మాస్ కా దాస్ విశ్వక్ సేన్ Vishwak Sen తాజాగా తన పెళ్లి గురించి స్పందించారు. ఎంత బడ్జెట్ తో ఎక్కడ చేసుకోబోతున్నారో కూడా చెప్పారు. రీసెంట్ ఈవెంట్ లో యంగ్ హీరో చేసిన కామెంట్స్ వైరల్ గా మారాయి.
టాలీవుడ్ యంగ్ హీరోగా విశ్వక్ సేన్ సత్తా చాటుతున్న విషయం తెలిసిందే. హిట్ల వెనక పరిగెట్టకుండా విభిన్న కథల ద్వారా ప్రేక్షకులను అలరిస్తున్నారు. డిఫరెంట్ రోల్స్ లోనూ నటిస్తూ ఆడియెన్స్ ను మరింతగా ఆకట్టుకుంటున్నారు.
‘ఈ నగరానికి ఏమైంది?’ మూవీతో స్టార్ట్ అయిన విశ్వక్ సేన్ జర్నీ ప్రస్తుతం సక్సెస్ ఫుల్ గానే కొనసాగుతోంది. నటుడిగా, డైరెక్టర్ గా, ఇప్పుడు నిర్మాతగా కూడా బ్యాక్ టు బ్యాక్ సినిమాలను ప్రేక్షకులకు అందిస్తున్నారు. అలరిస్తున్నారు.
అయితే, రీసెంట్ గా విశ్వక్ సేన్ Cult అనే మూవీని నిర్మిస్తున్నట్టు ప్రకటించిన విషయం తెలిసిందే. ఆ మూవీ లాంచ్ ఈవెంట్ గ్రాండ్ గా జరిగింది. ఈ కార్యక్రమంలో విశ్వక్ సేన్ తన పెళ్లిపై స్పందించారు.
గతంలో పెళ్లిపై వార్తలు వచ్చాయి. కానీ అవి సినిమాకోసమని తేలిపోయింది. ఇక తాజాగా మాత్రం తన పెళ్లిపై ఓ ఆసక్తికరమైన విషయం చెప్పారు. మీ పెళ్లి ఎప్పుడు ఉంటుందని అడిగి ప్రశ్నకు సరదాగా బదులిచ్చారు.
‘పెళ్లికి బడ్జెట్ లేదు. ఆర్య సమాజ్ కి వెళ్లి చేసుకుంటాను. అయితే త్వరలోనే పెళ్లి ఉంటుంది. లేదంటే ఐదారు ఏళ్లు పడుతుందని’ బదులిచ్చారు. ఇక ‘గ్యాంగ్స్ ఆఫ్ గోదావరి’ మూవీ శివరాత్రికి రాబోతుందని చెప్పారు.
డిసెంబర్ 7కే రావాల్సిన ‘గ్యాంగ్స్ ఆఫ్ గోదావరి’ మూవీ వాయిదా పడింది. త్వరలో పక్కా డేట్ ఫిక్స్ చేయనున్నారు. మరోవైపు VS10, గామీ అనే చిత్రాల్లోనూ నటిస్తూ విశ్వక్ సేన్ బిజీగా ఉన్నారు. ప్రస్తుతం అవి షూటింగ్ దశలో ఉన్నాయి.