బ్రేక్ ఈవెన్ కి చేరువలో వాల్తేరు వీరయ్య.. పూనకాలు లోడెడ్, భారీ లాభాలు లోడింగ్.. 5 డేస్ కలెక్షన్స్

మెగాస్టార్ చిరంజీవి నటించిన వాల్తేరు వీరయ్య చిత్రం ఈ సంక్రాంతికి విడుదలై బాక్సాఫీస్ వద్ద ఎలాంటి రచ్చ చేస్తోందో అందరికి తెలిసిందే. దర్శకుడు బాబీ మెగాస్టార్ అభిమానులకు ఎలాంటి అంశాలు కోరుకుంటారో వాటితోనే ఈ చిత్రాన్ని ప్రెజెంట్ చేశారు. అయితే క్రిటిక్స్ నుంచి ఎక్కువగా వాల్తేరు వీరయ్య చిత్రానికి ఎక్కువగా నెగిటివ్ రివ్యూలే వచ్చాయి. 

కానీ వాటన్నింటిని అధికమిస్తూ మెగాస్టార్ చిరంజీవి బాక్సాఫీస్ వద్ద తన అసలు సిసలైన స్టామినా చూపిస్తున్నారు. తనకు పడాల్సిన చిత్రం పడితే వసూళ్ల వరద ఎలా ఉంటుందో చూపించారు. సంక్రాంతి ముగిసి వర్కింగ్ డేట్ మొదలైనా కూడా వీరయ్య బీభత్సం ఆగడం లేదు. 

5 రోజుల్లోనే వాల్తేరు వీరయ్య చిత్రం బ్రేక్ ఈవెన్ కి చేరువైంది. ఆల్రెడీ యూఎస్ లో బ్రేక్ ఈవెన్ పూర్తి కావడంతో బయ్యర్లు లాభాలు అందుకుంటున్నారు. ఇక వాల్తేరు వీరయ్య 5 రోజుల కలెక్షన్స్ వివరాలు చూద్దాం. 5 రోజుల్లో వాల్తేరు వీరయ్య చిత్రం ప్రపంచ వ్యాప్తంగా 83 కోట్ల షేర్ రాబట్టింది. గ్రాస్ వాల్యూ 144 కోట్లు దాటింది. రెండు తెలుగు రాష్ట్రాల్లో మాత్రమే 67 కోట్ల పైన షేర్ వసూలు చేసింది. 

కేవలం 5 వ రోజు ఈ చిత్రం రెండు తెలుగు రాష్ట్రాల్లో 8.8 కోట్ల షేర్ రాబట్టింది. మొత్తంగా 5 రోజుల్లో నైజాం ఏరియా షేర్ 22 కోట్లు దాటింది. సీడెడ్ లో 13 కోట్లు, ఉత్తరాంధ్రలో 8.5 కోట్లు రాబట్టింది. గుంటూరులో 5.5, కృష్ణలో 4.45 కోట్ల షేర్ వసూలు చేసింది. ఉమ్మడి ఉభయగోదావరి జిల్లాలో 10.5 కోట్ల షేర్ రాబట్టింది. కర్ణాటక, ఓవర్సీస్ లో కూడా ఈ చిత్రం అద్భుతమైన వసూళ్లు సాధిస్తోంది. 

ముఖ్యంగా యూఎస్ లో ఈ చిత్రం 2 మిలియన్ల మార్క్ అందుకుని 2.5 మిలియన్ డాలర్ వైపు పరుగులు తీస్తోంది. వాల్తేరు వీరయ్య చిత్రానికి ఓవరాల్ గా 88 కోట్ల ప్రీరిలీజ్ బిజినెస్ జరిగింది. ఆల్రెడీ ఈ చిత్రం 83 కోట్లు రాబట్టింది కాబట్టి బ్రేక్ ఈవెన్ కి చేరువైంది. బుధవారం రోజు దాదాపుగా అన్ని ఏరియాల్లో వాల్తేరు వీరయ్య బ్రేక్ ఈవెన్ పూర్తవుతుంది. 

ఇక ఈ నెలలో భారీ తెలుగు చిత్రాలేవీ రిలీజ్ కావడం లేదు. దీనితో ఫిబ్రవరి మొదటి వారం వరకు వాల్తేరు వీరయ్య కలెక్షన్ల హోరు ఉండబోతోంది. ఆల్రెడీ మెగాస్టార్ మానియాతో పూనకాలు లోడ్ అయ్యాయి. ఇక నిర్మాతలకు, బయ్యర్లకు భారీ లాభాలు లోడింగ్ అంటూ కామెంట్స్ వినిపిస్తున్నాయి. ఈ చిత్రంలో మాస్ మహారాజ్ రవితేజ కీలక పాత్ర పోషించిన సంగతి తెలిసిందే.