ఇలాంటి వారిని ఎక్కడ పట్టుకోస్తాడో తెలియదు, కళ్యాణ్ రామ్ పై విజయశాంతి షాకింగ్ కామెంట్స్

Vijayashanti Shocking Comments on Kalyan Ram: కళ్యాణ్ రామ్ ఇంట్రెస్టింగ్ కామెంట్స్ చేశారు విజయశాంతి. ఈ ఇద్దరు స్టార్లు కలిసి నటిస్తున్న సినిమా సన్ ఆఫ్ వైజయంతి. ఈసినిమా ప్రమోషన్ ఈవెంట్ లో విజయశాంతి మాటలు వైరల్అవుతున్నాయి. 

Vijayashanti Shocking Comments on Kalyan Ram: సినిమాలకు గుడ్ బై చెప్పి.. పాలిటిక్స్ లో కొనసాగుతున్నారు స్టార్ హీరోయిన్ విజయశాంతి. రాజకీయాల్లోకి వచ్చాక ఎంత మంది అడిగినా  ఆమె సినిమాలు చేయడానికి ఒప్పుకోలేదు. కాని అనిల్ రావిపూడి పట్టుదలతో ఆమెను ఒప్పించి సరిలేరు నీకెవ్వరు సినిమాలో నటింపచేశారు.

ఇక ఆతరువాత కూడా చాలా అవకాశాలు వచ్చినా విజయశాంతి నటించడానికి ఇష్టపడలేదు. మంచి కథ దొరికితే మాత్రం నటిస్తానని చెప్పారు. ఈక్రమంలోనే ఆమె మరో సినిమాకు గ్రీన్ సిగ్నెల్ ఇవ్వడం. ఆ మూవీ కంప్లీట్ అవ్వడం కూడా జరిగిపోయింది. 

కళ్యాణ్ రామ్ హీరోగా, విజయశాంతి కల్యాణ్ రామ్ తల్లిగా నటించని సినిమా అర్జున్ సన్ ఆఫ్ వైజయంతి. ఈ సినిమాలో కళ్యాణ్ రామ్ కి జంటగా సాయి మంజ్రేకర్ నటిస్తుంది. వైజయంతి అంటే విజయశాంతి ఐపీఎస్ ఆఫీసర్ గా చేసిన పాత సినిమా గుర్తుకు వస్తుంది. ఇక ఈసినిమాలో కూడా విజయశాంతి ఐపీఎస్ గానే నటించినట్టు తెలుస్తోంది. అందుకే ఈమూవీకి ఆమె గ్రీన్ సిగ్నల్ ఇచ్చారని సమాచారం. 

వైజయంతి ఐపీఎస్ గా విజయశాంతి మరోసారి  సిల్వర్ స్క్రీన్ ని షేక్ చేయబోతోంది. రీసెంట్ గా రిలీజ్ అయిన పోస్టర్ చూస్తుంటే.. అప్పట్లో విజయశాంతి విమెన్ సెంట్రిక్ మూవీస్ గుర్తుకు వస్తున్నాయి. పోలీస్ యూనిఫార్మ్ లో విజయశాంతి లుక్  అద్భుతంగా ఉంది. ప్రదీప్ చిలుకూరి  దర్శకత్వంలో యాక్షన్, ఎమోషన్ డ్రామాగా తెరకెక్కుతుంది అర్జున్ సన్ ఆఫ్ వైజయంతి.

 తల్లీ కొడుకు సెంటిమెంట్ ఈ సినిమాకు హైలెట్ కాబోతోంది. అర్జున్ సన్ ఆఫ్ వైజయంతి మూవీ రిలీజ్ కు రెడీ అవుతుంది. సమ్మర్ కానుకగా ఏప్రిల్ రెండో వారంలో విడుదల చేయాలని ప్లాన్ చేస్తున్నారు. ఈ సందర్భరంగా ప్రమోషన్స్ షురూ చేశారు.

రీసెంట్ గా జరిగిన  అర్జున్ సన్ ఆఫ్ వైజయంతి మూవీ ప్రమోషనల్ ఈవెంట్ కి విజయశాంతి హాజరయ్యారు. ఈ క్రమంలో ఆమె  కళ్యాణ్ రామ్ పై చేసిన కొన్ని కామెంట్స్ వైరల్ అవుతున్నాయి.

విజయశాంతి మాట్లాడుతూ.. కొత్త కథలు, టాలెంటెడ్ దర్శకులను కళ్యాణ్ రామ్ ఎక్కడ పట్టుకొస్తాడో తెలియదు. హిట్ కొట్టాలని చాలా కష్టపడతాడు. అర్జున్ సన్ ఆఫ్ వైజయంతి మూవీ కోసం కళ్యాణ్ రామ్ చాలా శ్రమించాడు అని ఆమె అన్నారు. ఇక విజయశాంతి చేసిన ఈ కామెంట్స్ వైరల్ అవుతున్నాయి. 

ఇక రీసెంట్ గా ఎమ్మెల్సీ  ఎన్నికల కోసం నామినేషన్ వేశారు విజయశాంతి. నటిగా ఆమె గత చరిత్ర గురించి అందరికి తెలిసిందే. అప్పట్లోనే ఉమెన్ ఓరియెంటెడ్ సినిమాలకు ఆమె కేరాఫ్ అడ్రెస్ గా ఉండేవారు.

ఆమె నటించిన కర్తవ్యం, వైజయంతి, లాంటి సినిమాలు అప్పట్లోనే బ్లాక్ బస్టర్స్  గా నిలిచాయి.  పోలీస్ ఆఫీసర్ గా ఆమె నటన ఎంతో మంది లేడీ ఆఫీసర్స్ కు స్పూర్తినిచ్చింది. ఇక కర్తవ్యం సినిమాకు విజయశాంతి నేషనల్ అవార్డు అందుకుంది. 

కమర్షియల్ గా కూడా కర్తవ్యం భారీ విజయం సాధించింది. 1990లో విడుదలైన కర్తవ్యం రూ. 7 కోట్ల వసూళ్లు అందుకుంది. ఒక లేడీ ఓరియెంటెడ్ చిత్రానికి కోట్ల వసూళ్లు అంటే అది ఏ హీరోయిన్ కు సాధ్యం కాలేదు అని చెప్పాలి. ఇక  హీరోలకు సమానమైన స్టార్ డమ్ తో పాటు భారీ రెమ్యునరేషన్ కూడా అందుకున్న విజయశాంతి, లేడీ సూపర్ స్టార్ అన్న బిరుదు కూడా అందుకున్నారు.