కోర్టు కీలక తీర్పు, గంగవ్వకు శిక్ష,  బిగ్ బాస్ కంటెస్టెంట్ కి భారీ షాక్!

చట్టపరమైన సమస్యల్లో ఇరుకున్న గంగవ్వ కోర్టు షాక్ ఇచ్చినట్లు సమాచారం. గంగవ్వకు కోర్టు శిక్ష విధించింది. ఆ శిక్ష ఏమిటో చూద్దాం..   

ఇటీవల గంగవ్వపై కేసు నమోదైన సంగతి తెలిసిందే. ఆమె వన్యప్రాణులను హింసించారని ఆరోపిస్తూ జంతు సంరక్షణ కార్యకర్త ఆదులాపురం గౌతమ్‌ ఫిర్యాదు చేశారు. చిలుకని హింసించారని ఆరోపిస్తూ ఆయన జగిత్యాల అటవీశాఖ అధికారులకు ఫిర్యాదు అందజేశారు. గంగవ్వ `మై విలేజ్‌ షో`అనే యూట్యూబ్ ఛానల్ ద్వారా గుర్తింపు తెచ్చుకున్నారు. ఈ క్రమంలో బిగ్ బాస్‌ తెలుగు సీజన్ 4లో కంటెస్టెంట్ చేసే అవకాశం దక్కింది. 

తెలంగాణ యాసలో మాట్లాడుతూ, వంటలు చేస్తూ కనిపించింది. తనదైన హావభావాలతో ఆకట్టుకుంది గంగవ్వ. ఈ వీడియోలు బాగా వైరల్‌ అయ్యాయి. లక్షల మంది వాటిని వీక్షించారు. అదే సమయంలో తెలంగాణ కల్చర్‌ని ప్రతిబింబించేలా ఆమె అనేక వీడియోలు చేశారు. అవన్నీ వైరల్‌ అయ్యాయి. దీంతో గంగవ్వకి గుర్తింపు వచ్చింది. బిగ్ బాస్ షోతో ఆమె మరింత పాప్యులర్ అయ్యారు. 

కాగా యూట్యూబ్ వీడియోలు చేస్తున్న క్రమంలో ఆమె 2022లో చిలుక పంచాంగం వీడియో చేశారు. మే 20న తన యూట్యూబ్‌లో ఛానల్ లో ఈ వీడియోని అప్‌లోడ్‌ చేశారు. ఇందులో నిజమైన చిలుకని ఉపయోగించారు. ఇలా యూట్యూబ్‌ వీడియో కోసం చిలుకని ఉపయోగించడంపై గంగవ్వ, యూట్యూబర్‌ రాజులపై ఆదులాపురం గౌతమ్‌ అటవీశాఖ అధికారులకు ఫిర్యాదు చేశాడు.

చిలుకని ఉపయోగించి దాన్ని హింసించి వన్యప్రాణుల రక్షణ చట్టం ఉల్లంఘించారని ఫిర్యాదులో గౌతమ్‌త పేర్కొన్నారు. వినోదం కోసం చిలుకని ఉపయోగించడం చట్టం ఉల్లంఘన క్రిందకు వస్తుందని ఫిర్యాదుదారుడు తెలిపారు. ఆయన ఫిర్యాదు మేరకు అటవీశాఖ అధికారులు గంగవ్వపై, యూట్యూబర్‌ గంగవ్వపై కేసు నమోదు చేశారు. 

కాగా ఈ కేసులో గంగవ్వ అరెస్ట్ అవుతారంటూ వార్తలు వచ్చాయి. ప్రస్తుతం ఆమె బిగ్ బాస్ తెలుగు సీజన్ 8 కంటెస్టెంట్ గా ఉంది. విచారణలో పాల్గొనేందుకు గంగవ్వ హౌస్ నుండి బయటకు రావాల్సి ఉంటుందని కథనాలు వెలువడ్డాయి. దాంతో గంగవ్వ అభిమానులు ఒకింత ఆందోళన చెందారు. అయితే గంగవ్వ అరెస్ట్ కావడం లేదని మై విలేజ్ షో యూట్యూబ్ ఛానల్ ప్రతినిధుల్లో ఒకరైన అనిల్ గిల్లా వెల్లడించినట్లు సమాచారం. 

గంగవ్వ అరెస్ట్ అంటూ వస్తున్న వార్తల్లో నిజం లేదు. కోర్టు గంగవ్వకు రూ. 25 వేలు జరిమానా వేధించిందని అనిల్ గిల్లా తెలియజేశాడని సమాచారం అందుతుంది. దాంతో గంగవ్వకు కోర్ట్ భారీ షాక్ ఇచ్చినట్లు అయ్యింది. అవగాహన లేకుండా గంగవ్వ చేసిన పనికి శిక్ష అనుభవించాల్సి వచ్చింది. 

కాగా గంగవ్వ సీజన్ 4లో సెల్ఫ్ ఎలిమినేట్ అయ్యింది. ఆమెకు అనారోగ్య సమస్యలు తలెత్తాయి. వైద్యుల సలహా మేరకు గంగవ్వ బయటకు వచ్చింది. ఇంటి నిర్మాణానికి కావాల్సిన డబ్బుల కోసమే బిగ్ బాస్ షోకి వచ్చినట్లు గంగవ్వ తెలియజేశారు. మధ్యలో తప్పుకున్నప్పటికీ గంగవ్వ కల హోస్ట్ నాగార్జున, బిగ్ బాస్ నిర్వాహకులు నెరవేర్చారు. గంగవ్వ తన సొంతూరిలో రూ. 20 లక్షలకు పైగా ఖర్చుతో ఇంటిని నిర్మించుకుంది. 

Gangavva

దాదాపు రూ. 20 లక్షలు నాగార్జున, బిగ్ బాస్ మేకర్స్ గంగవ్వకు ఇచ్చారని సమాచారం. మరోసారి ఆమెకు బిగ్ బాస్ షోలో పాల్గొనే ఛాన్స్ వచ్చింది. సీజన్ 8లో వైల్డ్ కార్డు ఎంట్రీ ఇచ్చింది. ఫ్రాంక్స్ తో కంటెస్టెంట్స్ ని హడలెత్తించింది. గుండెపోటు వచ్చిందని ఒకసారి, దెయ్యం పట్టిందని మరోసారి ఫ్రాంక్స్ చేసి గంగవ్వ కంటెస్టెంట్స్ కి చుక్కలు చూపించింది. 

గంగవ్వ ఎంట్రీ పై ఒకింత వ్యతిరేకత ఉంది. ఆమెకు సింపతీ కారణంగా ఓట్లు పడతాయి. ఆమె కారణంగా మిగతా కంటెస్టెంట్స్ సరిగా ఆడరు. గంగవ్వ బిగ్ బాస్ షోకి వద్దని పలువురు సోషల్ మీడియాలో కామెంట్స్ పెట్టారు. అయినప్పటికీ మేకర్స్ ఆమె పట్ల మొగ్గు చూపారు.