స్టార్ హీరో బాలకృష్ణ ప్రవర్తన మీద పలు అభియోగాలు ఉన్నాయి. పబ్లిక్ లో అభిమానులను కొట్టడం, అసహనానికి గురికావడం వంటి చర్యలు వివాదాస్పదం అయ్యాయి. కెరీర్ బిగినింగ్ లో బాలకృష్ణ సెట్స్ లో ఎలా ఉండేవారో ఓ స్టార్ డైరెక్టర్ బయటపెట్టారు.
ఎన్టీఆర్ నటవారసుడిగా ఎంట్రీ ఇచ్చి స్టార్ హోదా అందుకున్నాడు బాలకృష్ణ. మాస్ మేనరిజమ్స్, డైలాగ్స్ కి ఆయన పెట్టింది పేరు. బాలయ్య డైలాగ్ చెబుతుంటే ఫ్యాన్స్ కి పూనకాలు వస్తాయి. 50 ఏళ్ల సుదీర్ఘ కెరీర్లో బాలకృష్ణ అనేక బ్లాక్ బస్టర్స్, ఇండస్ట్రీ హిట్ పరిశ్రమకు ఇచ్చారు. ఇప్పటికీ ఈ జనరేషన్ స్టార్స్ తో ఆయన పోటీపడుతున్నారు.
సిల్వర్ స్క్రీన్ పై హీరోయిజం పంచే బాలయ్య ఆఫ్ స్క్రీన్ బిహేవియర్ పలుమార్లు వివాదాస్పదం అయ్యింది. బాలయ్యకు ఇట్టే కోపం వస్తుంది. అభిమానులు ప్రేమగా దగ్గరకు వెళితే కొట్టిన సందర్భాలు ఉన్నాయి. బాలయ్య మూడ్ ఎప్పుడు ఎలా ఉంటుందో చెప్పడం కష్టం. అందుకే బాలయ్యతో వేదిక పంచుకునేవారు కొంచెం అలర్ట్ గా ఉంటారు. ఆయన మూడ్ ఆధారంగా నడుచుకుంటారు.
సెట్స్ లో బాలకృష్ణ అసిస్టెంట్స్ ని కొడుతున్న వీడియోలు కూడా కొన్ని వైరల్ అయ్యాయి. కోలీవుడ్ స్టార్ డైరెక్టర్ కే ఎస్ రవికుమార్ ఇటీవల బాలకృష్ణ మీద కొన్ని ఆరోపణలు చేశాడు. నవ్వాడని బాలకృష్ణ అసిస్టెంట్ డైరెక్టర్ ని కొట్టబోయాడు. నేను బ్రతిమిలాడి ఆపాను. తనని చూసి నవ్వితే బాలకృష్ణకు ఇట్టే కోపం వస్తుంది. ఆయనతో రెండు మూడు సందర్భాల్లో నాకు అలాంటి అనుభవం ఉంది, అన్నారు.
అయితే ఇది బాలయ్యకు ఒక సైడ్ మాత్రమే. మరో సైడ్ బాలయ్య చాలా కూల్ పర్సనాలిటీ అని మరొక డైరెక్టర్ అంటున్నారు. కెరీర్ బిగినింగ్ లో బాలకృష్ణ ప్రవర్తన ఎలా ఉండేదో ఆయన బయటపెట్టారు. 80-90లలో ఏ కోదండరామిరెడ్డి స్టార్ డైరెక్టర్. ఆయనతో చిత్రాలు చేసేందుకు హీరోలు పోటీపడేవారు. ముఖ్యంగా చిరంజీవి-ఏ కోదండరామిరెడ్డి కాంబోలో భారీ హిట్స్ వచ్చాయి.
ఓ ఇంటర్వ్యూలో ఏ కోదండరామిరెడ్డి మాట్లాడుతూ... ఎన్టీఆర్ కి నా మీద చాలా నమ్మకం ఉండేది. బాలకృష్ణకు సెట్ అయ్యే మంచి కథ సిద్ధం చేయమన్నారు. అనంతరం నేను ఒక కథ ఎన్టీఆర్ కి వినిపించాను. ఆయన 10 నిమిషాల్లోనే కథను ఓకే చేశారు. అదే అనసూయమ్మ గారి అల్లుడు చిత్రం.
సెట్స్ లో బాలకృష్ణ చాలా బాగుండేవారు. అందరితో కలిసిపోయేవారు. ముఖ్యమంత్రి కొడుకును, గోల్డెన్ స్పూన్ తో పుట్టాను అనే గర్వం ఎక్కడా కనపడేది కాదు. సొంత బ్యానర్ లో నిర్మించిన చిత్రాల షూటింగ్ సమయంలో... అందరినీ టీలు తాగారా? భోజనం చేశారా? అని స్వయంగా అడిగేవాడని... అన్నారు. బాలకృష్ణ-ఏ కోదండరామిరెడ్డి కాంబోలో భానుమతిగారి మొగుడు, భార్గవ రాముడు వంటి చిత్రాలు వచ్చాయి...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి