సెకండ్ హ్యాండ్ కారు కొని నిండా మునిగిన జమున, రేటు కంటే రిపేర్ ఖర్చే ఎక్కువ, ఇంట్రెస్టింగ్ స్టోరీ 

జమునకు కొత్త కారు కొనే స్తోమత లేక సెకండ్ హ్యాండ్ కార్ కొన్నారట. దాంతో నానా ఇక్కట్లు పడ్డారట. కారు ధర కంటే రిపేరు ఖర్చు ఎక్కువ కావడంతో ఖంగుతిన్నారట.  

 వెండితెరను ఏలిన తెలుగు అమ్మాయిల్లో జమున ఒకరు. తెనాలి సమీపంలోని దుగ్గిరాలకు చెందిన జమున స్టార్ హీరోయిన్ గా ఒక వెలుగు వెలిగింది. టాలీవుడ్ క్లాసిక్స్ ఆమె ఖాతాలో ఉన్నాయి. 

జమునను సావిత్రి చిత్ర పరిశ్రమకు పరిచయం చేసింది. సావిత్రి హీరోయిన్ కాకముందు నాటకాల కోసం అనేక ప్రదేశాలు తిరిగేదట. దుగ్గిరాల కూడా ఆరోజుల్లో నాటక ప్రదర్శనలకు ప్రసిద్ధి. దుగ్గిరాల ఎప్పుడు వెళ్లినా.. సావిత్రి జమున ఇంట్లో విడిది చేసేదట. ఆ విధంగా ఇద్దరికీ మంచి పరిచయం ఉంది. అనంతరం సినిమాల్లోకి వెళ్లిన సావిత్రి స్టార్ అయ్యారు. 

సావిత్రి ఎంత బిజీగా ఉన్నప్పటికీ జమునకు టచ్ లో ఉండేదట. తరచుగా ఫోన్లో మాట్లాడుకునేవారట. ఆ క్రమంలో జమునను కూడా పరిశ్రమకు పంపాలని సావిత్రి ఆమె పేరెంట్స్ తో అన్నారట. అప్పటికే జమునకు సంగీతం, శాస్త్రీయ నృత్యంలో ప్రావీణ్యం ఉంది. సావిత్రి చెప్పడంతో జమున తల్లిదండ్రులు అందుకు ఒప్పుకున్నారు. 

జమున సిల్వర్ స్క్రీన్ పై కనిపించిన మొదటి చిత్రం పుట్టిల్లు. ఈ చిత్రం 1953లో విడుదలైంది. మిస్సమ్మ, పూజాఫలం, గుండమ్మ కథ, లేత మనసులు, మూగ మనసులు వంటి చిత్రాలు జమునకు స్టార్డం తెచ్చాయి. తెలుగు, తమిళ్, కన్నడ, హిందీ భాషల్లో వందల చిత్రాల్లో నటించింది. మూడు దశాబ్దాల పాటు ఆమె ప్రస్థానం సాగింది. 

కాగా జమున సెకండ్ హ్యాండ్ కారు కొని చిక్కుల్లో పడిందట. భారీగా నష్టపోయిందట. పరిశ్రమకు వచ్చిన కొత్తల్లోనే జమున కారు మీద మనసు పడిందట. ఆరు చిత్రాల్లో నటించిన జమున.. తన తండ్రితో కారు కొందాము నాన్న, అన్నారట. స్థోమతకు మించిన భారం. ఇప్పుడే కారు అవసరమా... వద్దని జమునకు తండ్రి నచ్చజెప్పే ప్రయత్నం చేశాడట. 

కొత్తది కాకపోతే సెకండ్ హ్యాండ్ కారు కొనుగోలు చేద్దామని జమున తండ్రితో అన్నారట. జమున పట్టుబట్టడంతో చేసేది లేక ఆయన ఒప్పుకున్నారట. 2000 రూపాయలు పెట్టి మోరిస్ మైనర్ సెకండ్ హ్యాండ్ కారు కొన్నదట. కారు కొన్న ఆనందంలో ఓ వారం రోజులు కుటుంబంతో పాటు గుళ్ళు గోపురాలు అంటూ జమున చక్కర్లు కొట్టిందట. 

అనంతరం సినిమా కంపెనీ వారు.. మేడం కారు పంపిస్తున్నాము, షూటింగ్ కి రండని కబురు పెట్టారట. అవసరం లేదు. నా కారులో వస్తానని జమున వాళ్లకు చెప్పిందట. షూటింగ్ కి వెళదామని కార్ స్టార్ట్ చేస్తే.. ఎంతకీ స్టార్ట్ కాలేదట. చేసేది లేక.. మెకానిక్ షెడ్ కి పంపిందట. 15 రోజులు షెడ్ లో కారు ఉందట. ఇక రిపేర్ బిల్ 2100 రూపాయలు అయ్యిందట. కారు కొన్న ధర కంటే రిపేరు ఖర్చు ఎక్కువ కావడంతో జమున ఖంగు తిన్నదట. 

సెకండ్ హ్యాండ్ కారు కొని మోసపోయానని తర్వాత తెలుసుకుందట. ఈ మేరకు ఓ న్యూస్ వైరల్ అవుతుంది. జమునకు ఆత్మాభిమానం ఎక్కువ. ఎన్టీఆర్, ఏఎన్నార్ ల ముందు కూడా కాలు మీద కాలేసుకుని కూర్చునేదట. జమునకు పొగరని ప్రచారం చేసి ఎన్టీఆర్, ఏఎన్నార్ ఆమెను కొన్నాళ్ళు బ్యాన్ చేశారట. 

Actress Jamuna

అయినా వెనక్కి తగ్గని జమున హరనాధ్ వంటి టైర్ టు హీరోలతో సినిమాలు చేసి హిట్స్ కొట్టిందట. అనంతరం సినీ పెద్దలు రాజీ చేయడంతో ఎన్టీఆర్, ఏఎన్నార్ లతో ఆమె నటించారట. ఈ విషయాన్ని జమున ఓ సందర్భంలో స్వయంగా చెప్పారు.   
జమున హైదరాబాద్ లో సెటిల్ అయ్యారు. ఆమె చివరి రోజులు అక్కడే గడిచాయి. 2023 జనవరి 27న తన నివాసంలో జమున కన్నుమూసింది. మరణించే నాటికి జమున వయసు 84 ఏళ్ళు.