Lavanya Bharadwaj: ఇల్లు ఇల్లాలు పిల్లలు సీరియల్ నుంచి తప్పుకున్న ప్రేమ, తల్లికాబోతుందా?

Lavanya Bharadwaj:   ఇల్లు, ఇల్లాలు, పిల్లలు సీరియల్ తో తెలుగు ప్రేక్షకుల మనసు గెలిచింది లావణ్య. ఆమె కోసమే సీరియల్ చూసేవారు. అలాంటిది ఆమె సీరియల్ నుంచి తప్పుకుంటున్నట్లు సమాచారం. 

ఇల్లు ఇల్లాలు పిల్లలు ఫేమ్ ప్రేమ..

కన్నడలో రాజా రాణి, సంఘర్ష, శ్రీరస్తు శుభమస్తు వంటి సీరియల్స్ లో నటించి ఆకట్టుకున్న లావణ్య..  ఇల్లు ఇల్లాలు, పిల్లలు సీరియల్ తో  తెలుగు ప్రేక్షకులకు చేరువయ్యారు. ఈ సీరియల్ లో  ప్రేమ పాత్రను ప్రేక్షకులు చాలా బాగా కనెక్ట్ అయ్యారు. 

ప్రేమ-ధీరజ్ జోడికి విపరీతమైన క్రేజ్ ఉంది. వీరి కోసమే ఈ సీరియల్ చూసేవారు చాలా మంది ఉన్నారు. అయితే.. సడెన్ గా లావణ్యకు సంబంధించిన ఓ న్యూస్ నెట్టింట వైరల్ గా మారింది.

ప్రేమగా మనసు గెలిచిన లావణ్య

ఇల్లు ఇల్లాలు పిల్లలు సీరియల్  నుంచి లావణ్య తప్పుకున్నారంటూ సోషల్ మీడియాలో వార్తలు వైరల్ అవుతున్నాయి. ఇప్పటి వరకు లావణ్య ఈ వార్తపై స్పందించలేదు. కానీ.. ఆమె మాత్రం సీరియల్ నుంచి తప్పుకున్నట్లు తెలుస్తోంది. 

స్టార్ మా ఛానెల్‌లోని ‘ఇల్లు ఇల్లాలు పిల్లలు’ సీరియల్ నుంచి లావణ్య తప్పుకోవడానికి కారణం ఆమె గర్భవతి కావడమేనని సోషల్ మీడియాలో వార్తలు వస్తున్నాయి. అయితే, ఈ విషయంపై లావణ్య గానీ, ఆమె భర్త శశి హెగ్డే గానీ ఇంకా స్పందించలేదు.

లావణ్య -శశి హెగ్డే

‘రాజా రాణి’ సీరియల్‌లో అన్నాచెల్లెలుగా నటిస్తున్న టైంలోనే శశి, లావణ్య ప్రేమలో పడ్డారు. మొదట్లో శశి హెగ్డేను 'అన్నా' అని పిలిచిన లావణ్య, తర్వాత ప్రేమలో పడి, పెద్దలను ఒప్పించి 2022లో పెళ్లి చేసుకున్నారు.

నాలుగేళ్లు డేటింగ్ చేసిన జంట

ఈ జంట నాలుగేళ్లు డేటింగ్ చేశారు. పెళ్లయి కూడా రెండేళ్లు పూర్తయింది. ఇప్పుడు వీరు తల్లిదండ్రులుగా ప్రమోషన్ పొందబోతున్నారని అంటున్నారు. ఈ వార్తను లావణ్య-శశి జంట ఎప్పుడు అధికారికంగా ప్రకటిస్తారో చూడాలి.