అల్లు అర్జున్ చిత్రాన్ని ప్రభాస్ ఎందుకు వదిలేశాడో తెలుసా, ఒకే ఒక్క కారణంతో బన్నీ కెరీర్ మారిపోయింది

హీరోలు స్టార్ హీరోలుగా మారాలంటే ఒక్క సాలిడ్ మూవీ అవసరం. చిరంజీవి కెరీర్ లో అలాంటి చిత్రం ఖైదీ అని చెప్పొచ్చు. మహేష్ బాబుకి ఒక్కడు, పవన్ కళ్యాణ్ కి తొలి ప్రేమ లాంటి చిత్రాలు ఉన్నాయి. ఇవన్నీ హీరోల కెరీర్ ని మార్చేసి స్టార్ హీరోలుగా ఎదిగేలా చేసిన చిత్రాలు. ఐకాన్ స్టార్ అల్లు అర్జున్ కెరీర్ లో అలాంటి చిత్రం ఆర్య అని చెప్పొచ్చు.

Allu Arjun

హీరోలు స్టార్ హీరోలుగా మారాలంటే ఒక్క సాలిడ్ మూవీ అవసరం. చిరంజీవి కెరీర్ లో అలాంటి చిత్రం ఖైదీ అని చెప్పొచ్చు. మహేష్ బాబుకి ఒక్కడు, పవన్ కళ్యాణ్ కి తొలి ప్రేమ లాంటి చిత్రాలు ఉన్నాయి. ఇవన్నీ హీరోల కెరీర్ ని మార్చేసి స్టార్ హీరోలుగా ఎదిగేలా చేసిన చిత్రాలు. ఐకాన్ స్టార్ అల్లు అర్జున్ కెరీర్ లో అలాంటి చిత్రం ఆర్య అని చెప్పొచ్చు. సుకుమార్ దర్శకత్వంలో తెరకెక్కిన ఈ చిత్రంతో బన్నీకి యువతలో విపరీతమైన ఫాలోయింగ్ వచ్చింది. 

అలాంటి ఆర్య చిత్రాన్ని యంగ్ రెబల్ స్టార్ ప్రభాస్ రిజెక్ట్ చేశాడని తెలుసా.. అది కూడా ఒకే ఒక్క కారణంతో. బన్నీ కంటే ముందుగా సుకుమార్ ఆర్య చిత్రాన్ని ప్రభాస్ తో చేయాలనుకున్నారు. ఆ తర్వాత ఎన్టీఆర్ పేరు కూడా వినిపించింది. కానీ వీరిద్దరూ ఈ చిత్రాన్ని రిజెక్ట్ చేశారు. 

సుకుమార్ చెప్పిన కథ ప్రభాస్ కి బాగా నచ్చింది. కానీ  అదే టైంలో ప్రభాస్ వర్షం చిత్రంలో నటిస్తున్నాడు. వర్షం వన్ సైడ్ లవ్ స్టోరీ కాదు. కానీ ఆర్య చిత్రం వన్ సైడ్ లవ్ స్టోరీ. తనకి వన్ సైడ్ లవ్ స్టోరీ చిత్రాలు సెట్ కావని ప్రభాస్ సుకుమార్ కి చెప్పేశారు. దీనితో ఈ కథ అల్లు అర్జున్ దగ్గరికి వెళ్ళింది. 

అల్లు అర్జున్ బాడీ లాంగ్వేజ్ కి ఆర్య కథ బాగా సెట్ అయింది. ఫలితంగా ఈ చిత్రం సంచలన విజయం సాధించింది. అదే ఏడాది ప్రభాస్ వర్షం చిత్రంతో బ్లాక్ బస్టర్ హిట్ అందుకున్నారు. ప్రభాస్, అల్లు అర్జున్ ఇద్దరూ ప్రస్తుతం పాన్ ఇండియా స్థాయిలో తిరుగులేని హీరోలు. బాహుబలి 1, బాహుబలి 2, కల్కి 2898 ఎడి లాంటి చిత్రాలతో ప్రభాస్ పాన్ ఇండియా క్రేజ్ సొంతం చేసుకున్నారు. ఇక అల్లు అర్జున్ నటించిన పుష్ప 2 చిత్రం వరల్డ్ వైడ్ గా 1800 కోట్ల వసూళ్లు రాబట్టింది. 

హీరో హీరోయిన్ ని ప్రేమిస్తూ ఉంటాడు. ఆమె నన్ను ప్రేమించాల్సిన అవసరం లేదు.. నా ప్రేమను ఫీల్ అయితే చాలు అని హీరో భావిస్తూ ఉంటాడు. ఇలాంటి కాన్సెప్ట్  తో అంత వరకు సినిమా రాలేదు. ఈ పాయింట్ యువతకి బాగా నచ్చేసింది. అల్లు అర్జున్ ఎనర్జిటిక్ పెర్ఫార్మెన్స్, హీరోయిన్ అను మెహతా క్యూట్ లుక్స్, దేవిశ్రీ ప్రసాద్ సంగీతం అన్నీ కలసి మ్యాజిక్ చేశాయి.