Guppedantha Manasu: దేవయాని ప్లాన్ ని తిప్పి కొట్టిన వసుధార.. సంతోషంలో రిషి?

Guppedantha Manasu: బుల్లితెర పై ప్రసారమవుతున్న గుప్పెడంత మనసు (Guppedantha Manasu) సీరియల్ ప్రేక్షకులను బాగా ఆకట్టుకుంటుంది. కాలేజ్ లో లెక్చరర్ కు స్టూడెంట్ కు మధ్య కలిగే ప్రేమ కథతో సీరియల్ కొనసాగుతుంది. ఇక ఈరోజు డిసెంబర్ 20 వ తేదీ ఎపిసోడ్ లో ఏం జరిగిందో తెలుసుకుందాం.  

ఈరోజు ఎపిసోడ్ లో దేవయాని ఫోన్ మాట్లాడుతూ ఉండగా ఇంతలో మహేంద్ర అక్కడికి వచ్చి ఈ టైం లో వదిన గారు ఎవరితో ఫోన్ మాట్లాడుతున్నారు అనుకుంటూ ఉంటాడు. అప్పుడు దేవయాని దగ్గరికి వెళ్లి వదిన గారు అనడంతో దేవయాని షాక్ అవుతుంది. వదిన గారు ఈ టైంలో ఏం చేస్తున్నారు అనగా దేవయాని అబద్ధాలు చెప్పి అక్కడి నుంచి తప్పించుకుని వెళ్ళిపోతుంది. మరుసటి రోజు ఉదయం అందరూ హాల్లో కూర్చుని మాట్లాడుకుంటూ ఉండగా ఇంతలో దేవయాని అక్కడికి వచ్చి ఏంటి మహేంద్ర మీరు ఇంకా ఇలాగే ఉన్నారు. రెడీ అవ్వలేదా అని అంటుంది దేవయాని.

మనం వసుధార వాళ్ళ ఇంటికి వెళ్లాలి కదా అనగా వెంటనే ఫణీంద్ర ఉన్నఫలంగా వెళ్ళాలి అంటే కష్టం కదా దేవయాని అని అంటాడు. అప్పుడు ఉన్నపలంగా ఏంటండీ పంతులుగారికి ఫోన్ చేసి ముహూర్తం చూడమని చెప్పాను అని అంటుంది. వీళ్ళిద్దరి కంటే ఎలాగో పట్టదు కనీసం నేనైనా ముందుండి ఇలాంటివన్నీ చేయించాలి కదా అని అంటుంది. ఇలాంటి విషయాల్లో తొందర పడాలి లేకపోతే పనులు జరగవు అని అంటుంది. మరొకవైపు రిషి ఏ షర్టు వేసుకోవాలా అని ఆలోచిస్తూ ఉంటాడు. అప్పుడు అందులో కొన్ని ఫొటోస్ తీసి వసుధారకి సెండ్ చేస్తాడు. మరోవైపు ధరణి వసుధర ఇద్దరు మాట్లాడుకుంటూ ఉంటారు. ఇంతలో రిషి, వసు కి మెసేజ్ చేస్తాడు.

అప్పుడు వసుధార మీకు ఏదైనా సూట్ అవుతుంది సార్ ఎందుకంటే మీరు ప్రిన్స్ కదా అని అనగా ఆ మెసేజ్ చూసి రిషి నవ్వుకుంటాడు. మరోవైపు దేవయాని ఏంటి మహేంద్ర మీరు నేను ఇంతలా మాట్లాడుతుంటే మీరు మౌనంగా ఉన్నారు. అప్పుడు ఫణింద్ర దేవయాని పై సీరియస్ అవుతూ ఎప్పుడూ వారిని ఏదో ఒకటి అనకపోతే మౌనంగా ఉండలేవా నువ్వు ఏదో ఏర్పాట్లు చేస్తున్నావ్ కదా నీ పని నువ్వు చేసుకో అని అంటాడు. ఇంతలోనే వసుధార అక్కడికి కాఫీ తీసుకొని వస్తుంది. అప్పుడు పనింద్ర ఎమ్మా మీ మేడం మీ ఇంటికి వెళ్దాం అంటుంది మనం వస్తున్నామని మీ ఇంట్లో వాళ్లకు కాల్ చేసి చెప్పావా అని అడుగుతాడు.

 చేసే ఉంటుంది తెలివైన పిల్ల కదా అనగా అప్పుడు వసుధార ఫోన్ చేయడానికి తెలివితో పని ఏముంది మేడం ఫోన్ ఉంటే చాలు అనగా అందరూ నవ్వుకుంటారు. ఇంతలోనే రిషి అక్కడికి వస్తాడు. వచ్చావా మనం వసుధర వాళ్ళ ఇంటికి వెళ్తున్నాం కదా పెళ్లి గురించి మాట్లాడడానికి అని అంటుంది. అప్పుడు దేవయాని తెగ హడావిడి చేస్తూ ఉంటుంది. అప్పుడు రిషి మీద దొంగ ప్రేమలు చూపిస్తూ నాటకాలు ఆడుతూ ఉంటుంది దేవయాని. అప్పుడు ఎప్పుడు వెళ్దాం అని దేవయాని అడగగా వెంటనే వసు క్షమించండి మీరు ఎవరు నాతో రావద్దు అనడంతో అందరూ ఒక్కసారిగా షాక్ అవుతారు. ఏంటి వసుధార మీరెవరు రావద్దు అంటున్నావ్ ఏంటి అనడంతో అవును మేడం మీరు ఈరోజు రావద్దు అని అనగా దేవయాని నోటికి వచ్చిన విధంగా మాట్లాడుతూ ఉంటుంది.

 అప్పుడు రిషి వసుధర అందరం వెళ్దాం అనుకున్నాం కదా ఇప్పుడు వద్దంటావ్ ఏంటి అని అడుగుతాడు. సర్ మా ఇంట్లో పరిస్థితి ఎలా ఉన్నాయో తెలియదు అలాంటిది సడన్గా వెళ్లి పెళ్లి ప్రస్తావని తీసుకొస్తే ఎలా రియాక్ట్ అవుతారో తెలియదు అందుకే నేను ముందుగా వెళ్లి వాళ్లకు చెప్పి ఆ తర్వాత మీకు ఇన్ఫార్మ్ చేస్తాను అని అంటుంది వసుధార. అప్పుడు ఏం చెప్పాలి అనుకుంటున్నావో చెప్పు వసుధార అని మహేంద్ర అనడంతో అప్పుడు వసుధార మాది మధ్యతరగతి కుటుంబం నేను జీవితం మీద లక్ష్యంతో చదువుకోడానికి ఇలా బయటకు వచ్చాను. పెళ్లి పీటల మీద నుంచి లేచి వచ్చేసాను ఎన్నో సమస్యలను,కష్టాలను ఎదుర్కొన్నాను అని కన్నీళ్లు పెట్టుకొని మాట్లాడుతుంది. అందుకే ప్రస్తుతానికి నేను ఒక్కదాన్నే వెళ్తాను అని అంటుంది.

 నాకు కొంచెం టైం కావాలి అని అక్కడికి వెళ్లి ఇక్కడ పరిస్థితులు అని చెప్పి వాళ్ళంతట వాళ్లే మిమ్మల్ని పిలిపించేలా చేస్తాను అని అంటుంది. ఇన్ని రోజుల తర్వాత ఇంటికి వెళ్తున్నాను అక్కడ మా నాన్న కోపంతో నన్ను ఒక్క మాట అన్నా పర్వాలేదు మిమ్మల్ని ఒక్క మాట అంటే అది మర్యాద కాదు అందుకే నేను ఒక్కదాన్నే వెళ్తాను అని అంటుంది. అయినా కూడా దేవయాని రివర్స్ మాట్లాడుతూ ఎన్నాళ్ళని ఇలా వెళ్లకుండా ఉంటాం చెప్పు అని అంటుంది. అప్పుడు జగతి దేవయానిని అడ్డుకుంటూ వసుధార వాళ్ళ నాన్న గురించి మీకు తెలియదు వసుధర అన్న మాటలు గురించి ఒక్కసారి ఆలోచించండి అని చెబుతుంది. అప్పుడు రిషి మాట్లాడుతూ వసుధార చెప్పిన దాంట్లో నిజం ఉంది అని అంటాడు.

 తన ఇంట్లోని పరిస్థితులు మనకు ఎలా తెలుస్తాయి చెప్పండి,తన అభిప్రాయాన్ని గౌరవించి తనని ఫస్ట్ పంపిద్దాము అనడంతో దేవయాని షాక్ అవుతూ అందరు ఒక్కటయ్యారు అనుకుంటూ ఉంటుంది. ఆ తర్వాత వసుధార బయలుదేరుతుంది. తర్వాత వసుధార వెళుతూ రిషి ని చూసి కన్నీళ్లు పెట్టుకుంటుంది. ఎందుకు కన్నీళ్లు పెట్టుకుంటున్నావు అనడంతో మీరు చూపిస్తున్న ప్రేమకు అని అంటుంది. అప్పుడు రిషి సర్దిచెప్పి వసుధారకు వెళ్ళమని చెబుతాడు. ఏం జరిగినా నీ వెనక రిషి ఉన్నాడన్న విషయాన్ని గుర్తుపెట్టుకో అని అంటాడు. తర్వాత వసుధార వెళుతుండగా రిషి మెసేజ్ చేస్తాడు.