ఇంద్ర రికార్డులు బ్రేక్ చేయాలనే కసితో వచ్చి డిజాస్టర్ అయిన మూవీ ఏదో తెలుసా..ఆ ఒక్క తప్పు వల్లే

మెగాస్టార్ చిరంజీవి, బి గోపాల్ కాంబినేషన్ లో వచ్చిన ఇంద్ర చిత్రం అప్పట్లో ఇండస్ట్రీ రికార్డు సృష్టించింది. చిరంజీవి డ్యాన్సులు, ఫైట్స్, మణిశర్మ సంగీతం ప్రేక్షకులని ఒక రేంజ్ లో ఆకట్టుకున్నాయి. చిరంజీవి కెరీర్ లో మాస్ చిత్రాల్లో ఇంద్ర చిత్రానికి ప్రత్యేక స్థానం ఉంటుంది. అప్పట్లో బాలయ్య, చిరంజీవి మధ్య సినిమాల విషయంలో పోటీ తీవ్రంగా ఉండేది. 

చిరంజీవి హిట్ సినిమాతో వస్తే బాలయ్య మరో హిట్టు కొట్టేవారు. కొన్నిసార్లు బాలయ్యది పైచేయి.. మరికొన్నిసార్లు చిరంజీవిది. ఇంద్ర చిత్రం రిలీజై ఇండస్ట్రీ రికార్డులు తిరగరాసింది. దీనితో బాలయ్య తన తదుపరి చిత్రంతో ఆ రికార్డులు బ్రేక్ చేయాలని ప్రయత్నించారు. ఇంద్ర చిత్రం 2002 జూలైలో విడుదలయింది. ఇంద్ర చిత్రాన్ని బ్రేక్ చేయాలనే ఉద్దేశంతో కేవలం రెండు నెలల వ్యవధిలోనే బాలయ్య చెన్నకేశవరెడ్డి చిత్రాన్ని రిలీజ్ చేశారు. 

త్వరగా రిలీజ్ చేయాలనే ఉద్దేశంతో చెన్నకేశవరెడ్డి చిత్రంలో సెకండ్ హాఫ్ ని వేగంగా చుట్టేశారు. దీనిపై నిర్మాత బెల్లంకొండ సురేష్ స్పందించారు. సినిమాని చుట్టేయలేదు. చాలా గ్రాండ్ గా తీశాం. కానీ సెకండ్ హాఫ్ లో కొన్ని లోపాలు ఉన్నాయి. ఎట్టి పరిస్థితుల్లో సెప్టెంబర్ లో రిలీజ్ చేయాలనే ఉద్దేశంతో లోపాలని పట్టించుకోలేదు. 

కాస్త టైం తీసుకుని సెకండ్ హాఫ్ పై దృష్టి పెట్టి సంక్రాంతికి కనుక రిలీజ్ చేసి ఉంటే.. ఇండస్ట్రీ రికార్డులు అప్పట్లోనే ఎగిరిపోయేవి అని సురేష్ అన్నారు. ఫస్టాఫ్ గ్రాఫ్ అద్భుతంగా ఉంటుంది. కానీ సెకండ్ హాఫ్ దెబ్బేసింది. బాలయ్య డ్యూయెల్ రోల్, మణిశర్మ సంగీతం ఈ చిత్రంలో ఆకట్టుకున్నాయి. యాక్షన్ సన్నివేశాలు శృతి మించాయి అనే కామెంట్స్ కూడా వినిపించాయి. 

మెగా హీరోలతో సినిమా చేయకపోవడానికి కూడా బెల్లంకొండ సురేష్ కారణం చెప్పారు. బాలయ్య నిర్మాత అనే ముద్ర పడడం వల్ల మెగా ఫ్యామిలీ దూరం పెట్టింది అనే కామెంట్స్ ని బెల్లంకొండ సురేష్ ఖండించారు. రాంచరణ్ తో ఒక సినిమాకి చర్చలు జరిగాయని.. కానీ కథ నచ్చకపోవడంతో కాంబినేషన్ సెట్ కాలేదు అని సురేష్ తెలిపారు.