Guppedantha Manasu Serial 1st january:ఎట్టకేలకు వసుతో ఫోన్ మాట్లాడిన రిషి, కానీ వినేసిన శైలేంద్ర..?
శైలేంద్ర వింటున్నాడని.. వసు ఏమీ మాట్లాడదు. తర్వాత... శైలేంద్రకు అర్థం కాకుండా ఉండాలని.. ఏదో ప్రమోషన్ కాల్ లాగా కవర్ చేస్తుంది. కానీ.. రిషి నుంచి కాల్ వచ్చినందుకు చాలా సంతోషిస్తుంది.
Guppedantha Manasu Today:వసుధార కాలేజీకి వెళ్తూ ఉంటుంది. వెనక నుంచి ఎవరో ఫాలో అవుతున్నట్లుగా అనిపిస్తూ ఉంటుంది. వెనక్కి తిరిగి చూస్తుంది కానీ.. ఎవరూ కనిపించరు. మళ్లీ.. అలానే అనిపిస్తుంది.. వెనక్కి తిరిగిచూస్తే భద్ర ఉంటాడు. నా వెనకే ఎందుకు వస్తున్నావ్ అని వసుధార అడిగితే.. మీ వెనకే ఉంటూ మిమ్మల్ని కాపాడమని మహేంద్ర సర్ చెప్పారని.. అందుకే వస్తున్నాను అని చెబుతాడు. దానికి వసు.. నన్ను కాపాడటానికి వచ్చినట్లు లేదు.. భయపెట్టినట్లు ఉంది అంటుంది. భద్ర.. మీ సెక్యూరిటీ కోసమే వచ్చానని.. రాత్రి కూడా మిమ్మల్ని ఎవరో కిడ్నాప్ చేయాలని చూశారు కదా అని ఏదో చెప్పడానికి ప్రయత్నిస్తాడు. కానీ వసు.. అతని తోక కట్ చేస్తుంది. ‘ ఇది కాలేజీ.. పట్టపగలు ఇంత మంది మధ్య వచ్చి ఎవరూ ఏం చేయరు. ఇక్కడ ఎవరైనా ఏదైనా చేయాలని చూస్తే స్టూడెంట్స్ ఉన్నారు. ఏ కీలుకి ఆ కీలు ఇరగగొడతారు’ అని చెబుతుంది.