నభా నటేష్‌ కోసం ఏకంగా మెగాస్టార్ చిరంజీవి రావడం విశేషమైతే, కిరణ్ అబ్బవరం నటించిన `క` మూవీని రిలీజ్ కి రెడీ చేస్తున్నారు. రిలీజ్ డేట్‌ని ఇచ్చారు.
ఇస్మార్ట్ శంకర్‌తో దుమ్ములేపిన నభానటేష్‌ మధ్యలో గ్యాప్‌ తీసుకుని ఇప్పుడు మళ్లీ పుంజుకుంటుంది. అందులో భాగంగా భారీ సినిమాల్లో భాగమవుతుంది. ప్రస్తుతం ఆమె మెయిన్‌ ఫీమేల్‌ లేడ్‌గా చేస్తున్న కొత్త సినిమా `నాగబంధం` ప్రారంభమైంది. ఇది మెగాస్టార చిరంజీవి చేతుల మీదుగా ప్రారంభం కావడం విశేషం.
గ్లామర్‌తోపాటు నటనతోనూ మెస్మరైజ్‌ చేస్తున్న నభా నటేష్‌ ఇప్పటికే `స్వయంభు` చిత్రంలో నటిస్తుంది. ఇప్పుడు `నాగబంధం` అనే మరో పాన్‌ ఇండియా సినిమాని స్టార్ట్ చేసింది. ఈ మూవీ పూజా కార్యక్రమాలతో సోమవారం హైదరాబాద్‌లో గ్రాండ్ గా ప్రారంభమంది.
ఈ మూవీని అభిషేక్‌ పిక్చర్స్ నిర్మిస్తుంది. అభిషేక్‌ నామా దర్శకుడు. ఈ మూవీ రెగ్యూలర్ షూటింగ్‌ డిసెంబర్ నుంచ ప్రారంభం కానుంది. ఇందులో విరాట్‌ కర్న హీరోగా నటిస్తున్నారు. ఆయన `పెదకాపు` చిత్రంతో హీరోగా పరిచయం అయిన విషయం తెలిసిందే. ఇప్పుడు నభా నటేష్‌తో కలిసి రొమాన్స్ చేయబోతుండటం విశేషం. ఇది సోషియో ఫాంటసీగా తెరకెక్కబోతుందని టాక్‌. సీక్రెట్‌ ట్రెజరర్‌ని వెలికితీయడం అనే కాన్సెప్ట్ తో ఈ మూవీని రూపొందించనున్నారట.
కిరణ్ అబ్బవరం `క` రిలీజ్ డేట్‌ ఫిక్స్
కిరణ అబ్బవరం రొటీన్‌ సినిమాలకు చెక్‌ పెట్టాడు. ఆయన పూర్తిగా భిన్నమైన సినిమాలతో రాబోతున్నారు. అందులో భాగంగా `క` అనే సినిమా చేశారు. ఇది ఆయన పాన్‌ ఇండియా మూవీ కావడం విశేషం. ఇప్పటికే విడుదలైన టీజర్ ఆకట్టుకుంది. సినిమాపై అంచనాలను పెంచింది.
భారీ పీరియాడికల్‌ థ్రిల్లర్ దీన్ని తెరకెక్కిస్తున్నారు. ఈ నేపథ్యంలో టీమ్‌ ఆడియెన్స్ కి సర్‌ప్రైజ్‌ ఇచ్చింది. సినిమా రిలీజ్‌డేట్‌ని ప్రకటించారు. ఈ నెలలోనే అక్టోబర్‌ 31న విడుదల చేయబోతున్నట్టు వెల్లడించారు. ఈ మేరకు ఈవెంట్‌ నిర్వహించింది టీమ్‌. రిలీజ్ డేట్‌ విషయాలను వెల్లడించింది.
హీరో కిరణ్ అబ్బవరం మాట్లాడుతూ,`క` సినిమాను ఈ నెల 31న దీపావళి పండుగ సందర్భంగా రిలీజ్ చేయాలని నిర్ణయించాం. ఆ రోజు చాలా సినిమాలు రిలీజ్ కు వస్తున్నాయి. థియేటర్స్ దగ్గర పోటీ ఉంది. మా అందరికీ "క" సినిమాపై సినిమాపై నమ్మకం ఉంది. ఈ రోజు ఆడియెన్స్ చాలా ఎంపికగా థియేటర్స్ కు వెళ్తున్నారు. కంటెంట్ నచ్చితేనే టికెట్ బుక్ చేసుకుంటున్నారు. మా మూవీ టీజర్, సాంగ్స్ కు మంచి రెస్పాన్స్ వచ్చింది. ఏదో కొత్త కంటెంట్ మూవీలో ఉండబోతోంది అనే వైబ్ క్రియేట్ అయ్యింది.
కంటెంట్ తో పాటు కమర్షియల్ ఎలిమెంట్స్ కలిపి "క" సినిమాను థియేటర్స్ లోకి తీసుకొస్తున్నాం. తమిళంలో సహా అన్ని భాషల్లో ఈ నెల 31నే రిలీజ్ చేయాలనే ప్లాన్ చేస్తున్నాం. సినిమా 70వ దశకం నేపథ్యంతో పీరియాడిక్ కథతో సాగుతుంది. కాబట్టి యూత్ తో పాటు కుటుంబ ప్రేక్షకులు, మీ ఇంట్లోని పెద్ద వాళ్లను కూడా ఆకర్షించే అంశాలుంటాయి. "క" సినిమాలో జాతర సాంగ్ కు స్పెషల్ అప్లాజ్ వస్తోంది` అని అన్నారు.
ఈ సినిమాలో నయన్ సారిక, తన్వీ రామ్ హీరోయిన్స్ గా నటిస్తున్నారు. చింతా వరలక్ష్మి సమర్పణలో శ్రీచక్రాస్ ఎంటర్ టైన్ మెంట్స్ తో బ్యానర్ పై చింతా గోపాలకృష్ణ రెడ్డి నిర్మిస్తున్నారు. దర్శక ద్వయం సుజీత్, సందీప్ విలేజ్ బ్యాక్ డ్రాప్ యాక్షన్ థ్రిల్లర్ కథతో "క" సినిమాను రూపొందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి