Ennenno Janmala Bandham: అయోమయంలో కుటుంబ సభ్యులు.. అలాంటి పరిస్థితుల్లో భర్తను చూసి షాకైన వేద!

Ennenno Janmala Bandham: స్టార్ మా లో ప్రసారమవుతున్న ఎన్నెన్నో జన్మల బంధం సీరియల్ మంచి కథ కథనాలతో ప్రేక్షకులకి మంచి ఎంటర్టైన్మెంట్ ఇస్తుంది. పెళ్లి అయినా అనివార్య కారణాల వలన దగ్గర కాలేకపోతున్న ఒక జంట కథ ఈ సీరియల్. ఇక ఈరోజు ఏప్రిల్ 3 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో ఈ జర్నీ ని ఇంతటితో ఆపేద్దాం అంటూ షాకిస్తాడు యష్. ఏం మాట్లాడుతున్నారు అంటూ కంగారుగా అడుగుతుంది వేద. రైలు పట్టాల్లా ప్రయాణించడం అనవసరం, లోపల ఒకటి బయట ఒకటి మాట్లాడటం నాకు రాదు. ఏ రిలేషన్ షిప్ లోనైనా కావాల్సింది నమ్మకం. నమ్మకం లేని రిలేషన్షిప్ వేస్ట్ అంటూ కోపంగా అక్కడ నుంచి వెళ్ళిపోతాడు యష్. మరోవైపు సడన్ గా యష్ ఎందుకు ఇలా ప్రవర్తించాడో అర్థం కావట్లేదు అంటాడు రత్నం. ఎక్కడో ఏదో తేడా జరిగింది అంటుంది చిత్ర. అప్పుడే వచ్చిన వసంత్ తో  యష్ కనిపించాడా వాడితో మాట్లాడావా ఇంటికి వస్తానన్నాడా అంటూ ప్రశ్నల మీద ప్రశ్నలు వేస్తుంది  మాలిని.

యష్ కనిపించలేదు అంటాడు వసంత్. అల్లుడుగారుతో నువ్వేమైనా గొడవ పడ్డావా అంటూ వేదని అడుగుతుంది సులోచన.ఏమి మాట్లాడకుండా కన్నీరు పెట్టుకుంటుంది వేద. అప్పటివరకు హ్యాపీగానే ఉన్నాడు కానీ సడన్ గా ఎందుకు ఇలా చేసాడో అర్థం కావట్లేదు అంటాడు వసంత్. అడుగుతుంటే సమాధానం చెప్పవేంటి అంటూ కూతుర్ని నిలదీస్తుంది మాలిని. రత్నం, వసంత్ వాళ్లు కూడా అలాగే అడగడంతో మీకు దండం పెడతాను నన్ను ఒంటరిగా వదిలేయండి. ఆయన ఎందుకలా ప్రవర్తించారో నాకే అర్థం కావడం లేదు.

నన్ను అడిగితే నేను ఏమని సమాధానం చెప్పాలి అంటూ ఏడుస్తుంది వేద. మరోవైపు బార్ లో ఫుల్ గా తాగుతూ ఉంటాడు యష్. నా భార్య నన్ను తప్ప ఇంట్లో అందర్నీ ప్రేమిస్తుంది అని ఎదుటి వ్యక్తికి చెప్తాడు యష్. ఎందుకు తను ఇంకెవరినైనా ప్రేమిస్తుందా అని అడుగుతాడు ఎదుటి వ్యక్తి. ప్రేమిస్తుంది తనకి ఐ లవ్ యు చెప్తుంది పక్కన కూర్చొని సరదాగా మాట్లాడుతుంది. కానీ నా దగ్గరికి వచ్చేసరికి ఎలాంటి కబుర్లు ఉండవు. నా బాధని ఎవరూ తీర్చలేరు నేను తనని ఎంతగానో ప్రేమించాను కానీ తను మాత్రం ఒక్కసారి కూడా ఐ లవ్ యు అని చెప్పలేదు. 

మనకి ప్రేమ దక్కాల్సిన చోట ఆ ప్రేమ వేరే ఎవరికో దక్కుతుంటే ఎంత నరకం గా ఉంటుందో తెలుసా, ఆ నరకం ఎంత బాధగా ఉంటుందో నాకు తెలుసు. ఒక తప్పు ఒకరి జీవితంలో ఒకసారి జరగొచ్చు. కానీ నా విషయంలో మాత్రం రెండుసార్లు జరిగింది అంటూ బాగా ఎమోషనల్ అవుతాడు యష్. మరోవైపు సంతోషానికి బాధకి మధ్య ఒకే ఒక నిమిషం. సంతోషానికి షాక్ కి  మధ్య ఓకే ఒక్క నిమిషం తేడా. ఆ ఒక్క నిమిషంలో నా ప్రపంచం తలకిందులు అయిపోయింది నా ఆనందం ఆవిరి అయిపోయింది. ఆ ఒక్క నిమిషంలోనే అంతా జరిగిపోయింది అంటూ ఏడుస్తుంది వేద.

మీరంటే ఇష్టమని జన్మజన్మలకి మీరే కావాలని అందరి ముందు చెప్పాలనుకున్నాను కానీ అంతలోనే ఇలా జరిగింది అంటూ తల పట్టుకుంటుంది వేద. నా భర్త నేను వెతికి తీసుకు వస్తాను నా నుంచి నా భర్తను ఎవరు వేరు చేయలేరు ఆఖరికి ఆ భగవంతుడు కూడా అంటూ బయటికి వెళ్ళిపోతుంది వేద. మరోవైపు నాకు దక్కింది అనుకున్నది ఏది నాతో ఉండదు. నా లైఫ్ లో ఎవరూ ఉండరు అంటూ కన్నీరు పెట్టుకుంటూ రోడ్డు మీదనే కూలబడిపోతాడు యష్. అప్పుడు మాళవిక అలాగే చేసింది ఇప్పుడు వేద కూడా అలాగే చేస్తుంది. 

అందరూ ఇంతే, ఇప్పుడు నాకోసం ఇంట్లో అందరూ ఎదురు చూస్తూ ఉంటారు కానీ ఇంటికి వెళ్లాలని లేదు వెళ్తే అక్కడ వేద కనిపిస్తుంది తనని చూస్తే జరిగిందంతా గుర్తొస్తుంది అందుకే ఇంటికి వెళ్ళను అనుకుంటూ విపరీతంగా తాగుతూ ఉంటాడు.మరోవైపు కారులో భర్తని వెతుకుతూ ఉంటుంది వేద. ఒక్క క్షణంలో మీ మనసు ఎందుకు మారిపోయింది నేనేం తప్పు చేశాను అనుకుంటుంది. అలా వెళ్తూనే యష్ కార్ చూసి తన కారుని ఆపుతుంది. పక్కనే రోడ్డు మీద కూర్చొని తాగుతున్న భర్తని చూసి షాక్ అవుతుంది. పరిగెత్తుకుంటూ వెళ్లి మందు బాటిల్ తోసేస్తుంది. తరువాయి భాగంలో తనని తప్పించుకుని వెళ్తున్న భర్త కారుకి అడ్డుగా నిల్చుంటుంది వేద. అడ్డు తప్పుకోమంటూ కేకలు వేస్తాడు యష్.