక లుక్ వేశాను.
అసలు నీకు అర్థం అవుతుందా.. ఒక సెక్షన్ ఆఫ్ ఆడియన్స్ నీ సినిమాలు చూడటం లేదు. యూత్, అమ్మాయిలు ఇలా ఉంటే ఎలా ఇష్టపడతారు. నువ్వు బరువు తగ్గాలి, అని రాజమౌళి అన్నారు. సరే ఆ బరువు ఎలా తగ్గాలో కూడా నువ్వే చెప్పు, అని రాజమౌళిని అడిగాను. అప్పుడు నేను లైపోసక్షన్ చేయించుకున్నాను. నేను ఎలా బరువు తగ్గితే మీకెందుకు అనుకున్నాను. బరువు తగ్గాక నేను చాలా ఆనందంగా ఫీల్ అయ్యాను, అన్నారు.
శరీరంలోని అధిక కొవ్వును తొలగించే ప్రక్రియను లైపోసక్షన్ అంటారు. ఇది ఒకింత ప్రమాదకరం కూడాను. సినిమా కోసం ఎన్టీఆర్ రిస్క్ చేయక తప్పలేదు. సింహాద్రి అనంతరం సినిమా సినిమాకు ఎన్టీఆర్ బరువు పెరుగుతూ పోయాడు. ఆహార ప్రియుడు కావడంతో పాటు, సహజంగా బరువు పెరిగే స్వభావం ఆయన శరీరానికి ఉంది. 2006లో విడుదలైన రాఖీ సినిమా నాటికి ఎన్టీఆర్, అభిమానులు కూడా జీర్ణించుకోలేని విధంగా తయారయ్యాడు.
రాఖీ మూవీలోని ఎన్టీఆర్ లుక్ ని ఇప్పటికీ యాంటీ ఫ్యాన్స్ ట్రోల్ చేస్తుంటారు. సింహాద్రి అనంతరం ఎన్టీఆర్ కి ఆ రేంజ్ హిట్ మరలా పడలేదు. బాడీ షేమింగ్ కి గురైన ఎన్టీఆర్, వరుస ప్లాప్స్ తో డీలా పడ్డాడు. అప్పుడు రాజమౌళి రంగంలోకి దిగాడు. యమదొంగ ప్రాజెక్ట్ కోసం బరువు తగ్గాల్సిందే అని సూచించడంతో ఎన్టీఆర్ లైపోసక్షన్ చేయించుకున్నారు.
యమదొంగ మూవీలో ఎన్టీఆర్ ని చూసిన ఫ్యాన్స్ చాలా హ్యాపీగా ఫీల్ అయ్యారు. ఆ సినిమా సూపర్ హిట్. కంత్రి మూవీలో ఎన్టీఆర్ చాలా సన్నగా కనిపిస్తాడు. లుక్ ఏమంత బాగోదు. కొంచెం లావు అయ్యాక ఎన్టీఆర్ సెట్ అయ్యాడు. తర్వాత బరువు పెరగకుండా చూసుకున్నాడు. ఫిట్నెస్ పై దృష్టి పెట్టిన ఎన్టీఆర్ స్లిమ్ అండ్ ఫిట్ గా కనిపిస్తున్నాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి