రాజకీయాల్లోకి అడుగు పెట్టబోతున్న కింగ్ నాగార్జున, ఏ పార్టీ నుంచి పోటీ చేయబోతున్నారు..? నిజమెంత..?

టాలీవుడ్ తో పాటు.. తెలుగు రాజకీయాల్లో ప్రస్తుతం ఓ వార్త సంచలనంగా మారుతోంది. అదేంటంటే... కింగ్ నాగార్జున రాజకీయాల్లోకి రాబోతున్నారన్న న్యూస్. అసలు రాజకీయాలే పడవన్న నాగ్.. అందులోకే దిగబోతున్నారా.. ఈ వార్తలో నిజమెంత....? 

టాలీవుడ్ లో స్టార్ హీరోగా.. స్టూడియోస్ అధినేతగా.. హోస్ట్ గా... పక్కా బిజినెస్ మెన్ గా అన్నింటికి మించి.. అసలు సిసలైన అక్కినేని నాగేశ్వర రావు వారసుడిగా నాగార్జున సక్సెస్ ఫుల్ లైఫ్ నులీడ్ చేస్తున్నారు. అన్నిరంగాల్లో తన చేయి వేసిన నాగార్జున రాజకీయాలు అంటే మాత్రం దూరంగా ఉంటారు. అలా ఉంటానని చాలా సార్లు స్టేట్ మెంట్లు కూడా ఇచ్చాడు. 

అయితే తాజా సమాచారం ప్రకారం.. సోషల్ మీడియా లో వైరల్ అవుతున్న న్యూస్ ప్రకారం చూస్తే..నాగార్జున రాజకీయల్లోకి రాబోతున్నారనితెలుస్తోంది. అంతే కాదు విజయవాడ ఎంపీగా కూడా పోటీ చేయడానికి రెడీ అవుతున్నారట. ఇంతకీ ఆయన ఏ పార్టీ నుంచి పోటీ చేస్తున్నారనేగా సందేహం...? 

బయట జరుగుతున్న ప్రచారం ప్రకారంచూస్తే.. నాగార్జున వైసీపీ లో చేరబోతున్నారనే వార్తలు గుట్టుగానే గుప్పుమంటున్నాయి. నాగ్ కు   విజయవాడ  పార్లమెంట్  టిక్కెట్టు ఇచ్చి పోటీకి దింపాలని చూస్తున్నారట  వైసీపీ అధినేత వైఎస్ జగన్మోహన్ రెడ్డి.  అయితే ఈ విషయంలో ఎటువంటి అఫీషియల్ అనౌన్స్ మెంట్స్ కాని.. కన్ పార్మ్ చేయడం కాని జరగలేదు. 

రాజకీయాల్లోకి ప్రత్యక్షంగా రాకపోయినా.. ఆయన సపోర్ట్ వైఎస్ కుటుంబానికి ఉన్నట్టు అప్పుడప్పుడు హింట్లు ఇస్తూనే ఉన్నాడు నాగ్.  వైఎస్ రాజశేఖర్ రెడ్డి ముఖ్యమంత్రిగా ఉన్నప్పుడు కూడా  సంక్షేమ పథకాలకు సంబంధించిన ప్రకటనల్లో అక్కినేని నాగార్జున కనిపించడం  అందరిని విస్మయానికి గురి చేసింది. 

అంతే కాదు.. ప్రస్తుతం సినీ పరిశ్రమలో వైఎస్ జగన్ మోహన్ రెడ్డికి చాలా సన్నిహితంగా మెలుగుతున్నారు నాగార్జున. ఆయన అధికారంలో ఉన్నా.. లేకున్నా కాని... జగన్ కు సానుభూతి తెలుపుతున్నారు. అప్పట్లో.. అక్రమాస్తుల కేసులో ఆరోపణలు ఎదుర్కొని వైఎస్ జగన్ జైలుపాలైనప్పుడు, జైలులో వైఎస్ జగన్ మోహన్ రెడ్డిని కలిశారు నాగ్.  

అంత ఇబ్బందుల్లో కూడా తనకు సపోర్ట్ గా ఉన్నందుకే నాగార్జునను రాజకీయల్లోకి తీసుకురావాలని జగన్ భావిస్తున్నారట. అయితే అందుకు  నాగార్జున ఇంట్రెస్ట్ చూపిస్తారా లేదా...? అనేది చూడాలి. అసలు ఇంతకీ ఈ విషయంలో ఎంత వరకూ నిజం ఉందో తెలియాలంటే కొంత కాలం వెయిట్  చేయాల్సిందే...? 

ప్రస్తుతం వరుస సినిమాలతో పాటు..బిగ్గెస్ట్ రియాల్టీ షో బిగ్ బాస్ తెలుగు షోను హోస్ట్ చేస్తూ.. ఫుల్ బిజీగా ఉన్నాడు నాగార్జున. ఆయన నటించిన బాలీవుడ్ భారీ బడ్జెట్ మూవీ బ్రహ్మాస్త్రం రిలీజ్ కు రెడీగా ఉంది. వీటితో పాటు ఘోస్ట్ లాంటి మరికొన్ని సినిమాలలో నటిస్తున్నాడు నాగార్జున.