చిరు, నాగ్‌, బాలయ్య, ప్రభాస్‌, మహేష్‌ సరసన నటించిన ఈ చిన్నారి ఎవరో తెలుసా? రహస్యంగా పెళ్లి చేసుకుని ఇప్పుడు

ఒకప్పుడు టాలీవుడ్‌ టాప్‌ హీరోలందరితోనూ కలిసి నటించి ఓ ఊపు ఊపేసి, స్టార్‌ హీరోయిన్‌గా  రాణించిన  స్టార్‌ హీరోయిన్‌ చిన్ననాటి రేర్‌ ఫోటోలు. ఆ హీరోయిన్‌ ఎవరో తెలుసా?

శ్రియ వైరల్ ఫోటోలు

 42 ఏళ్ళ వయసులో కూడా తన అందం, యవ్వనంతో అభిమానులను ఆకట్టుకుంటున్నారు నటి శ్రియ శరణ్. ఆమె చిన్ననాటి ఫోటోలు ఇప్పుడు వైరల్ అవుతున్నాయి. నటి శ్రియ హరిద్వార్, ఉత్తరాఖండ్‌లో జన్మించారు. అక్కడే ఉన్నత విద్యను పూర్తి చేసిన ఆమె, సినిమాపై ఉన్న ఆసక్తితో అవకాశాల కోసం అన్వేషణ ప్రారంభించారు. శ్రియా నిర్ణయాన్ని పేరెంట్స్ కూడా ఓకే చెప్పారు. 

చిన్నారి శ్రియ

శ్రియ సినిమా అవకాశం కోసం వెతుకుతున్నప్పుడు, ఆమె ఫోటో దర్శకుడు విక్రమ్ కుమార్ చేతికి చిక్కడంతో, ఆయన దర్శకత్వం వహించిన 'ఇష్టం' చిత్రంలో శ్రియను కథానాయికగా తీసుకున్నారు. ఈ చిత్రం 2001లో విడుదలై మంచి ఆదరణ పొందింది. ఆ తర్వాత వరుసగా టాలీవుడ్‌లో స్టార్‌ హీరోలతో కలిసి నటించి ఓ ఊపు ఊపేసింది. 

 నాగార్జున సరసన 2002లో విడుదలైన `సంతోషం` చిత్రంలో నటించారు. ఈ సినిమా హిట్‌ కావడంతో పాపులర్‌ స్టార్‌ అయిపోయింది. ఆ తర్వాత బాలయ్య సరసన 'చిన్నకేశవ రెడ్డి', చిరంజీవితో `ఠాగూర్‌`, నాగ్‌తో `నేనున్నాను`, తరుణ్ సరసన 'నీవు నీవు' వంటి పలు చిత్రాల్లో నటించారు.

తల్లితో శ్రియ

అలాగే పవన్‌తో `బాలు`, మహేష్‌ తో `అర్జున్‌`, ప్రభాస్‌తో `ఛత్రపతి`, ఎన్టీఆర్‌తో `నా అల్లుడు`, వెంకటేష్‌తో `గోపాల గోపాల` సినిమాలు చేసి మెప్పించింది. స్టార్‌ హీరోయిన్‌గా ఎదిగింది. తెలుగులోనే కాదు, హిందీ, తమిళంలోనే సినిమాలు చేసి ఆకట్టుకుంది. టాప్‌ స్టార్‌గా మెప్పించింది. 

శ్రియ చిన్ననాటి ఫోటో

తమిళం, తెలుగు, హిందీ, ఇంగ్లీష్, కన్నడ ఇలా పలు భాషల్లో ఇప్పటివరకు దాదాపు 70కి పైగా చిత్రాల్లో కథానాయికగా నటించిన శ్రియకు... పెళ్లయిన తర్వాత కథానాయికగా అవకాశాలు రాలేదు. అయినప్పటికీ, క్యారెక్టర్‌లకు ప్రాధాన్యత ఉన్న చిత్రాల్లో నటిస్తూనే ఉన్నారు.

గత ఏడాది ఆమె నటించిన 'షోటైమ్' అనే వెబ్ సిరీస్ విడుదలైంది. ఈ ఏడాది తమిళంలో సూర్య 44వ చిత్రంలో శ్రియ శరణ్ కీలక పాత్రలో నటిస్తున్నారు.

శ్రియా తన మ్యారేజ్‌ విషయాన్ని రహస్యంగా ఉంచింది. ఆమె 2018లో రష్యాకు చెందిన టెన్నిస్ క్రీడాకారుడు, వ్యాపారవేత్త ఆండ్రీని ప్రేమించి రహస్యంగా పెళ్లి చేసుకున్నారు. ఆమె పెళ్లయిన విషయం రెండు నెలల తర్వాతే బయటపడింది. ఆ తర్వాత శ్రియ కూడా ఈ విషయాన్ని కన్ఫమ్‌ చేసింది.  

శ్రియ కుటుంబం

అదేవిధంగా కరోనా సమయంలో శ్రియ ప్రెగ్నెంట్‌ అయ్యారు. ఆ విసయాన్ని కూడా రహస్యంగానే ఉంచింది. ఆడబిడ్డ పుట్టిన విషయాన్ని కూడా బయటకు చెప్పలేదు. తన బిడ్డకు 9 నెలలు వచ్చిన తర్వాతే ప్రకటించింది. తన కూతురికి రాధ  అనే పేరు పెట్టినట్టు వెల్లడించింది శ్రియా. ప్రస్తుతం సెలక్టీవ్‌గా సినిమాలు చేస్తుంది. ఎక్కువగా ఫ్యామిలీతోనే టైమ్‌ స్పెండ్‌ చేస్తుంది శ్రియా.