ఆదిరెడ్డి జీవితాన్ని బిగ్ బాస్ షో మార్చేసింది. ఒకప్పుడు ఆదిరెడ్డి బెంగుళూరులో చిన్న జాబ్ చేసుకుంటూ ఆర్థిక కష్టాలతో ఇబ్బందులు పడేవాడు. అతడు బిగ్ బాస్ షో గురించి మాట్లాడే తీరు చూసి, వీడియోలు చేయమని సలహా ఇచ్చారు మిత్రులు.
అలా బిగ్ బాస్ రివ్యూవర్ గా మారిన ఆదిరెడ్డి ఫుల్ ఫేమస్ అయ్యాడు. అతని యూట్యూబ్ వీడియోలకు లక్షల్లో వ్యూస్ రావడం స్టార్ట్ అయ్యింది. అలా వచ్చిన ఫేమ్ తో ఏకంగా బిగ్ బాస్ షోలో ఛాన్స్ దక్కించుకున్నాడు.
Adi Reddy
బిగ్ బాస్ సీజన్ 6 లో పాల్గొన్న ఆదిరెడ్డి ఫైనల్ కి వెళ్ళాడు. 4వ స్థానంలో నిలిచాడు. ఆదిరెడ్డి కామనర్ కోటాలో హౌస్లో అడుగుపెట్టడం విశేషం. సెలెబ్రెటీలకు పోటీ ఇస్తూ ఆదిరెడ్డి టాప్ 5 లో చోటు దక్కించుకోవడం గొప్పపరిణామం. బిగ్ బాస్ షో అనంతరం ఆదిరెడ్డి మరింత పాపులర్ అయ్యాడు.
Adi Reddy
బిగ్ బాస్ రివ్యూవర్ గా ఆదిరెడ్డి సంపాదన నెలకు లక్షల్లోకి చేరింది. ఒకప్పుడు ఆదిరెడ్డి వాళ్ళ అమ్మ ఒంటిపై కనీస నగలు ఉండేవి కావట. ఏదైనా ఫంక్షన్ కి వెళ్లాల్సి వస్తే బంధువుల నగలు పెట్టుకొని వెళ్లేదట. తల్లి ఆర్థిక బాధలు పడలేక ఆత్మహత్య చేసుకుందట.
Adi Reddy
ఇప్పుడు మా అమ్మ ఉంటే ఆమె ఒంటి నిండా నగలు చేయిన్చేవాడిని. ఆ స్థోమత నాకు ఉందని బిగ్ బాస్ హౌస్లో ఆదిరెడ్డి చెప్పుకొచ్చాడు. ఆ మధ్య తనకు నెలకు రూ. 39 లక్షల ఆదాయం వస్తున్నట్లు లెక్కలతో సహా చూపించాడు. కొత్తగా ఓ భారీ ఇల్లు నిర్మిస్తున్నాడు.
ఇంత సంపాదిస్తున్న ఆదిరెడ్డి చెల్లికి మాత్రం పెళ్లి చేయడం లేదు. తాజా ఇంటర్వ్యూలో ఆదిరెడ్డికి ఈ ప్రశ్న ఎదురైంది. తన వద్ద డబ్బు ఉంది. కానీ చెల్లికి పెళ్లి చేయను అన్నాడు. అందుకు కారణం చెబుతూ... నా చెల్లి నాగ లక్ష్మికి కంటి చూపు లేదు.
Aadi Reddy-Geetu
ఆమెకు ఆపరేషన్ చేయించినా చూపు రాదు. కనుగుడ్లు బాగున్నాయి కానీ, నరాలు సరిగా లేవు. నాగ లక్ష్మికి ఐదు శాతం మాత్రమే ఒక కంటితో చూడగలదు. అయితే ఒక ఇంట్లో కాసేపు నడిస్తే... ఏది ఎక్కడ ఉందో అర్థం చేసుకుంటుంది. నా చెల్లి బాగోగులు నా భార్యనే చూసుకుంటుంది. అలాంటి నాగ లక్ష్మి వేరే ఇంటికి కోడలిగా వెళితే మరింత కష్టం అవుతుంది.
Adi Reddy
తనకున్న అంగవైకల్యంతో అత్తారింటిలో ఆమె నెట్టుకురాలేదు. అందుకే పెళ్లి చేయడం లేదని, ఓపెన్ అయ్యాడు. కాగా నాగలక్ష్మి కూడా ఒక యూట్యూబ్ ఛానల్ నడపడం విశేషం. అందుకు కూడా సబ్స్క్రైబర్స్ ఉన్నారు.