టాలీవుడ్ లో ఒకవైపు వివాదాలు నడుస్తూనే ఉన్నాయి. మరోవైపు సంక్రాంతి చిత్రాల సందడి మొదలైంది. ఈ సంక్రాంతికి గేమ్ ఛేంజర్, డాకు మహారాజ్, సంక్రాంతికి వస్తున్నాం చిత్రాలు రిలీజ్ అవుతున్నాయి.
టాలీవుడ్ లో ఒకవైపు వివాదాలు నడుస్తూనే ఉన్నాయి. మరోవైపు సంక్రాంతి చిత్రాల సందడి మొదలైంది. ఈ సంక్రాంతికి గేమ్ ఛేంజర్, డాకు మహారాజ్, సంక్రాంతికి వస్తున్నాం చిత్రాలు రిలీజ్ అవుతున్నాయి. రాంచరణ్ గేమ్ ఛేంజర్, బాలయ్య డాకు మహారాజ్ చిత్రాలు భారీ స్పాన్ ఉన్న మాస్ చిత్రాలు. వెంకటేష్ సంక్రాంతికి వస్తున్నాం మాత్రం క్లాస్ మూవీ గా రిలీజ్ అవుతోంది.
మాస్ చిత్రాలు విడుదలవుతున్నా సంక్రాంతికి వస్తున్నాం చిత్ర యూనిట్ వెనకడుగు వేయడం లేదు. అనిల్ రావిపూడి, విక్టరీ వెంకటేష్ ఈ చిత్రంపై ఫుల్ కాన్ఫిడెంట్ గా ఉన్నారు. ఒక రేంజ్ లో ప్రమోషన్స్ చేస్తున్నారు. ఇప్పటి వరకు విడుదలైన రెండు పాటలు సూపర్ హిట్ అయ్యాయి. చాలా రోజుల తర్వాత రమణ గోకుల పడిన గోదారి గట్టు అనే సాంగ్ యూట్యూబ్ ని ఊపేస్తోంది. మీను అనే మరో సాంగ్ కూడా వినసొంపుగా ఉంది. ఇద్దరు హీరోయిన్లతో వెంకీ కెమిస్ట్రీ అద్భుతంగా ఉంది.
ఈ రెండు పాటలని చూస్తుంటే వెంకటేష్ ఫ్యామిలీ ఆడియన్స్ ని గట్టిగా టార్గెట్ చేసినట్లు ఉన్నారు. వెంకటేష్ బలం ఫ్యామిలీ ఆడియన్స్ అనే చెప్పొచ్చు. ఇక సంక్రాంతి చిత్రాలకు ఫ్యామిలీ ఆడియన్స్ తాకిడి ఎక్కువగా ఉంటుంది. వాళ్ళకి నచ్చే కంటెంట్ ఇస్తే హాలిడే సీజన్ లో ఎగబడతారు. ఇది ఒకరకంగా గేమ్ ఛేంజర్, డాకు మహారాజ్ చిత్రాలకు చెమటలు పట్టించే వ్యవహారమే.
అనిల్ రావిపూడి చిత్రాల్లో కామెడీ కూడా బావుంటుంది. యువతని అట్రాక్ట్ చేయడానికి మీనాక్షి చౌదరి, ఐశ్వర్య రాజేష్ ఉన్నారు. మ్యాజిక్ కనుక వర్కౌట్ అయితే సంక్రాంతికి వస్తున్నాం మూవీ నుంచి అనిల్ రాంచరణ్, బాలకృష్ణ చిత్రాలకు డేంజర్ తప్పదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి