మహేష్ బాబు హీరో బాలకృష్ణ కూతురిని వివాహం చేసుకోవాల్సింది అట. బాలయ్య స్వయంగా అడిగినా మహేష్ బాబు నో అన్నారట. అందుకు కారణాలు ఏమిటో చూద్దాం..
మహేష్ బాబు మిస్టర్ పర్ఫెక్ట్. వివాదరహితుడు. ఒక మంచి భర్త. అలాగే గొప్ప తండ్రి అనడంలో సందేహం లేదు. సినిమాల తర్వాత కుటుంబమే ఆయన ప్రపంచం. ఖాళీ సమయం దొరికితే ఫ్యామిలీతో వెకేషన్ కి వెళ్తారు. లేదంటే ఇంటికే పరిమితమవుతారు.
ప్రైవేట్ పార్టీలలో కూడా ఆయన పెద్దగా కనిపించరు. ఇంట్లో ఉంటే మహేష్ బాబు చిన్న పిల్లాడు అయిపోతాడు. గౌతమ్, సితారలతో సరదాగా ఆడుకుంటాడు. కొత్త సినిమాలు, సిరీస్లు చూడటం, నచ్చిన పుస్తకాలు చదవడం ఆయనకు ఇష్టమైన వ్యాపకం. అలాగే సోషల్ మీడియాను ఫాలో అవుతారు.
వీటన్నింటికీ మించి అందగాడు. స్టార్డం కలిగిన హీరో. అల్లుడిగా చేసుకోవడానికి ఇంతకు మించిన క్వాలిటీస్ ఏం కావాలి చెప్పండి. అందుకే హీరో బాలకృష్ణ సూపర్ స్టార్ కృష్ణతో వియ్యమందుకుందామని అనుకున్నారట. అనుకున్నట్లు జరిగితే.. మహేష్ బాబు బ్రాహ్మణిని వివాహం చేసుకోవాల్సిందట. వరుస హిట్స్ తో స్టార్ గా ఎదుగుతున్న మహేష్ బాబును బాలకృష్ణ అల్లుడు చేసుకోవాలనుకున్నారట. ఇదే విషయం మహేష్ తో బాలకృష్ణ మాట్లాడారట. మా పెద్దమ్మాయి బ్రాహ్మణిని వివాహం చేసుకుంటావా? అని అడిగాడట. మహేష్ సున్నితంగా బాలకృష్ణ ప్రపోజల్ ని తిరస్కరించాడట.
అప్పటికే మహేష్ బాబు హీరోయిన్ నమ్రతతో ప్రేమలో ఉండటం వలన బ్రాహ్మణిని మహేష్ బాబు చేసుకోను అన్నారట. దాంతో బాలకృష్ణ బ్రాహ్మణిని మేనల్లుడు లోకేష్ కి ఇచ్చి వివాహం చేశాడు. మహేష్ కి పెళ్ళైన రెండేళ్లకు నారా లోకేష్-బ్రాహ్మణిల వివాహం జరిగింది. కాగా మహేష్ ని బాలకృష్ణ అల్లుడు చేసుకోవాలని ప్రయత్నం చేశాడని ఎలాంటి అధికారిక సమాచారం లేదు.
కాగా వంశీ చిత్ర షూటింగ్ లో ప్రేమలో పడ్డాడు మహేష్ బాబు. ఆ చిత్ర హీరోయిన్ నమ్రత శిరోద్కర్ ని ఘాడంగా ప్రేమించాడు. ఆమె కూడా మహేష్ ని ప్రేమించడంతో వ్యవహారం పెళ్లి వరకు వెళ్ళింది. చాలా కాలం నమ్రత-మహేష్ రహస్యంగా ప్రేమించుకున్నారు. కొన్నేళ్లు ప్రేమికులుగా ప్రయాణం చేసి ఒకరినొకరు అర్థం చేసుకున్నాక వివాహం చేసుకోవాలని నిర్ణయం తీసుకున్నారట. దాదాపు ఐదేళ్లు వీరి ప్రేమాయణం సాగింది.
2005లో నమ్రతను మహేష్ బాబు రహస్య వివాహం చేసుకున్నారు. ఇరు కుటుంబాల సభ్యులు పెళ్లిలో పాల్గొన్నప్పటికీ మహేష్ పెళ్లి విషయం మీడియాకు తెలియదు. అత్యంత సన్నిహితుల మధ్య నిరాడంబరంగా మహేష్ బాబు వివాహం జరిగింది. అప్పట్లో మహేష్ బాబు వివాహం బిగ్ బ్రేకింగ్ అని చెప్పొచ్చు.
వీరికి ఇద్దరు సంతానం. అబ్బాయి పేరు గౌతమ్ కాగా, అమ్మాయి పేరు సితార. ఒక ప్రక్క కుటుంబాన్ని చూసుకుంటూనే మహేష్ బాబు సామాజిక సేవ చేస్తున్నారు. గుండె జబ్బు బారిన పడిన చిన్నారులకు ఆపరేషన్ చేయిస్తున్నారు. రెండు గ్రామాలు దత్తత తీసుకుని మౌలిక సదుపాయాలు కల్పిస్తున్నారు. మహేష్ బాబు రియల్ హీరో అనిపిస్తున్నారు.
మరోవైపు మహేష్ బాబు ఎస్ఎస్ఎంబి 29కి సిద్ధం అవుతున్నారు. దర్శకుడు రాజమౌళి తెరకెక్కిస్తున్న ఈ చిత్రం పాన్ వరల్డ్ ప్రాజెక్ట్. దాదాపు రూ. 800 కోట్లు కేటాయించినట్లు సమాచారం. తాజాగా రచయిత విజయేంద్ర ప్రసాద్ ఎస్ఎస్ఎంబి 29 అప్డేట్ ఇచ్చాడు. సాధారణంగా మూడు నాలుగు వారాల్లో కథ సిద్ధం చేస్తాము. మహేష్ బాబు కోసం కథ ఫైనల్ చేసేందుకు 2 ఏళ్ళు పట్టింది, అన్నారు.
జనవరి నుండి ఎస్ఎస్ఎంబి 29 షూటింగ్ స్టార్ట్ అవుతుందని విజయేంద్ర ప్రసాద్ కీలక సమాచారం పంచుకున్నారు. ఎస్ఎస్ఎంబి 29 జంగిల్ యాక్షన్ అడ్వెంచర్ డ్రామా. ప్రపంచాన్ని చుట్టే సాహసికుడిగా మహేష్ బాబు పాత్ర ఉంటుందట. ఇప్పటికే మహేష్ బాబు మేకోవర్ అవుతున్నారు. ఆయన నిండైన గడ్డం, పొడవాటి జుట్టుతో కనిపిస్తున్నారు. ఎస్ఎస్ఎంబి 29లో మహేష్ లుక్ పై ఫ్యాన్స్ లో ఆసక్తి నెలకొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి