Aadivaram With Star Maa Parivaaram: ఈ కట్టె కాలేవరకు నీతోనే..మాటిచ్చిన అమర్ దీప్, ఏడ్చేసిన అరియానా,శోభా శెట్టి

ప్రతి ఒక్కరూ తమ ఫ్రెండ్ చేతికి ఫ్రెండ్ షిప్ బ్యాండ్ కడుతూ.. వారి జీవితంలో ఆ వ్యక్తి ఎందుకు ముఖ్యం అనే విషయాన్ని తెలియజేశారు. అందులో అమర్ దీప్ , అరియానా, శోభా శెట్టి మాట్లాడిన మాటలు మరింత ఎక్కువగా ఆకట్టుకున్నాయి. 

ఆదివారం విత్ స్టార్ మా పరివారం..

బుల్లి తెర ప్రేక్షకులకు యాంకర్ శ్రీముఖి ని పరిచయం చేయాల్సిన అవసరమే లేదు. దాదాపు స్టార్ మాలో వచ్చే అన్ని ప్రోగ్రామ్స్ ని.. శ్రీముఖి యాంకర్ గా వ్యవహరిస్తోంది. ముఖ్యంగా ఆదివారం విత్ స్టార్ మా పరివారంతో ప్రేక్షకులకు మరింత చేరువైంది. ప్రతి ఆదివారం.. బుల్లితెర నటీనటులను పిలిచి.. వారితో సరదా ఆటలు ఆడిస్తూ అలరిస్తూ వస్తోంది.

ఫ్రెండ్షిప్ డే స్పెషల్

కాగా, ఈ ఆదివారం ఫ్రెండ్ షిప్ డే సందర్భంగా స్పెషల్ గా షో చేశారు. ఈ ప్రోగ్రామ్.. స్నేహితుల దినోత్సవం రోజున టెలికాస్ట్ కానుంది. అయితే.. ఇప్పటికే ప్రోమోలు మాత్రం విడుదల చేశారు. ఈ ప్రోమోలు చాలా హైలెట్ గా నిలిచాయి.ముఖ్యంగా... ఒక ప్రోమోలో.. ప్రతి ఒక్కరూ తమ ఫ్రెండ్ చేతికి ఫ్రెండ్ షిప్ బ్యాండ్ కడుతూ.. వారి జీవితంలో ఆ వ్యక్తి ఎందుకు ముఖ్యం అనే విషయాన్ని తెలియజేశారు. అందులో అమర్ దీప్ , అరియానా, శోభా శెట్టి మాట్లాడిన మాటలు మరింత ఎక్కువగా ఆకట్టుకున్నాయి.

కన్నీరు పెట్టుకున్న శోభా శెట్టి

అమర్ దీప్ కి ఫ్రెండ్ గా అరియానా, శోభా శెట్టికి ఫ్రెండ్ గా టేస్టీ తేజా, విష్ణుప్రియకు ఫ్రెండ్ గా పృథ్వీ వచ్చారు. మొదట పృథ్వీ.. విష్ణు ప్రియ గురించి మాట్లాడుతూ ‘ మనిషిమీద పెట్టే ఎఫర్ట్ ని.. వర్క్ మీద పెట్టి ఉంటే తను అనుకున్నది జరిగి ఉండేది’ అని చెప్పాడు. 

ఆ తర్వాత శోభాశెట్టి  ఏమోషనల్ అవ్వడం విశేషం. టేస్టీ తేజ గురించి మాట్లాడుతూ ‘ నాకు ఒక్కోసారి భయం వేస్తూ ఉంటుంది. నేను నీకు ఒక ఫ్రెండ్ గా ఎడిక్ట్ అయిపోయాను. నీలాంటి ఫ్రెండ్ నాకు దొరకడం నా అదృష్టం. తేజ లాంటి ఫ్రెండ్ ప్రతి ఒక్కరికీ ఉండాలని కోరుకుంటాను’ అని చెప్పింది. ఇక.. తేజ కూడా.. ‘ శోభా లాంటి అమ్మాయి ప్రతి ఒక్కరి లైఫ్ లో భార్యగానో, చెల్లిగానో, కూతురిగానో, ఫ్రెండ్ గానూ ఉండాలి’ అని చెప్పాడు.

తేజ, శోభాశెట్టి ఇద్దరూ బిగ్ బాస్ సీజన్ 7లో స్నేహితులుగా మారారు. అప్పటి నుంచి వీరి స్నేహం కొనసాగుతోంది.

అమర్ ఎమోషనల్ కామెంట్స్..

ఆ తర్వాత అరియానా.. తన స్నేహితుడు అమర్ దీప్ గురించి మాట్లాడుతూ కన్నీరు పెట్టుకుంది. ‘ థాంక్యూ సోమచ్ రా నువ్వు నా లైఫ్ లోకి వచ్చినందుకు.నువ్వు ఇచ్చినంత రెస్పెక్ట్ ఇండస్ట్రీ ఫ్రెండ్స్ లో నాకు ఎవరూ ఇవ్వరు. ఈ రోజు అమర్ తో స్టేజ్ ఎక్కడం చాలా మంచిగా అనిపిస్తోంది’ అని చెబుతూ ఏడ్చేసింది. వెంటనే అమర్ ఆమెను ఓదార్చాడు.

ఇక అమర్ దీప్ మాట్లాడుతూ.. అరియానా తన లైఫ్ లో ఉందనే ధైర్యం తనకు ఉంది అని చెప్పాడు. ‘ ఈ కట్టె కాలే వరకు నీతో ఉంటాను’ అని చాలా ఎమోషనల్ గా మాట్లాడాడు. ఆ మాటలకు అరియానా మరింత ఎమోషనల్ అవ్వడం విశేషం. ప్రస్తుతం ఈ ప్రోమో ట్రెండ్ అవుతోంది. ప్రోమో కోసం ఇక్కడ క్లిక్ చేయండి..